Friday, October 22, 2021

ஏற்றுமதி பயிர்களின் சந்தை விலைகள் இதோ

ஏற்றுமதி பயிர்களின் சந்தை விலைகள் இதோ

 


கருவா, மிளகு, சாதிக்காய், கராம்பு மற்றும் கோப்பி உள்ளிட்ட பல ஏற்றுமதி பயிர்களின் சந்தை விலை உயர்ந்துள்ளது.


இந்த ஆண்டு செப்டெம்பர் 30 ஆம் திகதி வரை மசாலாப் பொருட்கள் ஏற்றுமதியின் ஊடாக இலங்கை 350 மில்லியன் அமெரிக்க டொலர் வருமானத்தை ஈட்டியுள்ளதாக ஏற்றுமதி விவசாயத் திணைக்களம் தெரிவித்துள்ளது.

ஒரு கிலோ கிராம் மிளகின் விலை 500 ரூபாயில் இருந்து 900 ரூபாயாகவும், கருவாவின் விலை 3,400 ரூபாயாகவும், ஒரு கிலோ கராம்பின் விலை 1,400 ரூபாயாகவும், ஒரு கிலோ சாதிக்காயின் விலை 1,000 ரூபாயாகவும் உயர்ந்துள்ளதாக திணைக்களம் தெரிவித்துள்ளது.

இந்த ஆண்டு மாத்திரம் இதுவரையிலும், கருவா, மிளகு மற்றும் கராம்பு உள்ளிட்ட 45,000 மெட்ரிக் டொன்களுக்கும் அதிகமான முக்கிய ஏற்றுமதி பயிர்கள் ஏற்றுமதி செய்யப்பட்டுள்ளன.
22 மூடைகளில் 740 கிலோ மஞ்சள் மீட்பு

22 மூடைகளில் 740 கிலோ மஞ்சள் மீட்பு

 


புத்தளம் மாவட்டத்தின் கற்பிட்டி தில்லயடி மற்றும் கண்டக்குழி ஆகிய கடற்பிரதேசத்தில் மறைத்து வைக்கப்பட்டிருந்த 740 கிலோ கிராம் உலர்ந்த மஞ்சள் கைப்பற்றப்பட்டுள்ளதாக கடற்படையினர் தெரிவித்தனர்.


அத்துடன் இதுதொடர்பில் சந்தேகத்தின் பெயரில் ஒருவர் கைது செய்யப்பட்டுள்ளதாகவும் கடற்படையினர் குறிப்பிட்டனர்.

வடமேற்கு கடற்படை கட்டளையின் விஜய கடற்படையினரின் கீழ் இயங்கும் மெரின் பலசேனா அதிகாரிகள் குறித்த பகுதியில் செவ்வாய்க்கிழமை (20) நள்ளிரவு விஷேட சோதனை நடவடிக்கையினை மேற்கொண்டனர்.

இதன்போது குறித்த கடற்பிரதேசத்தை அண்டிய பகுதியில் நபர் ஒருவர் சில மூடைகளை கெப் வாகனத்தில் ஏற்றிக் கொண்டிருந்த போது அங்கு சென்ற கடற்படையினர் குறித்த வாகனத்தை சோதனையிட்டனர்.

இதன்போது குறித்த மூடைகளில் உலர்ந்த மஞ்சள் இருப்பது கண்டுபிடிக்கப்பட்டது. இதனை அடுத்து, குறித்த மஞ்சள் மூடைகளை கைப்பற்றிய கடற்படையினர் அந்த நபரை சந்தேகத்தின் பெயரில் கைது செய்தனர்.

19 மூடைகளில் அடைக்கப்பட்ட 640 கிலோ கிராம் நிறையுடைய உலர்ந்த மஞ்சள் இதன்போது கடற்படையினரால் மீட்கப்பட்டுள்ளது.

இதேவேளை, கற்பிட்டி கண்டக்குழி பகுதியில் கடற்படையினர் மற்றுமொரு சோதனை நடவடிக்கை ஒன்றை மேற்கொண்டனர்.

இதன்போது, கண்டக்குழி கடற்கரையில் கைவிடப்பட்ட நிலையில் காணப்பட்ட 3 உர மூடைகளை கடற்படையினர் சோதனை செய்த போது அதில் உலர்ந்த மஞ்சள் இருப்பது கண்டுபிடிக்கப்பட்டது.

மூன்று மூடைகளிலும் 100 கிலோ கிராம் எடையுள்ள மஞ்சள் காணப்பட்டதாக கடற்படையினர் தெரிவித்தனர்.

குறித்த மஞ்சள் உள்ளூர் பகுதிகளுக்கு எடுத்துச் சென்று விற்பனை செய்யும் நோக்கில் குறித்த மஞ்சள் சட்டவிரோதமாக நாட்டுக்குள் கொண்டுவரப்பட்டிருக்கலாம் என தாம் சந்தேகிப்பதாகவும் கடற்படையினர் குறிப்பிட்டனர்.

இவ்வாறு கற்பிட்டி தில்லயடி பகுதியில் மீட்கப்பட்ட உலர்ந்த மஞ்சள் சுகாதார வழிகாட்டுதலுக்கு அமைய கொரோனா தொற்று நீக்கி தெளிக்கப்பட்டுள்ளதுடன், கைது செய்யப்பட்ட சந்தேக நபரும், கெப் வாகனமும் மேலதிக சட்ட நடவடிக்கைகளுக்காக கட்டுநாயக்க சுங்க திணைக்கள அதிகாரிகளிடம் ஒப்படைக்கப்பட்டுள்ளதாக கடற்படையினர் கூறினர்.

அத்துடன் கண்டக்குழி பகுதியில் கைவிடப்பட்ட நிலையில் கடலில் மீட்கப்பட்ட மஞ்சள் மூடைகள் மேலதிக நடவடிக்கைகளுக்காக தமது பொறுப்பில் வைக்கப்பட்டுள்ளதாவும் கடற்படையினர் மேலும் தெரிவித்தனர்.

இதேவேளை, கற்பிட்டி, புத்தளம் ஆகிய பிரதேசத்தில் கடந்த செப்டம்பர் மாதம் முதல் நேற்று முன்தினம் (20) வரையிலான காலப்பகுதியில் 8,770 கிலோ கிராம் உலர்ந்த மஞ்சள் கடற்படையினரால் கைப்பற்றப்பட்டுள்ளதுடன், 4 இந்தியர்கள் உட்பட 17 பேர் சந்தேகத்தில் கைது செய்யப்பட்டுள்ளமை குறிப்பிடத்தக்கது.
கிழக்கு மாகாண கொவிட் பரவலின் தற்போதைய நிலைமை

கிழக்கு மாகாண கொவிட் பரவலின் தற்போதைய நிலைமை

 


கிழக்கு மாகாணத்தில் கொரோனா வைரஸ் தொற்று தற்போது படிப்படியாக குறைந்து வருவதாக அந்த மாகாணத்தின் சுகாதார சேவைகள் பணிப்பாளர் அலுவலகம் தெரிவித்துள்ளது.


வைரஸ் தொற்றின் காரணமான மரணங்களினதும் எண்ணிக்கை மற்றும் தொற்றாளர்களின் எண்ணிக்கையும் வெகுவாக குறைவடைந்துள்ளதாக கிழக்கு மாகாண சுகாதார சேவைகள் பணிப்பாளர் ஏ.ஆர்.எம்.தௌபீக் தெரிவித்துள்ளார்.

இது தொடர்பாக நேற்று(21) நடைபெற்ற ஊடகவியலாளர்களுடனான சந்திப்பில் பணிப்பாளர் ஏ.ஆர்.எம்.தௌபீக் மேலும் தெரிவிக்கையில்,

2021 ஓகஸ்ட் 3ஆம் மற்றும் 4ஆம் வாரங்களில் சராசரியாக 6,000 தொற்றாளார்களும் 100 மரணங்களும் கிழக்கு மாகாணத்தில் பதிவாகின.

செப்டம்பர் முதலாம் வாரத்தில் 4,400 தொற்றாளர்களும் இரண்டாம் வாரத்தில் 3,300 தொற்றாளர்களும், 80 மரணங்களும், மூன்றாம் வாரத்தில் 2,000 தொற்றாளர்களும் 67 மரணங்களும், நான்காம் வாரத்தில் 1,104 தொற்றாளர்களும் 42 மரணங்களும், ஐந்தாம் வாரத்தில் 801 தொற்றாளர்களும் 12 மரணங்களும் பதிவாகிவாகியதாக கூறினார்.
வளிமண்டலவியல் திணைக்களம் வெளியிட்டுள்ள அறிக்கை..!!!

வளிமண்டலவியல் திணைக்களம் வெளியிட்டுள்ள அறிக்கை..!!!


நாட்டின் பெரும்பாலான பகுதிகளில் பி.ப. 2.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

மத்திய, சப்ரகமுவ, மேல், வடமத்திய மற்றும் வடமேல் மாகாணங்களிலும் காலி மற்றும் மாத்தறை மாவட்டங்களிலும் சில இடங்களில் 100 மி.மீ க்கும் அதிகமான பலத்த மழைவீழ்ச்சி எதிர்பார்க்கப்படுகின்றது.

கிழக்கு மற்றும் தெற்கு கரையோரப் பிரதேசங்களில் காலை வேளையில் சிறிதளவான மழை பெய்யக் கூடிய சாத்தியம் காணப்படுகின்றது.

இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக பலத்த காற்றும் வீசக்கூடும். மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள்.

மத்திய, சப்ரகமுவ, மேல் மற்றும் வடமத்திய மாகாணங்களில் சில இடங்களில் பனிமூட்டமான நிலை காணப்படும் என எதிர்பார்க்கப்படுகின்றது.

மழை நிலைமை : நாட்டைச் சூழவுள்ள கடற்பரப்புகளில் பலஇடங்களில் குறிப்பாக மாலையில் அல்லது இரவில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

கிழக்கு மற்றும் தெற்கு கடற்பரப்புகளில் காலை வேளையிலும் சிறிதளவான மழை பெய்யக் கூடிய சாத்தியம் காணப்படுகின்றது.

காற்று : நாட்டைச் சூழவுள்ள கடற்பரப்புகளில் காற்றானது மேற்கு அல்லது தென்மேற்கு திசையிலிருந்து வீசக்கூடுவதுடன். காற்றின் வேகமானது மணித்தியாலத்துக்கு 15-25 கிலோ மீற்றர் வரை காணப்படும்.

ஹம்பாந்தோட்டையிலிருந்து பொத்துவில் வரையான கடற்பரப்புகளில் காற்றின் வேகமானது அவ்வப்போது மணித்தியாலத்துக்கு 30-40 கிலோ மீற்றர் வரை அதிகரிக்கக் கூடிய சாத்தியம் காணப்படுகின்றது.

கடல் நிலை : ஹம்பாந்தோட்டையிலிருந்து பொத்துவில் வரையான கடற்பரப்புகள் அவ்வப்போது ஓரளவு கொந்தளிப்பாகக் காணப்படும்.

இடியுடன் கூடிய மழை பெய்யும் நேரங்களில் கடற்பகுதிகளில் அவ்வப்போது பலமான காற்று வீசுவதுடன் அக்கடற் பிரதேசங்கள் மிகவும் கொந்தளிப்பாகவும் காணப்படும்.

அனுராதபுரம், மட்டக்களப்பு, கொழும்பு, காலி, யாழ்ப்பாணம், நுவரெலியா, இரத்தினபுரி, திருகோணமலை, மன்னார் பகுதிகளில் பி.ப. 2.00 மணிக்குப் பின்னர் மழை அல்லது இடியுடன் கூடிய மழை பெய்யும் எனவும் வளிமண்டலவியல் திணைக்களம் அறிவித்துள்ளது.
இன்றைய ராசிபலன் - 22.10.2021..!!!

இன்றைய ராசிபலன் - 22.10.2021..!!!


மேஷம்: ராசிக்குள் சந்திரன் இருப்பதால் எந்த காரியத்தை தொட்டாலும் இரண்டு மூன்று முறை முயன்று முடிக்க வேண்டிய சூழல் உருவாகும். வியாபாரத்தில் வேலையாட்கள் அதிருப்தி அடைவார்கள். உத்தியோகத்தில் சக ஊழியர்களின் சொந்த விஷயங்களில் தலையிட வேண்டாம். இடம் பொருள் ஏவல் அறிந்து செயல்பட வேண்டிய நாள்.

ரிஷபம்

ரிஷபம்: கணவன் மனைவிக்குள் கருத்து வேறுபாடுகள் வந்து போகும். எதிர்பார்த்த உதவிகள் தாமதமாகும். யாரையும் எடுத்தெறிந்து பேச வேண்டாம். பழைய கடனைத் தீர்க்க முயற்சி செய்வீர்கள். வியாபாரத்தில் போட்டிகளை சமாளிக்க வேண்டி இருக்கும். உத்தியோகத்தில் மறைமுக எதிர்ப்புகள் வந்து நீங்கும். போராடி வெல்லும் நாள்.

மிதுனம்

மிதுனம்: குடும்பத்தாரின் ஒத்துழைப்பு அதிகரிக்கும். காணாமல் போன முக்கிய ஆவணம் ஒன்று கிடைக்கும். சபைகளில் மதிக்கப்படுவீர்கள். விருந்தினர்களின் வருகையால் வீடு களைக்கட்டும். வியாபாரத்தில் விஐபிகள் வாடிக்கையாளர்கள். உத்தியோகத்தில் மேலதிகாரிகளுக்கு ஆலோசனை தருவீர்கள். புகழ் கௌரவம் கூடும் நாள்.

கடகம்

கடகம்: சாதிக்க வேண்டுமென்ற எண்ணம் வரும். உறவினர் நண்பர்களால் அனுகூலம் உண்டு. விசேஷங்களை முன்னின்று நடத்துவீர்கள். வெளியூர் பயணங்கள் திருப்திகரமாக அமையும். வியாபாரத்தில் நெளிவு சுளிவுகளை கற்றுக் கொள்வீர்கள். அலுவலகத்தில் மரியாதை கூடும். முன்னேறும் நாள்.

சிம்மம்

சிம்மம்: சோர்வு நீங்கித் துடிப்புடன் செயல்படத் தொடங்குவீர்கள். பிள்ளைகளின் பிடிவாதம் தளரும். கண்டும் காணாமல் சென்று கொண்டிருந்தவர்கள் வலிய வந்து பேசுவார்கள். சில வேலைகளை விட்டுக் கொடுத்து முடிப்பீர்கள். உத்தியோகத்தில் புது வாய்ப்புகள் வரும். புத்துணர்ச்சி பெருகும் நாள்.

கன்னி

கன்னி: சந்திராஷ்டமம் தொடர்வ தால் உங்களை அறியாமலேயே ஒருவித படபடப்பு தாழ்வுமனப் பான்மை வந்து செல்லும். வாக்குறுதிகளை நிறைவேற்றப் போராட வேண்டி இருக்கும். வியாபாரத்தில் வேலையாட்களின் ஒத்துழைப்பு சுமாராக இருக்கும். உத்தியோகத்தில் அவசர முடிவுகள் எடுக்கவேண்டாம். விட்டுக் கொடுத்துச் செல்ல வேண்டிய நாள்.

துலாம்

துலாம்: எதையும் தன்னம்பிக்கையுடன் செய்யத் தொடங்குவீர்கள். கல்யாணப் பேச்சு வார்த்தை சாதகமாக முடியும். தாயார் ஆதரித்து பேசுவார். வியாபாரத்தில் புதிய வாடிக்கையாளர்கள் தேடி வருவார்கள். சகோதர வகையில் நன்மை உண்டு. உத்தியோகத்தில் பெரிய பொறுப்பை ஏற்பீர்கள். நட்பால் ஆதாயம் அடையும் நாள்.

விருச்சிகம்

விருச்சிகம்: குடும்பத்தில் சுப நிகழ்ச்சிகளில் கலந்து கொள்வீர்கள். அரசால் அனுகூலம் உண்டு. உங்களால் மற்றவர்கள் பயனடைவார்கள். புது பொருள் வந்து சேரும். வழக்கில் சாதகமான தீர்ப்பு வரும். வியாபாரத்தில் ரெட்டிப்பு லாபம் உண்டு. உத்தியோகத்தில் தலைமைக்கு நெருக்கமாவீர்கள். காரியம் சித்தியாகும் நாள்.

தனுசு

தனுசு: குடும்பத்தின் அடிப்படை வசதிகளை மேம்படுத்துவீர்கள். நீண்ட நாள் பிரார்த்தனையை நிறைவேற்றுவீர்கள். உறவினர்கள் வீடு தேடி வருவார்கள். வியாபாரத்தில் கூடுதல் லாபம் கிடைக்கும். உத்தியோகத்தில் அதிகாரிகள் வலியவந்து உதவுவார்கள். நலமாகும் நாள்.

மகரம்

மகரம்: முக்கிய பிரமுகர்களை சந்திப்பீர்கள். மகளுக்கு நல்ல வரன் அமையும். புது வேலை கிடைக்கும். தாய்வழி உறவுகளு டன் மனஸ்தாபமும் வரக்கூடும். வியாபாரத்தில் அதிரடி சலுகைகள் மூலம் லாபமடைவீர்கள். உத்தியோகத்தில் விமர்சனங்களையும் தாண்டி முன்னேறுவீர்கள். உழைப்பால் உயரும் நாள்.

கும்பம்

கும்பம்: குடும்பத்தில் மனம் விட்டுப் பேசி மகிழ்வீர்கள். வெளிவட்டாரத்தில் அந்தஸ்து உயரும். சுப நிகழ்ச்சிகளில் கலந்துக் கொள்வீர்கள். வாகனத்தை சீர் செய்வீர்கள். வியாபாரத்தில் பற்று வரவு உயரும். உத்தியோகத்தில் அதிகாரிகள் உங்களுக்கு முக்கியத்துவம் தருவார்கள். நினைத்ததை முடிக்கும் நாள்.

மீனம்

மீனம்: கணவன்-மனைவிக்குள் அன்யோன்யம் பிறக்கும். திடீர் முடிவுகள் எடுப்பீர்கள். தோற்றப் பொலிவு கூடும். வராது என்றி ருந்த பணம் கைக்கு வரும். விரும்பிய பொருட்களை வாங்கி மகிழ்வீர்கள். யாரையும் எடுத்தெறிந்து பேச வேண்டாம். வியாபாரத்தில் எதிர்பாராத லாபம் உண்டு. உத்தியோகத்தில் பணிகளை விரைந்து முடிப்பீர்கள். திடீர் திருப்பம் நிறைந்த நாள்.
16 - 19 வயதுக்குட்பட்ட மாணவர்களுக்கு இன்று முதல் தடுப்பூசி

16 - 19 வயதுக்குட்பட்ட மாணவர்களுக்கு இன்று முதல் தடுப்பூசி

 


நாடளாவிய ரீதியில் பாடசாலை மாணவர்களில் ஒரு தரப்பினருக்கு இன்று (22) முதல் கொவிட் தடுப்பூசி செலுத்தப்படவுள்ளது.

அதற்கமைய, 16 - 19 வயதுக்கு உட்பட்ட பாடசாலை மாணவர்களுக்கு, தாம் கல்வி கற்கும் பாடசாலைகளிலேயே பைஸர் தடுப்பூசி வழங்கப்படவுள்ளது.

பெற்றோர்கள் தங்கள் பிள்ளைகளை தடுப்பூசியை பெற்றுக்கொள்ள பயமின்றி அனுப்பி வைக்குமாறு சுகாதார சேவைகள் பணிப்பாளர் நாயகம் விசேட வைத்தியர் அசேல குணவர்தன தெரிவித்துள்ளார்.

கொழும்பில் நேற்று (21) இடம்பெற்ற செய்தியாளர் சந்திப்பொன்றில் கலந்துகொண்டபோதே அவர் இத்தகவலை தெரிவித்தார்.

திடீரென மாகாண எல்லைகளில் குவிக்கப்பட்ட படைகள்

திடீரென மாகாண எல்லைகளில் குவிக்கப்பட்ட படைகள்




மாகாணங்களுக்கு இடையிலான எல்லைப் பகுதிகளில் வீதித்தடைகளில் முன்னெடுக்கப்படும் சோதனை நடவடிக்கைகளை அதிகரிக்குமாறு அறிவுறுத்தப்பட்டுள்ளது.

இந்த விடயம் தொடர்பாக பொதுமக்கள் பாதுகாப்பு அமைச்சர் ஓய்வுபெற்ற ரியர் அட்மிரல் சரத் வீரசேகரவினால் பொலிஸ்மா அதிபருக்கு அறிவுறுத்தப்பட்டுள்ளது.

அதற்கமைய எல்லைப் பகுதிகளில் திடீர் வாகன பரிசோதனைகளை அதிகரிக்குமாறும் பொலிஸ்மா அதிபருக்கு அறிவுறுத்தியுள்ளதாக பொதுமக்கள் பாதுகாப்பு அமைச்சர் கூறியுள்ளார்.

இதற்காக கூடுதல் அதிகாரிகளும் கடமையில் ஈடுபடுத்தப்பட்டுள்ளதாகவும் தெரிவிக்கப்படுகின்றது.

விடுமுறை தினங்கள் என்பதால் பலர் மாகாண எல்லைகளை கடக்கக்கூடும் என்பதால் கடுமையான பரிசோதனையை முன்னெடுக்குமாறு  அரச அதிபரும் உத்தரவிட்டிருந்தமை குறிப்பிடத்தக்கது.
பெற்றோரின் கண்முன்னே சிறுமிக்கு நடந்த விபரீதம்

பெற்றோரின் கண்முன்னே சிறுமிக்கு நடந்த விபரீதம்

 


நீர்கொழும்பு துன்கல்பிட்டிய கடலில் விளையாடிக் கொண்டிருந்த நிலையில் காணாமல் போன சிறுமி சிலாபம் இரணவில கடற்கரை பகுதியில் இன்று வியாழக்கிழமை (21) சடலமாக மீட்கப்பட்டுள்ளது என சிலாபம் காவல்துறையினர் தெரிவித்தனர்.

நீர்கொழும்பு, துன்கல்பிட்டிய, அளுத்குருவ மீனவ கிராமத்தைச் சேர்ந்த தமாஷா ரொஷாலி எனும் இரண்டரை வயது சிறுமியே இவ்வாறு சடலமாக மீட்கப்பட்டுள்ளது.

உயிரிழந்த சிறுமியும், அவரது பெற்றோரும் சுமார் 15 நாட்களுக்கு முன்னர் தொழில் நிமித்தம் துன்கல்பிட்டிய கடற்கரைக்கு அருகில் உள்ள ஒரு வீட்டிற்கு குடி வந்தனர் எனத் தெரிவிக்கப்படுகிறது.

இந்த நிலையில், கடந்த 18 ம் திகதி குறித்த சிறுமியின் பெற்றோர் கடற்கரைக்கு அண்மித்த பகுதியில் விறகுக்காக மரம் வெட்டிக்கொண்டிருக்கும் போது சிறுமி கடற்கரையோரத்தில் விளையாடிக் கொண்டிருந்ததாக பெற்றோர் தெரிவித்துள்ளனர்.

இவ்வாறு கடற்கரையோரத்திற்கு அருகில் விளையாடிக்கொண்டிருந்த சிறுமியை கடல் அலை அடித்துச் செல்வதாக ஒருவர் கூக்குரலிட்டு பெற்றோரை அழைத்துள்ளார். இதனையடுத்து, அங்கிருந்த மீனவர்கள், பொதுமக்கள் ஆகியோர் காவல்துறை, கடற்படையினரின் உதவியுடன் கடலில் காணாமல் போன சிறுமியை தேடினர். இந்த நிலையில் கடந்த 18 ஆம் திகதி காணாமல் போன சிறுமி நான்கு நாட்களின் பின்னர் இன்று (21) காலை சடலமாக மீட்கப்பட்டுள்ளார்.

குறித்த சிறுமியின் சடலத்தை பெற்றோர் அடையாளம் காட்டியுள்ளதுடன், பிரேத பரிசோதனைக்காக சடலம் சிலாபம் வைத்தியசாலையல் வைக்கப்பட்டுள்ளது. இந்த சம்பவம் தொடர்பில் துன்கல்பிட்டிய மற்றும் சிலாபம் காவல்துறையினர் விசாரணைகளை முன்னெடுத்து வருகின்றனர்.

அதிபர் ஆசிரியர்களுக்கு கல்வியமைச்சு விடுத்துள்ள முக்கிய அறிவித்தல்

அதிபர் ஆசிரியர்களுக்கு கல்வியமைச்சு விடுத்துள்ள முக்கிய அறிவித்தல்

 


நாடளாவிய ரீதியில் 200 மாணவர்களுக்கு உட்பட்ட 3,800 பாடசாலைகள் மீண்டும் ஆரம்பிக்கப்பட்டுள்ள நிலையில், அதிபர் ஆசிரியர்களுக்கு முக்கிய அறிவிப்பு கல்வி அமைச்சால் விடுக்கப்பட்டுள்ளது.

இதன்படி, பாடசாலைகளுக்கு செல்லும் ஆசிரியர்கள் மற்றும் அதிபர்களுக்கு அமுலிலுள்ள மாகாண போக்குவரத்து கட்டுப்பாடு தடையாக இருக்காது என கல்வி அமைச்சு தெரிவித்துள்ளது. இவர்களுக்கு பாதுகாப்பு பிரிவினரினால் எந்த தடையும் ஏற்படமாட்டாது.

ஆசிரியர்கள் குறிப்பிட்ட பாடசாலை அதிபரின் குறுந்தகவல் ஒன்றை மாத்திரம் பெற்றுக்கொள்வது போதுமானது என்றும் கல்வியமைச்சு தெரிவித்துள்ளது. 

Thursday, October 21, 2021

முப்படை மற்றும் பொலிஸாரை சந்தித்த வடக்கு ஆளுநர்..!!!

முப்படை மற்றும் பொலிஸாரை சந்தித்த வடக்கு ஆளுநர்..!!!


வடக்கு மாகாண ஆளுநராக புதிதாக பதவியேற்றுள்ள ஜீவன் தியாகராஜா முப்படையினர் மற்றும் பொலிசாருடன் இணைந்து வடமாகாணத்தின் தற்போதுள்ள பாதுகாப்பு நிலைமைகள் தொடர்பாக ஆராய்ந்தார்.

யாழ்ப்பாணம் பொலிஸ் நிலையத்திற்கு இன்று காலை வருகை தந்த ஆளுநர் பல்வேறு தரப்பினருடனும் சந்திப்பில் ஈடுபட்டார்.

வட மாகாணத்தின் தற்போதைய பாதுகாப்பு நிலவரங்கள் செய்யப்படவேண்டிய விடயங்கள் தொடர்பில் நீண்ட நேரம் ஆராயப்பட்டது.

இதன்போது வடக்கு மாகாண சிரேஷ்ட பிரதி பொலிஸ்மா அதிபர் ஜகத் பளிகக்கார ,யாழ்ப்பாண மாவட்ட பிரதி பொலிஸ் மாஅதிபர் பிரியந்த லியனகே, யாழ்ப்பாணம் மற்றும் காங்கேசன்துறை சிரேஷ்ட பொலிஸ் அத்தியட்சர்கள், கடற்படை, விமானப் படை,இராணுவ அதிகாரிகளிடன் தற்போதைய நிலைமைகள் தொடர்பில் ஆராய்ந்தார்.
ஆசிரியர்கள் மற்றும் அதிபர்களுக்கான அறிவிப்பு..!!!

ஆசிரியர்கள் மற்றும் அதிபர்களுக்கான அறிவிப்பு..!!!




200 மாணவர்களுக்கு உட்பட்ட பாடசாலைகள் இன்று மீண்டும் ஆரம்பிக்கப்பட்டுள்ளன.

பாடசாலைகளுக்கு செல்லும் ஆசிரியர்கள் மற்றும் அதிபர்களுக்கு அமுலிலுள்ள மாகாண போக்குவரத்து கட்டுப்பாடுகளுக்கு மத்தியிலும் பாடசாலைகளுக்கு சமூகமளிக்க முடியும் என்று கல்வி அமைச்சு தெரிவித்துள்ளது.

இதற்கு பாதுகாப்புப் பிரிவினரினால் எந்தத் தடையும் ஏற்படமாட்டாது.

ஆசிரியர்கள் குறிப்பிட்ட பாடசாலை அதிபரின் குறுந்தகவல் ஒன்றை மாத்திரம் பெற்றுக் கொள்ளுவது போதுமானது என்றும் கல்வியமைச்சு தெரிவித்துள்ளது
புகையிரத சேவையை ஆரம்பிக்குமாறு கோரிக்கை..!!!

புகையிரத சேவையை ஆரம்பிக்குமாறு கோரிக்கை..!!!



உரிய சுகாதார நடைமுறைகளை பின்பற்றி புகையிரத சேவையை ஆரம்பிக்குமாறு புகையிரத தொழிற்சங்கங்கள் கோரிக்கை விடுத்துள்ளது.

புகையிரத சேவைகள் ஆரம்பிக்கப்படாததால் அரச மற்றும் தனியார் துறைகளில் உள்ள ஊழியர்கள் கடும் சிரமத்திற்கு உள்ளாகி உள்ளதாக குறித்த சங்கம் அறிக்கை ஒன்றை வௌியிட்டு இதனை தெரிவித்துள்ளது.

நாட்டின் அனைத்து துறைகளும் ஆரம்பிக்கப்பட்டுள்ள நிலையில் புகையிரத சேவையை ஆரம்பிக்காதது பிரச்சினைக்குரிய நிலை எனவும் குறிப்பிடப்பட்டுள்ளது.

இதனால் உரிய சுகாதார நடைமுறைகளை பின்பற்றி புகையிரத சேவையை ஆரம்பிக்குமாறு அவர்கள் கோரிக்கை விடுத்துள்ளனர்.
நள்ளிரவு முதல் எரிபொருள் விலை அதிகரிப்பு..!!!

நள்ளிரவு முதல் எரிபொருள் விலை அதிகரிப்பு..!!!


எரிபொருள் விலையை இன்று நள்ளிரவு முதல் அதிகரிப்பதாக இந்திய ஒயில் நிறுவனம் அறிவித்துள்ளது.

92 ஒக்ரைன் பெற்றோல் ஒரு லீற்றர் 5 ரூபாயினாலும் டீசல் ஒரு லீற்றர் 5 ரூபாயினாலும் அதிகரிக்கப்படவுள்ளது.

அதன்படி ஒரு லீற்றர் பெற்றோலின் விலை 162 ரூபாயாகவும் ஒரு லீற்றர் டீசலின் விலை 116 ரூபாயாகவும் அதிகரித்துள்ளது.

இதேவேளை, நாட்டில் எரிபொருள் தட்டுப்பாடு இல்லை எனவும் போதியளவு கையிருப்பு பேணப்படுவதாகவும் எரிசக்தி அமைச்சர் உதய கம்மன்பில தெரிவித்துள்ளார்.
தொழிற்சாலை ஒன்றில் பாரிய தீ விபத்து..!!!

தொழிற்சாலை ஒன்றில் பாரிய தீ விபத்து..!!!





அத்தனகல்ல, ஊராபொல பிரதேசத்தில் அமைந்துள்ள தனியாருக்கு சொந்தமான தளபாட தொழிற்சாலையொன்றில் பாரிய தீப்பரவல் ஏற்பட்டுள்ளது.

இன்று (21) பிற்பகல் இடம்பெற்றுள்ள இந்த தீ விரைவாக தொழிற்சாலை முழுவதும் பரவலடைந்துள்ளதாக தெரிவிக்கப்படுகின்றது.

இந்த தீப்பரவல் ஏற்படுவதற்கான காரணம் இதுவரையில் கண்டறியப்படவில்லை.
தேசிய அடையாள அட்டை விநியோகத்தின் ஒரு நாள் சேவை மீண்டும் ஆரம்பம்..!!!

தேசிய அடையாள அட்டை விநியோகத்தின் ஒரு நாள் சேவை மீண்டும் ஆரம்பம்..!!!




தற்காலிகமாக இடைநிறுத்தி வைக்கப்பட்டிருந்த தேசிய அடையாள அட்டை விநியோகிக்கும் ஒரு நாள் சேவை எதிர்வரும் 25 ஆம் திகதி முதல் மீள ஆரம்பிக்கப்படவுள்ளதாக தெரிவிக்கப்படுகின்றது.


கொவிட் தொற்று காரணமாக இவ்வாறு ஒரு நாள் சேவையை பெற்றுக் கொள்வதற்கு முன்பதிவு செய்ய வேண்டும் என தெரிவிக்கப்படுகின்றது.
நாட்டில் மேலும் 453 பேருக்கு கொரோனா..!!!

நாட்டில் மேலும் 453 பேருக்கு கொரோனா..!!!




நாட்டில் மேலும் 453 பேருக்கு கொரோனா தொற்று உறுதிப்படுத்தப்பட்டுள்ளதாக இராணுவத் தளபதி ஜெனரல் சவேந்திர சில்வா தெரிவித்துள்ளார்.

இவர்கள் அனைவரும் புதுவருட கொவிட் கொத்தணியுடன் தொடர்புடையவர்கள் என அவர் மேலும் தெரிவித்தார்.

அதன்படி, நாட்டில் இதுவரை கொவிட் தொற்றுக்கு உள்ளானவர்களின் எண்ணிக்கை 533,758 ஆக அதிகரித்துள்ளது.

இதேவேளை, கொரோனா தொற்றில் இருந்து இன்று மேலும் 8,790 பேர் பூரணமாக குணமடைந்து வீடு திரும்பியுள்ளதாக சுகாதார அமைச்சு தெரிவித்துள்ளது.

இதற்கமைய, இதுவரை கொரோனா தொற்றில் இருந்து பூரணமாக குணமடைந்தவர்களின் எண்ணிக்கை 502,464 ஆக அதிகரித்துள்ளது.

மேலும் நாட்டில் கொவிட் தொற்றுக்கு உள்ளாகி உயிரிழந்தோரின் எண்ணிக்கை 13,543 ஆக அதிகரித்துள்ளது.
யாழ். போதனா வைத்தியசாலையில் படுகொலை செய்யப்பட்டோரின் 34 ஆவது நினைவு தினம்..!!!

யாழ். போதனா வைத்தியசாலையில் படுகொலை செய்யப்பட்டோரின் 34 ஆவது நினைவு தினம்..!!!


1987 ஆம் ஆண்டு யாழ்ப்பாணம் போதனா வைத்தியசாலைக்குள் நுழைந்த இந்திய இராணுவத்தினரால் யாழ்ப்பாணம் போதனா வைத்தியசாலையில் கடமையில் இருந்த 21 பேர் சுட்டு படுகொலை செய்யப்பட்டிருந்ததன் 34 ஆம் ஆண்டு நினைவு தினம் யாழ்ப்பாணம் போதனா வைத்தியசாலை ஊழியர்களின் ஏற்பாட்டில் இன்று காலை இடம்பெற்றது.

இந்திய இராணுவத்தினரால் சுட்டு படுகொலை செய்யப்பட்டோரின் நினைவாக உயிரிழந்தோரின் உறவுகளால் சுடர் ஏற்றப்பட்டு படுகொலை செய்யப்பட்டோரின் திருவுருவப் படங்களுக்கு மலர் மாலை அணிவிக்கப்பட்டு மலரஞ்சலி செலுத்தப்பட்டது.

சுகாதார நடைமுறைகளை பேணி மட்டுப்படுத்தப்பட்ட அளவில் இடம்பெற்ற குறித்த நிகழ்வில் யாழ்ப்பாணம் போதனா வைத்தியசாலை பணிப்பாளர், பிரதிப் பணிப்பாளர், வைத்தியசாலை ஊழியர்கள் என பலரும் கலந்து கொண்டனர்.
'மக்கள் குழப்பமடைய வேண்டாம்' - எரிசக்தி அமைச்சர் அதிரடி அறிவிப்பு..!!!

'மக்கள் குழப்பமடைய வேண்டாம்' - எரிசக்தி அமைச்சர் அதிரடி அறிவிப்பு..!!!




நாட்டினுள் எவ்வித எரிபொருள் பற்றாக்குறையும் இல்லை என எரிசக்தி அமைச்சர் உதய கம்மன்பில தெரிவித்தார்.

இன்று சில எரிபொருள் நிரப்பு நிலையங்களில் ஏற்பட்டுள்ள குழப்ப நிலை குறித்து விளக்கம் அளித்து அமைச்சர் இதனை தெரிவித்தார்.

மேலும் கருத்து தெரிவித்த அமைச்சர்,

ஒரே விடயத்தை 108 தடவை சொன்னால் அது உண்மையாகிவிடும் என்று பழைய நம்பிக்கை ஒன்று உள்ளது. அதனால் என்னவோ கடந்த 4 மாதங்களால் இடைக்கிடையில் பெற்றோலிய தொழிற்சங்கள் அதேபோல் எதிர்க்கட்சியின் அரசியல்வாதிகள் நாட்டில் எரிபொருள் பற்றாக்குறை ஏற்பட்டுள்ளதாக அடிப்படையற்ற குற்றச்சாட்டுக்களை முன்வைத்து வருகின்றனர். கடந்த 4 மாதங்களாக அவர்கள் கூறிய எரிபொருள் பற்றாக்குறை ஏற்படவில்லை. நான் உறுதியளித்தேன் நாட்டில் எரிபொருள் பற்றாக்குறை ஏற்படுவதற்கு முன்னரே நான் அறிவிப்பேன் என்று. அதன்படி, செப்டம்பர் மாதம் 29 ஆம் திகதி நாட்டில் கச்சா எண்ணெய் பற்றாக்குறையொன்று ஏற்பட வாய்ப்புள்ளது என நான் தெரிவித்தேன். அதனை தடுக்க நடவடிக்கை எடுக்கப்பட்டு வருவதாக நான் கூறியிருந்தேன். மீண்டும் அதேதான் கூறுகிறேன். நாட்டில் தற்போது எவ்வித எரிபொருள் பற்றாக்குறையும் இல்லை. வீணாக குழப்பமடைய வேண்டாம்.
பிக்பாஸ் 5 : 18ம் நாள் | காமெடி வில்லன் அபிஷேக், அதிகார பிரியங்கா - யார் இவர்களுக்கு எல்லா உரிமையும் கொடுத்தது?

பிக்பாஸ் 5 : 18ம் நாள் | காமெடி வில்லன் அபிஷேக், அதிகார பிரியங்கா - யார் இவர்களுக்கு எல்லா உரிமையும் கொடுத்தது?


"இதுதான் என் கேம்” என்று அபிஷேக் சொல்லிக் கொண்டிருக்க, “இதெல்லாம் ஒரு பொழப்பா தம்பி... ரொம்ப கேவலமா இருக்கு” என்று இமான் வருத்தப்பட ‘அப்படித் துப்பிட்டு கிளம்பு’ என்பது போல் வெட்கமேயில்லாமல் எதிர்வினையாற்றினார் அபிஷேக்.

"கைக்கு கை மாறும் பணமே... உன்னைக் கைப்பற்றத் துடிக்குது மனமே’’ என்று ஒரு பழைய தமிழ் சினிமா பாட்டு இருக்கிறது. பிக் பாஸ் வீட்டில் நிகழ்ந்து கொண்டிருப்பதும் இதுதான். பண்டமாற்று என்னும் முறை மனித குலத்தில் இருந்தபோது அது சில நடைமுறைக் குழப்பங்களை ஏற்படுத்தியதால் அதற்கு மாற்றாக ‘பணம்’ கண்டுபிடிக்கப்பட்டது. ஆனால், பணம் என்னும் விஷயம் அதை விடவும் பல கொடூரமான குழப்பங்களை இன்றுவரை ஏற்படுத்திக் கொண்டிருக்கிறது என்பதைத்தான் மனித வரலாற்றில் பார்த்துக் கொண்டு வருகிறோம்.

“இந்தப் பொருளை வைத்திருந்தால் நீங்கள் பிழைக்க முடியும். இல்லையென்றால் உங்களுக்கு நிச்சயம் மரணம்தான்” என்று நம்ப வைத்து ஒரு விஷயத்தை மனிதர்கள் கூட்டத்தின் நடுவில் போடுகிறோம் என்று வைத்துக் கொள்வோம். அதை வைத்து பிழைக்கிறவனை விடவும் அதை எடுக்கப் போகிற மூர்க்கமான சண்டையில் சாகிறவர்கள்தான் அதிகம் இருப்பார்கள்.

கேவலம் ஒரு பிளாஸ்டிக் தகடு... அதை அலங்காரமாக பெடஸ்டலில் வைத்தவுடன் அதற்கு எப்படி உயிர் வந்துவிடுகிறது பார்த்தீர்களா? அதைக் கைப்பற்றுவதற்கும் பாதுகாப்பதற்கும் எத்தனை போட்டி?

 
பிக்பாஸ் என்பது ரியாலிட்டி ஷோதான் என்றாலும் மனித வாழ்க்கையின் துண்டுகளைத்தான் அது பிரதிபலிக்கிறது. பிக்பாஸில் பிரபலமானவர்கள் போட்டியாளர்களாக இருக்கிறார்கள் என்றால், நிஜ வாழ்க்கையில் நாம்தான் அந்தப் போட்டியாளர்களாக இருக்கிறோம். எனவே இவர்களைப் பற்றி குறை சொல்லி வம்பு பேசுவதை விடவும், இந்த நிகழ்ச்சியின் மூலம் நம் அந்தரங்க கீழ்மைகளை நாமே எப்படிக் கண்டுபிடிக்கிறோம் என்பதுதான் இதைப் பார்ப்பதில் நமக்கு கிடைக்கும் வெற்றி இருக்கிறது.

ஒரே நாளில் கசகசவென்று பல நிகழ்வுகள் அடுக்கடுக்காக நடந்தால் இந்த நிகழ்ச்சியை எடிட் செய்பவர்களுக்கு மட்டுமல்ல, பார்க்கும் நமக்கும் மண்டை காய்ந்து விடும். இந்த எபிசோடில் அதுதான் நிகழ்ந்தது.

பிக் பாஸ் வீட்டில் பரபரப்பாக ஓடிக் கொண்டிருக்கும் யாரை நிறுத்தி விசாரித்தாலும் “பாஸ்... நான் தாமரையைக் காப்பாத்தியாகணும், டைம் இல்ல... அவசரமா போறேன், அப்புறமா வந்து பேசறேன்” என்று நிற்காமல் ஓடுகிறார்கள். ‘டேய் யார்ரா நீங்கள்லாம்?’

பிக்பாஸ் எபிசோட் 18-ல் என்ன நடந்தது?

நாணயங்களைத் திருடும் உக்கிரமான போட்டி இன்னமும் நிறையவடையாமல் அதிக குழப்பங்களுடன் தொடர்ந்தது. பிணத்தை வீட்டுக்கு வெளியில் வைத்து உறவினர்கள் சுற்றி அமர்ந்திருப்பது போல் இசை, தாமரை உள்ளிட்டவர்கள் கார்டன் ஏரியாவில் நாணயத்தைச் சுற்றி அமர்ந்திருக்க “நான் இதை எடுத்து ஜெயில்ல ஒளிச்சு வைக்கறேன். அப்புறம் பார்ப்போம்” என்று அபிஷேக் அதிரடி முடிவு எடுக்க “நான் சொல்லிடுவேன்” என்று பாய்ந்து எழுந்தார் இசை. “லூஸூ உனக்காகத்தான் எடுக்கிறேன்” என்று அபிஷேக் சொன்னவுடன் பம்மி அமர்ந்துவிட்டார்.

தாமரை, சின்னப்பொண்ணு, இசை ஆகியோர்களைக் காப்பாற்றுவதற்காக முன்னணி போட்டியாளர்கள் படும் சிரமங்களையும் நாடகங்களையும் பார்த்தால் இதுதான் தோன்றுகிறது. “உங்களையெல்லாம் பார்த்தா அவ்வளவு நல்லவங்களா தெரியலையே?!”

 
ஒரு சமூகத்தில் எல்லா வசதிகளுடனும் மேலே இருப்போர், கீழே இருப்போரை ‘கருணையுடன்’ பார்ப்பதற்கு பின்னால் பல அரசியல்கள் உள்ளன. ‘வறுமையை ஒழிப்போம்’ என்று ஒவ்வொரு அரசியல்வாதியும் மேடையில் எதற்கு முழங்குகிறார்? வறுமையை ஒழிப்பதற்காக அல்ல. ஒளிப்பதற்காக... இதே கருணை அரசியல்தான் பிரியங்கா குரூப்பிடம் தாண்டவம் ஆடுகிறது. தாமரை உள்ளிட்டவர்களுக்கு உதவுவதாக இவர்கள் வெளியில் காட்டிக் கொண்டால் இவர்களின் மைலேஜ் இன்னமும் உயரும். அதுதான் இவர்கள் உதவுதற்குப் பின்னால் உள்ள சூட்சுமம். இதை ராஜு ஏற்கெனவே அம்பலப்படுத்திவிட்டார்.

‘சிட்பண்டில்’ பணம் போட்டு ஏமாந்த மிடில் கிளாஸ் ஆசாமியைப் போல தன்னிடமிருந்து திருடப்பட்ட நாணயம் குறித்து ஐக்கி ஓவென்று அழ, “இந்தக் கூட்டுக்களவாணித்தனமே வேண்டாம்... தனித்தனியா ஆடுவோம்” என்கிற ஞானோதயம் இசைக்கு தாமதமாகப் பிறக்க, சிறையில் இருக்கும் நிரூப்பிடம் ‘நாணயத்தை திருப்பி வெச்சுடு’ என்று கேட்கிறார். “குழந்தைகளை எல்லாம் ஏன் வேலைக்கு எடுக்கறீங்க?” என்று இதற்காக கோபம் கொண்டு அபிஷேக் கத்துகிறார். நீரூப், பிரியங்காவிடம் நாணயத்தைக் கொடுக்க முயலும்போது “பார்த்துட்டேன்... பார்த்துட்டேன்’ என்று வருண் சைரனாக மாறி அலற, பிரியங்காவும் சிறைக்குச் செல்ல நேரிடுகிறது. பாவனியிடமிருந்து கை மாற்றிய காரணத்தினால் சுருதியும் இவர்களுடன் சிறைப்பறவையாக ஸ்ருதி சேர்கிறார்.

‘இப்படி உக்காந்துக்கிட்டே இருந்தா நூறாவது எபிசோட் வரைக்கும் உக்காந்திருக்க வேண்டியதுதான்’ என்று முடிவு செய்த சிபி, "நாணயத்தை நான் எடுத்து விடுகிறேன். தேவையானவர்களுக்குத் தருகிறேன்” என்று அங்கிருப்பவர்களிடம் அறிவித்துவிட்டு பிறகு தாமரைக்கும் இசைக்கும் ‘அதிகாரபூர்வ நாணயம்’ கிடைக்க வழி செய்கிறார். வீட்டின் தலைவராக இருந்து கொண்டு அவர் இதைச் செய்வது முறையானதல்ல. ஆனால் வேறு வழியும் இல்லை. ஆட்டம் முடிய வேண்டும்.

 
‘ஐந்து நாணயங்கள் கைப்பற்றப்பட்டு விட்டன’ என்று அறிவித்த பிக் பாஸ், சிறையில் இருப்பவர்களை ரீலீஸ் செய்தவுடன் ‘ஹப்பாடா... இந்த நாசமத்த கேம் இத்தோடு முடியப் போகுது போல’ என்று நாம் நிம்மதியாக சாய்ந்து உட்கார்ந்தால் இனிதான் இன்னமும் அதிக உக்கிரத்துடன் தொடர்ந்தது. ஆம், மற்றவர்கள் ஒளித்து வைத்திருக்கும் நாணயங்களைப் பறிக்கும் கொலைவெறியோடு ஒவ்வொருவரும் திரிந்தார்கள்.

‘கெடக்கறதெல்லாம் கெடக்கட்டும். கெழவியை தூக்கி மனைல வை’ என்கிற பழமொழி மாதிரி, நாணயத்திற்காக ஒருபக்கம் கொலைவெறிப் போட்டி போய்க் கொண்டிருக்கும் போது பாவனியும் அக்ஷராகவும் இன்னொருபக்கம் குடுமிப்பிடிச் சண்டையை ஆரம்பித்தார்கள். “என்கிட்ட உனக்கு ஏதாவது பிரச்னையா? எதுவா இருந்தாலும் மூஞ்சு மேல பேசு” என்பதை ‘’கார்டு மேல பதிமூணு நம்பர் இருக்குல்ல சார்... அதைச் சொல்லுங்க” என்கிற டோனில் அக்ஷராவிடம் சொல்லிக் கொண்டிருந்தார் பாவனி.

விடிந்தது. “பாவனி என்கிட்ட வலிய வந்து சண்டை போடறா... கத்தறா... நான் அவளைப் பத்தி எதுவும் பேசலை. பிரியங்கா பத்திதான் பேசினேன்” என்று ராஜூவிடம் சொல்லிக் கொண்டிருந்தார் அக்ஷரா.

 
“யம்மா... இது கேம்தான். இல்லைங்கலே... ஆனா, இங்க சில வார்த்தைகள்லாம் அத்துமீறிப் போகுது. கேக்க நல்லாயில்லையே?” என்று சங்கடத்துடன் பிரியங்காவிடம் இமான் சொல்ல “நீங்க எந்த சென்டர்ல நிக்கறீங்கன்னு எங்களுக்கும் தெரியும்” என்று எகத்தாளமாக பதில் அளித்தார் பிரியங்கா.

ஐந்து நாணயங்களை தூக்கிப் போட்டு வீட்டில் உள்ளவர்களை கொலைவெறியில் தள்ளியது போதாதென்று 'எட்டு எட்டா உலகம் இருக்கு ராமையா’ என்கிற பாட்டைப் போட்டு இன்னமும் வெறியேற்றினார் பிக்பாஸ்.

வில்லன் யாரென்று தெரியாமல் ஹீரோ அவனை அடித்து விட்டுச் சென்றுவிடுவார். “அவன் யாருன்னு தெரியல... நான் அவனைப் பழிவாங்கியே ஆகணும்” என்று வில்லன் படம் முழுவதும் மண்டையைப் பிய்த்துக் கொண்டு கதறிக் கொண்டேயிருப்பார். இப்படியாக சில சீன்களை சினிமாக்களில் பார்த்திருக்கிறோம் அல்லவா? அப்படியாக “அக்ஷரா ஒரு காயின் ஒளிச்சு வெச்சிருக்கா... அது எங்கு இருக்குன்னு எனக்கு தெரிஞ்சே ஆகணும். யாரோ அவளுக்கு ஹெல்ப் பண்றாங்க. எனக்கு செமயா காண்டாவுது” என்று இந்த எபிசோட் முழுவதும் அந்த வில்லனைப் போல கதறிக் கொண்டேயிருந்தார் பிரியங்கா. அக்ஷராவின் மீது ராஜூ செலுத்தும் பாசம் இவரை காண்டாக்குகிறது போல.

 
இசை வைத்திருந்த நாணயத்தை யாரோ சுட்டு விட்டார்கள் போலிருக்கிறது. ‘’பத்திரமா வெச்சுக்கோ” என்று சுருதி ஏற்கெனவே எச்சரித்திருந்தார். இசை இப்படியா வெள்ளந்தியாக இருப்பார்? “ண்ணா... எடுத்திருந்தா கொடுத்திருங்கண்ணா” என்று வளர்ந்து கெட்ட நிரூப்பிடம் பரிதாபமாகக் கெஞ்சிக் கொண்டிருந்தார் இசை. CCTV இல்லாத துணிக்கடையில் ஒரு ஆளையே மேலே ஏற்றி உயரத்தில் அமர்த்தி வைத்திருப்பதைப் போல, உயரத்தில் அமர்ந்து எல்லோரையும் கண்காணித்துக் கொண்டிருந்தார் அபினய். (ஹப்பாடா... நமக்கு ஒரு கேமரா மிச்சம்... இது பிக்பாஸ் டீமின் மைண்ட் வாய்ஸ்).

“சின்னப் பொண்ணு... வாங்க உங்களை செக் பண்ணணும்” என்று பிரியங்கா அவரை அழைத்துச் சென்றது அராஜகத்தின் உச்சக்கட்டம். இப்படித் தனிநபர்களையும் அவர்களின் உடமைகளையும் சோதிக்கும் அதிகாரத்தை இவருக்கு யார் தந்தது? விதி புத்தகத்தில் அப்படி இருக்கிறதா? பிக் பாஸ் வீட்டை ஏதோ தனக்கு சொந்தமாக கருதிக் கொள்ளும் பிரியங்காவிடம் மேட்டிமைத்தனம் பல இடங்களில் குரூரமாக வெளிப்படுகிறது. அதற்குத்தான் சொன்னேன்... தாமரை, சின்னப்பொண்ணு போன்றவர்களிடம் இவர்கள் காட்டுவது கருணையல்ல, தனக்காக தேடிக் கொள்ளும் மைலேஜ்.

அக்ஷரா ஒளித்து வைத்திருப்பதை எப்படியாவது கண்டுபிடித்துவிட வேண்டும் என்கிற வெறியே பிரியங்காவுக்கு ஏற்பட்டுவிட்டது. இதற்காக ராஜூவின் பெட்டை ஆராய்ந்து கொண்டிருந்தார். பிறகு ராஜூ, அபிஷேக், பிரியங்கா ஆகிய மூவருக்குள்ளும் நடந்த அந்த உரையாடல் இருக்கிறதே? மனித மனதின் உள்ளே ஒளிந்திருக்கும் விசித்திரமான வன்மங்களுக்கான சில துண்டுகளை அம்பலப்படுத்தும் பகுதி அது. எனவேதான் பிக்பாஸ் எடிட்டிங் டீம் இதை கட் செய்து விடாமல் நீளமாகக் காட்டிக் கொண்டிருந்தது.

“நீ ஒரு டிராமா பண்றேன்னு எனக்குத் தெரியும். அதை நான் கொண்டாடறேன்... உனக்குப் புரியுதா? இந்த கேம் நல்லாயிருக்குல்ல” என்று ராஜூவிடம் நைச்சியமாகச் சிரித்து சதுரங்க ஆட்டம் ஆடிக் கொண்டிருந்தார் பிரியங்கா. இவருடன் பிறகு வந்து இணைந்தார் அபிஷேக். ஆனால் கடப்பாறையை விழுங்கிவிட்டு இஞ்சி கசாயம் குடிப்பது போன்ற முகபாவத்துடன் இவர்களைச் சாமர்த்தியமாக எதிர்கொண்ட ராஜூவின் கல்லுளிமங்கத்தனத்தை நிச்சயம் பாராட்டியாக வேண்டும். “உன் பக்கத்துலயே உக்காந்து உன்னை ஒருத்தன் செஞ்சிட்டு இருக்கான்” என்று ராஜூ சொல்ல, அது நான்தான் என்று சொல்லாமல் சொல்வதுபோல தானாக வந்து ஆஜர் ஆனார் அபிஷேக்.

 
‘அவனின்றி ஒர் அணுவும் அசையாது’ என்கிற வாக்கியத்தை ‘அபிஷேக் இன்றி ஓர் அணுவும் அசையாது’ என்று மாற்றிவிடலாம். ஆம், பிக்பாஸ் வீட்டைப் பொறுத்தவரை அபிஷேக் தன்னை அப்படியாகத்தான் நினைத்துக் கொண்டிருக்கிறார். இந்த நாடகத்தின் சூத்ரதாரி இவர் மட்டுமே. “ஏய் நீ இங்க வா... நீ இங்க நில்லு... நல்லா இடுப்ப வளைச்சு நெளிச்சு ஆடணும்... புரியுதா?” என்று ‘பருத்திவீரன்’ கார்த்தி, ஆட்டக்காரர்களை இம்சை செய்வதைப் போல, அந்த வீட்டில் உள்ள ஒவ்வொருவரும் தன்னுடைய ஸ்கிரிப்ட்டுக்கு ஏற்றவாறு செயல்பட வேண்டும் என்று எதிர்பார்க்கிறார் அபிஷேக்.

“உன்கிட்ட இருந்து அக்ஷராவை பிரிக்கறதுக்கு எனக்கு ரெண்டு நிமிஷம் ஆகாது” என்று ராஜூவிடம் அபிஷேக் அடித்த வாய்ச்சவடால் எல்லாம் வன்மத்தின் உச்சம். இதுவரை தமிழ் சினிமாவில் வந்த அத்தனை வில்லன்களையும் ஒரே உருவத்தில் பார்த்ததுபோல் இருந்தது. என்னவொன்று இவர் காமெடி வில்லன். “என் முகம் கேமரால தெரியணும்னுதான் பிரியங்கா கூடவே ஒட்டிட்டு இருக்கேன்... இதுதான் என் கேம்” என்று அபிஷேக் சொல்லிக் கொண்டிருக்க, “இதெல்லாம் ஒரு பொழப்பா தம்பி... ரொம்ப கேவலமா இருக்கு” என்று இமான் வருத்தப்பட ‘அப்படித் துப்பிட்டு கிளம்பு’ என்பது போல் வெட்கமேயில்லாமல் எதிர்வினையாற்றினார் அபிஷேக். இந்த லட்சணத்தில் “நேர்மை இருக்கிற இடத்தில்தான் கோபம் வரும்’’ என்கிற வியாக்கியானம் வேறு.

இந்தச் சண்டை அப்படியே பற்றிக் கொண்டு அக்ஷரா – பிரியங்காவிடம் மாறியது. “நீங்க ரகசியமா மெசேஜ் எழுதிக் காண்பிச்சு நல்ல பெயர் வாங்கிப்பீங்க. நாங்க உண்மையை உரக்கக் கத்தி கெட்ட பெயர் வாங்கிக்கணுமா?” என்று அக்ஷராவிடம் நேரடியாக மல்லுக் கட்டினார் பிரியங்கா. பிரியங்காவிடம் உள்ள சாமர்த்தியம் என்னவென்றால், எதுவென்றாலும் உரக்கப் பேசி அதை கேமராவில் ரிஜிஸ்டர் செய்துவிடுகிறார். ஆனால் சில நாள்களுக்கு முன்னால் “இந்த வீட்டில் யாரு ஃபிலீங்ஸ்ல இருக்காங்க?” என்கிற கிசுகிசு செய்தியை நிரூப்பின் கைகளில் பிரியங்கா, ரகசியமாக எழுதிக் காட்டினார். அது என்ன லாஜிக்? ‘அது வேற வாய்... இது நாற வாய்’ லாஜிக்தான்.

 
“இந்த ராஜூப் பய என் கதைக்கு லைக் போட்டாலும் போட்டான்... இதுங்களுக்கு பைத்தியம் பிடிச்சிடுச்சு” என்பது அக்ஷராவின் மைண்ட் வாய்ஸ். பிரியங்கா தன்னைக் குற்றம் சாட்டியதையொட்டி கண்கலங்கினார் அக்ஷரா. ஆட்டோ பிடித்து மெயின் கேட் தாண்டிச் செல்ல நேரமில்லையோ என்னமோ, அங்கேயே உக்காந்து அவர் கலங்க “இன்னாடி இது இந்தப் பொண்ணு அழுவுது?” என்று தாமரை ஆறுதல் சொல்ல வர “இது கேம் ஷோவாமாம்... இப்படித்தான் இருக்குமாம்” என்று வெள்ளந்தியாக சொன்னார் சின்னப்பொண்ணு.

அக்ஷராவிடம்தான் நாணயம் இருக்கிறது போல என்று பிரியங்கா நாள் முழுவதும் கதறிக் கொண்டிருந்தார் அல்லவா? அது கற்பனைதான் போல. ‘தன்னிடம் நாணயம் இல்லை’ என்பதை பிறகு ராஜூவிடம் சொல்லிக் கொண்டிருந்தார் அக்ஷரா. (யப்பா டேய் முடியல!).

 
அக்ஷரா – பிரியங்கா பஞ்சாயத்து போதாதென்று அந்த சரவெடி அப்படியே பற்றிக் கொண்டு பாவனி – அபினய்க்கும் இடையே பரவியது. “என்னைப் பத்தி வருண் தப்பாச் சொன்னான்னு நீதானே என்கிட்ட சொன்னே... இப்ப சொல்லு... மூஞ்சி மேல பேசு. நான் பின்னாடில்லாம் பேஸ் மாட்டேன்” என்று அபினய் மீது குற்றம் சாட்டிக் கொண்டிருந்தார் பாவனி. எப்படியும் நாளை பாவனியும் அபினய்யும் உட்கார்ந்து வேறு எதையாவது பற்றி பேசிக் கொண்டுதான் இருக்கப் போகிறார்கள். நாமும் விவஸ்தையின்றி அதைப் பார்க்கத்தான் போகிறோம்.

இதன் இடையில் ஜெயில் சாவி வீட்டின் தலைவர் சிபியிடம் இல்லாமல் ராஜூவிடம் இருந்தது. “உன்கிட்டதானே கொடுத்தேன்” என்று சிபி அபிஷேக்கிடம் கத்திக் கொண்டிருந்தார். (ஜெயில்னாலே அதில் ஊழல் இருக்கும் என்பதை பிக் பாஸ் வீடும் நிரூபித்தது).

 
பாவனி, தாமரை ஆகியோரிடம் சென்று மூளைச்சலவை செய்து அவர்களின் நாணயங்களை வாங்கி தன்னுடையதாக கேமராவில் காட்டி உரிமை கோரிக் கொண்டார் நிரூப். “கவலைப்படாதீங்க… அந்தச் சொத்தை உங்க பேருக்கே மறுபடியும் ரிஜிஸ்டர் பண்ணிடுவேன். என்னை நம்புங்க. நான்தானே உங்களுக்கு எடுத்துக் கொடுத்தேன். மெஜாரிட்டி யாருன்னு தெரிஞ்சாகணும். அதுக்குத்தான் இந்த கேம்” என்பது நிரூப்பின் விளக்கம். (ஏதாவது புரியுதா?!).

“காயின் உன்கிட்ட இருந்தாதான் நீ பொழச்சே. இல்லைன்னா அவ்வளவுதான்” என்று தாமரையை எச்சரித்துக் கொண்டிருந்தார் இமான்.

‘பஞ்சபூதங்கள்’ என்கிற பெயரில் இவர்களிடம் நாணயங்ளைக் கொடுத்துவிட்டு நாணயம் தவறிய பூதங்களாக இவர்களை மாற்றிய பிக் பாஸின் திருவிளையாடலை என்னவென்று சொல்ல!

- விகடன்-
பன்றியின் சிறுநீரகத்தை மனிதனுக்கு வெற்றிகரமாக மாற்றினர் அமெரிக்க அறுவை சிகிச்சை வல்லுநர்கள்..!!!

பன்றியின் சிறுநீரகத்தை மனிதனுக்கு வெற்றிகரமாக மாற்றினர் அமெரிக்க அறுவை சிகிச்சை வல்லுநர்கள்..!!!




மனிதனுக்கு விலங்குகளின் உறுப்புகளை பொருத்தும் ஆராய்ச்சிகள் பல ஆண்டுகளாக நடைபெற்று வருகின்றன. இந்த சோதனைகள் வெற்றி பெற்றால் மனித உறுப்புக்கு தட்டுப்பாடு இருக்காது. சமீபத்தில் பெண் ஒருவருக்கு பன்றியின் சிறுநீரகம் பொருத்தப்பட்டுள்ளது.

அமெரிக்காவின் நியூயார்க் நகரில் இந்த ஆராய்ச்சி வெற்றி அடைந்துள்ளது. அமெரிக்காவின் நியூயார்க் நகரில் NYU மருத்துவ மனையில் இந்த ஆராய்ச்சி மேற்கொள்ளப்பட்டது.

அந்த மருத்துவமனையில் மூளை சாவு அடைந்த பின் ஒருவரை இந்த ஆராய்ச்சிக்காக பயன்படுத்தி இருக்கிறார்கள். மூளை சாவு அடைந்தவரின் உறவினர்களின் அனுமதியோடு இதை செய்து இருக்கிறார்கள்.

அதன் படி, மரபணு மாற்றம் செய்யப்பட்ட பன்றியின் சிறுநீரகத்தை அந்த பெண்ணின் உடலில் பொறுத்தியுள்ளனர். அந்த பன்றியின் சிறுநீரகம் உடலில் எந்த எதிர்வினையும் ஆற்றவில்லை.

மாறாக சீராக வேலை செய்து சரியான அளவில் சிறுநீரகத்தை பிரித்து எடுத்து இருக்கிறது. இது ஆராய்ச்சி உலகத்திற்கு கிடைத்த மிகப்பெரிய வெற்றி.