Showing posts with label Jaffna News. Show all posts
Showing posts with label Jaffna News. Show all posts

Wednesday, May 25, 2022

யாழில் ஒரு வருடமாக திருட்டில் ஈடுபட்டு வந்த குற்றத்தில் ஒருவர் கைது - நகை, பணம் மீட்பு..!!!

யாழில் ஒரு வருடமாக திருட்டில் ஈடுபட்டு வந்த குற்றத்தில் ஒருவர் கைது - நகை, பணம் மீட்பு..!!!


யாழில் கடந்த ஒரு வருட காலத்தில் 6 வீடுகளில் களவில் ஈடுபட்ட நபர் ஒருவர் கைது செய்யப்பட்டுள்ளார்.

யாழ்ப்பாணம் அரியாலை பூம்புகார் பகுதியை சேர்ந்த 36 வயதுடைய நபர் ஒருவரே யாழ் மாவட்ட சிரேஷ்ட பொலிஸ் அத்தியட்சகர் கீழ் இயங்கும் மாவட்ட பொலிஸ் புலனாய்வு பிரிவினரால் ,  திங்கட்கிழமை கைது செய்யப்பட்டுள்ளார்.

புலனாய்வு பிரிவினருக்கு கிடைக்கப்பெற்ற இரகசிய தகவலின் அடிப்படையில் குறித்த நபரை கைது செய்து விசாரணைகளை முன்னெடுத்த போது , கடந்த 2021ஆம் ஆண்டு மற்றும் 2022ஆம் ஆண்டுக்கு இடைப்பட்ட கால பகுதியில் 6 வீடுகளில் தான் தங்க நகைகள் , பணம் என்பவற்றை களவாடியதாக தெரிவித்துள்ளார்..

சந்தேக நபரின் வாக்கு மூலத்தின் அடிப்படையில் ஒரு தொகை நகை மற்றும் பணம் என்பவற்றை மீட்டுள்ளதாகவும் மேலதிக விசாரணைகளை முன்னெடுத்து வருவதாகவும் பொலிஸார் தெரிவித்தனர்.

Tuesday, May 24, 2022

தொண்டமனாறு செல்வச் சந்நிதி ஆலய வளாகத்தில் குறும்படங்கள் படப்பிடிப்புக்கு அனுமதியில்லை..!!!

தொண்டமனாறு செல்வச் சந்நிதி ஆலய வளாகத்தில் குறும்படங்கள் படப்பிடிப்புக்கு அனுமதியில்லை..!!!


வரலாற்றுச் சிறப்புமிக்க தொண்டமனாறு செல்வச்சந்நிதி ஆலயத்தில் நிர்வாகத்தின் அறிவுறுத்தலையும் மீறி குறும்படப் பிடிப்பில் ஈடுபட்டவர்கள் பொலிஸாரின் வருகைக் கண்டு தப்பித்துள்ளனர்.

தொண்டமனாறு செல்வச் சந்நிதி ஆலயத்தில் திருமண நிகழ்வுகள் மற்றும் சடங்குகள் தவிர்ந்த ஏனையவற்றுக்கு படப்பிடிப்பில் ஈடுபட அனுமதிக்கப்படுவதில்லை.

இந்த நிலையில் ஆலய வளாகத்துக்கு நேற்று மாலை வருகை தந்த ஒரு குழுவினர் படப்பிடிப்பில் ஈடுபட்டுள்ளனர். நிர்வாகத்தினர், அவர்களிடம் விசாரித்த போது, தாம் குறும்பட பிடிப்பில் ஈடுபடுவதாகத் தெரிவித்துள்ளனர்.

எனினும் அதற்கு அனுமதியளிக்க முடியாது என்று நிர்வாகத்தினர் திட்டவட்டமாகத் தெரிவித்துள்ளனர். அதனையும் மீறி அந்தக் குழுவினர் படப்பிடிப்பில் ஈடுபட்டதனால் வல்வெட்டித்துறை பொலிஸ் நிலையத்துக்கு அறிவிக்கப்பட்டது.

ஆலய வளாகத்துக்கு பொலிஸார் வருகை தருவதனை அவதானித்த அந்தக் குழுவினர் அங்கிருந்து தப்பித்தனர்.

வரலாற்றுச் சிறப்புமிக்க தொண்டமனாறு செல்வச்சந்நிதி ஆலய வளாகத்தில் குறும்படங்கள் படப்பிடிப்புக்கு அனுமதியளிக்கப்படாது எனவும் அனைவரும் அதனை பின்பற்றவேண்டும் என்றும் ஆலய நிர்வாகத்தினர் கேட்டுள்ளனர்.

பரமேஸ்வர சந்தியில் எரிபொருள் விநியோகத்தின் போது குழப்பம்..!!!

பரமேஸ்வர சந்தியில் எரிபொருள் விநியோகத்தின் போது குழப்பம்..!!!


யாழ்ப்பாணம் திருநெல்வேலி பரமேஸ்வர சந்தி பகுதியில் உள்ள எரிபொருள் நிரப்பு நிலையத்தில் எரிவாயு விநியோகத்தில் குழப்பம் ஏற்பட்டு இருந்தது.

குறித்த எரிபொருள் நிரப்பு நிலையத்திற்கு விநியோகத்திற்கு என கொண்டுவரப்பட்ட எரிவாயு சிலிண்டர்கள் தமக்கு உரிய முறையில் விநியோகிக்கப்படவில்லை என குற்றம் சாட்டி, எரிவாயுவிற்காக காத்திருந்தவர்கள் குழப்பத்தில் ஈடுபட்டதுடன் , பலாலி வீதியை மறித்து போராட்டத்திலும் ஈடுபட்டனர்.