Showing posts with label Sports News. Show all posts
Showing posts with label Sports News. Show all posts

Wednesday, October 20, 2021

மல்லுக்கட்டிய நியூசிலாந்து - இங்கிலாந்து அணிகள் : கடைசியில் ஜெயித்தது யார் தெரியுமா?

மல்லுக்கட்டிய நியூசிலாந்து - இங்கிலாந்து அணிகள் : கடைசியில் ஜெயித்தது யார் தெரியுமா?




டி20 உலகக் கோப்பை பயிற்சி ஆட்டத்தில் நியூசிலாந்தை வீழ்த்தி இங்கிலாந்து அணி த்ரில் வெற்றி பெற்றது.

டி20 உலகக்கோப்பை தொடருக்கான முதற்சுற்று மற்றும் பயிற்சி ஆட்டங்கள் கடந்த அக்டோபர் 17 ஆம் தேதி முதல் ஐக்கிய அரபு அமீரகம் மற்றும் ஓமன் ஆகிய நாடுகளில் நடைபெற்று வருகிறது. அந்த வகையில் இன்று அபுதாபியில் நடைபெற்ற பயிற்சி ஆட்டத்தில் நியூசிலாந்து - இங்கிலாந்து அணிகள் மோதின.

இப்போட்டியில் டாஸ் வென்று பவுலிங்கை நியூசிலாந்து அணி தேர்வு செய்தது. அதன்படி களமிறங்கிய இங்கிலாந்து அணியில் ஜோஸ் பட்லர் 73 ரன்கள் விளாச நிர்ணயிக்கப்பட்ட 20 ஓவர்களில் அந்த அணி 6 விக்கெட் இழப்புக்கு 163 ரன்கள் குவித்தது. நியூசிலாந்து அணி தரப்பில் சௌதி 3 விக்கெட்டுகளை வீழ்த்தினார்.

இதனையடுத்து 164 ரன்கள் வெற்றி என்ற இலக்குடன் களமிறங்கிய நியூசிலாந்து அணி சீரான இடைவெளியில் விக்கெட்டுகளை இழந்தாலும் இங்கிலாந்துடன் வெற்றிக்காக மல்லுகட்டியது. அந்த அணியில் அதிகப்பட்சமாக மார்டின் குப்தில் 41 ரன்கள் விளாச மற்ற வீரர்கள் ரன் குவிக்க தவறினர்.

இதனால் 19.2 ஓவர்களில் நியூசிலாந்து அணி 150 ரன்களுக்கு ஆல்-அவுட்டானது. இங்கிலாந்து அணி சார்பில் மார்க் வுட் 4 விக்கெட்டுகளை வீழ்த்தினார். இதன்மூலம் இங்கிலாந்து அணி 13 ரன்கள் வித்தியாசத்தில் த்ரில் வெற்றி பெற்றது.

Tuesday, October 19, 2021

நமீபியாவை வீழ்த்தி சூப்பர் 12 சுற்றை அடைய ஒரு படி முன்னேறிய இலங்கை..!!!

நமீபியாவை வீழ்த்தி சூப்பர் 12 சுற்றை அடைய ஒரு படி முன்னேறிய இலங்கை..!!!


நமீபியாவுடன் இடம்பெற்ற டி-20 உலகக் கிண்ண ஆட்டத்தில இலங்கை அணி 7 விக்கெட்டுகளினால் வெற்றி பெற்று, சூப்பர் 12 சுற்றை அடைய ஒரு படி முன்னேறியுள்ளது.

2021 ஐ.சி.சி. டி-20 உலகக் கிண்ணத் தொடரில் நேற்று இடம்பெற்ற நான்காவது போட்டியின் தகுதிச் சுற்றில் இலங்கை - நமீபியா அணிகள் மோதின.

இந்த ஆட்டம் நேற்றிரவு 7.30 மணிக்கு அபுதாபியில் ஆரம்பமானது.

போட்டியில் நாணய சுழற்சியில் வெற்றி பெற்ற இலங்க‍ை அணியானது முதலில் துடுப்பெடுத்தாடும் வாய்ப்பினை நமீபியாவுக்கு வழங்கியது.

தலில் துடுப்பெடுத்தாட களமிறங்கிய நமீபியாவின் ஆரம்ப துடுப்பாட்ட வீரர்களான ஸ்டீபன் பார்ட் - ஜேன் கிரே ஆகியோர் மகீஷ் தீக்ஷனாவின் சுழலில் சிக்கி குறைந்த ஓட்டத்துடன் வெளியேறினர்.

இதனால் நமீபியாவின் முதல் இரு விக்கெட்டுகளும் 29 ஓட்டங்களுக்கு வீழ்த்தப்பட்டது.

பின்னர் கிரேக் வில்லியம்ஸ் மற்றும் அணித் தலைவர் ஜெர்ஹார்ட் எராஸ்மஸ் ஆகியோர் மூன்றாவது விக்கெட்டுக்காக கைகோர்த்து விக்கெட்டுகளை பாதுகாத்து நிதானமான ஆட்டத்தை வெளிப்படுத்தினர்.

எனினும் அவர்களினாலும் ஒரு கட்டத்துக்கு மேல் இலங்கை அணியின் பந்து தாக்குதலுக்கு முகங்கொடுக்க முடியவில்லை.

12.2 ஆவது ஓவரில் ஜெர்ஹார்ட் எராஸ்மஸ் லஹிரு குமாரவின் பந்து வீச்சில் 20 ஓட்டங்களுடன் ஹசரங்கவிடம் பிடிகொடுக்க, 13.3 ஆவது ஓவரில் கிரேக் வில்லியம்ஸ் 29 ஓட்டங்களுடன் ஹசரங்கவின் பந்து வீச்சில் எல்.பி.டபிள்யூ முறையில் ஆட்டமிழந்தார்.

ஒரு கட்டத்தில் 13.3 ஓவர்களுக்கு 4 விக்கெட்டுகளை இழந்து 74 ஓட்டங்கள் என்ற நிலையிலிருந்து நமீபியா இறுதியாக 19.3 ஓவரில் அனைத்து விக்கெட்டுகளையும் இழந்து 96 ஓட்டங்களை மாத்திரமே பெற்றது.

97 என்ற வெற்றியிலக்கை நோக்கி பதிலுக்கு துடுப்பெடுத்தாடிய இலங்கை 5.1 ஆவது ஓவரில் 26 ஓட்டங்களுக்கு மூன்று விக்கெட்டுகளை பறிகொடுத்து தடுமாறியது.

(குசல் பெரேரா 11, பதும் நிஷாங்க 5, சந்திமால் 5)

எனினும் நான்காவது விக்கெட்டுக்காக பானுக ராஜபக்ஷ - அவிஷ்க பெர்னாண்டா கைகோர்த்தாட பவர் - பிளேயான ஆறு ஓவர்கள் நிறைவில் 37 ஓட்டங்களை பெற்றுக் கொண்டது இலங்கை.

பின்னர் ஓட்டக் குவிப்பில் பானுக ராஜபக்ஷ தீவிரம் காட்ட இறுதியாக 13.3 ஓவர்களில் 100 ஓட்டங்கள‍ை பெற்று வெற்றியிலக்கை கடந்தது இலங்கை.

பானுக ராஜபக்ஷ 27 பந்துகளில் 2 சிக்ஸர்கள், 4 பவுண்டரிகள் அடங்கலாக 42 ஓட்டங்களையும், அவிஷ்க பெர்னாண்டோ 28 பந்துகளில் 2 சிக்ஸர்கள் அடங்கலாக 30 ஓட்டங்களையும் ஆட்டமிழக்காது பெற்றுக் கொண்டனர்.

இந்த வெற்றிக்கான முழுப் புகழும் இலங்கை பந்துவீச்சாளர்களுக்கே இருந்தது. முதல் ஓவரை வீசிய சாமிக கருணாரத்ன முதல், ஒவ்வொரு பந்து வீச்சாளரும் தனது கடமையை முழுமையாக செய்து, குறைந்த ஸ்கோருக்குள் எதிரணியினரை கட்டுப்படுத்தினர்.

மகீஷ் தீக்ஷனா 3 விக்கெட்டுகளையும், ஹசரங்க, லஹிரு குமார ஆகியோர் தலா 2 விக்கெட்டுகளையும், கருணாரத்ன, துஷ்மந்த சமீர ஆகியோர் தலா ஒவ்வொரு விக்கெட்டுகளையும் கைப்பற்றினர்.

டி-20 உலகக் கிண்ணத்தில் இலங்கையின் அடுத்த போட்டி அயர்லாந்துக்கு எதிராக நாளை அபுதாபியில் உள்ள ஷேக் சயீத் மைதானத்தில் நடைபெறும்.

இந்த போட்டியிலும் இலங்கை வெற்றி பெற்றால் சூப்பர் 12 சுற்றை அடைந்து விடும்.

Monday, October 18, 2021

நமீபியா அணி இலங்கை அணிக்கு நிர்ணயித்த வெற்றி இலக்கு..!!!

நமீபியா அணி இலங்கை அணிக்கு நிர்ணயித்த வெற்றி இலக்கு..!!!


20 ஓவர் உலக கிண்ண கிரிக்கெட் தொடரின் முதல் சுற்று போட்டிகள் தற்போது இடம்பெற்று வருகின்றன.

அதன் அடிப்படையில் இன்றைய தினம் இலங்கை மற்றும் நமீபியா அணிகளுக்கு இடையிலான போட்டி இடம்பெற்று வருகின்றது.

போட்டியில் நாணய சுழற்சியை வென்ற இலங்கை அணி முதலில் நமீபியா அணியை துடுப்பெடுத்தாடுமாறு பணித்தது.

அதன்படி, முதலில் துடுப்பெடுத்தாடிய நமீபியா அணி 19.3 ஓவர்களில் அனைத்து விக்கெட்டுக்களையும் இழந்து 96 ஓட்டங்களைப் பெற்றுக் கொண்டுள்ளது.

அவ்வணி சார்பில் வில்லியம்ஸ் அதிகபட்சமாக 29 ஓட்டங்களைப் பெற்றுக் கொண்டார்.

பந்து வீச்சில் மஹீஸ் தீக்சன மூன்று விக்கெட்டுக்களையும், லஹிரு குமார மற்றும் வனிந்து ஹசரங்க ஆகியோர் தலா இரு விக்கெட்டுக்களையும் கைப்பற்றினர்.

இதற்கமைய, இலங்கை அணிக்கு 97 என்ற வெற்றி இலக்கை நமீபியா அணி நிர்ணயித்துள்ளது.
T20 WC 2021 - இலங்கை அணி களத்தடுப்பில்..!!!

T20 WC 2021 - இலங்கை அணி களத்தடுப்பில்..!!!




20 ஓவர் உலக கிண்ண கிரிக்கெட் தொடரின் முதல் சுற்று போட்டிகள் தற்போது இடம்பெற்று வருகின்றன.

அதன் அடிப்படையில் இன்றைய தினம் இலங்கை மற்றும் நமீபியா அணிகளுக்கு இடையிலான போட்டி இடம்பெற்று வருகின்றது.

போட்டியில் நாணய சுழற்சியை வென்ற இலங்கை அணி முதலில் நமீபியா அணியை துடுப்பெடுத்தாடுமாறு பணித்துள்ளது.

Sunday, October 17, 2021

உலகக் கிண்ண T20 - இன்று ஆரம்பம்..!!!

உலகக் கிண்ண T20 - இன்று ஆரம்பம்..!!!


2021 T20 உலக வெற்றிக் கிண்ண கிரிக்கெட் போட்டி இன்று அக்டோபர் 17 ஆம் திகதி முதல் நவம்பர் 14 ஆம் திகதி வரை ஐக்கிய அரபு அமீரகம் மற்றும் ஓமனில் நடைபெறுகிறது.

உலகக் கிண்ண T20 கிரிக்கெட் சுற்றுத்தொடரின் தகுதிச் சுற்றுப் சுற்றுப் போட்டிகள் ஓமான் மற்றும் ஐக்கிய அரபு இராச்சியத்தில் இன்று நடைபெறவுள்ளன.

முதலாவது போட்டி இன்று பிற்பகல் 3.30 ற்கு ஆரம்பமாகவுள்ளது. இதில் பப்புவா நியுகினியா அணியும் - ஓமான் அணியும் மோதவுள்ளன.

8 அணிகள் பங்கேற்கும் இந்தத் தகுதிச் சுற்றில் 4 அணிகள் வீதம் இரண்டு குழுக்களாக போட்டிகள் இடம்பெறும்.

A குழுவில் இலங்கை, அயர்லாந்து, நெதர்லாந்து, நமீபியா ஆகிய அணிகள் இடம்பெற்றுள்ளன.

B குழுவில் பங்களாதேஷ், ஓமான், ஸ்கொட்லாந்து, பப்புவா நியுகினியா ஆகிய அணிகள் இடம்பெற்றுள்ளன.

T20 உலகக் கிண்ணத் தொடரின் பிரதான சுற்று எதிர்வரும் 23 ஆம் திகதி ஆரம்பமாகவுள்ளது.

குரூப் 12 சுற்றில் இந்தியாவும் பாகிஸ்தானும் எதிர்வரும் 24 ஆம் ஆம் திகதி மோதுகின்றது. இந்த போட்டியை ரசிகர்கள் ஆவலுடன் எதிர்பார்த்து வருகின்றனர்.

இதனிடையே இத்தொடரில் இந்திய அணி புதிய ஜெர்ஸியில் விளையாடு உள்ளது . இந்த புதிய ஜெர்சியை பிசிசிஐ அறிமுகம் செய்துள்ளது. அதோடு 18 ஆம் திகதி இந்திய அணி இங்கிலாந்து அணியுடன் பயிற்சி ஆட்டத்தில் விளையாடுகிறது .

கடந்த 2007 ஆம் ஆண்டு ஆரம்பமான T20 கிரிக்கெட் உலக வெற்றி க்கிண்ண போட்டியில் முதன் முறையாக இந்தியா வென்றது.

2009ம் ஆண்டு பாகிஸ்தான், 2010 ஆம் ஆண்டில் இங்கிலாந்தும், நடப்பு சாம்பியன் மேற்கிந்திய தீவுகள் 2012 ஆம் ஆண்டு, 2014 ஆம் ஆண்டு இலங்கையும் வெற்றிக் கிண்ணத்தை கைப்பற்றியது.

இந்நிலையில் 2016 ஆம் ஆண்டுக்கு பிறகு 5 ஆண்டுகள் இடைவெளியில் நாளை 7 வது T20 உலகக் கிண்ண கிரிக்கெட் போட்டிகள் நடைபெறுகின்றன.

குரூப் சுற்றுப் போட்டிகள் ஞாயிற்றுக்கிழமை தொடங்கி 22 ஆம் திகதி வரை நடைபெறுகின்றன. சூப்பர் 12 சுற்று போட்டிகள் வரும் 24 ஆம் திகதி தொடங்குகின்றன.

Friday, October 15, 2021

4 ஆவது தடவையாக ஐ.பி.எல். கிண்ணத்தை கைப்பற்றியது சென்னை சுப்பர் கிங்ஸ்..!!!

4 ஆவது தடவையாக ஐ.பி.எல். கிண்ணத்தை கைப்பற்றியது சென்னை சுப்பர் கிங்ஸ்..!!!


கொல்கத்தா நைட் ரைடர்ஸ் அணியை 27 ஓட்டங்களால் தோற்கடித்து 2021 ஐ.பி.எல். கிண்ணத்தை சென்னை சுப்பர் கிங்ஸ் அணி கைப்பற்றியது,

2021 ஆம் ஆண்டுக்கான ஐபிஎல் கிரிக்கெட் தொடரின் இறுதிப் போட்டி துபாயில் இன்று நடந்தது.

இதில் சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் அணிகள் பலப்பரீட்சை நடத்தின.

நாணயச்சுழற்சியில் வென்ற கொல்கத்தா அணி களத்தடுப்பை தேர்வு செய்தது.

முதலில் துடுப்பெடுத்தாடிய சென்னை அணி 20 ஓவர் முடிவில் 3 விக்கெட்டுக்கு 192 ஓட்டங்களை குவித்தது.

சென்னை அணி சார்பில் கெய்க்வாட் 32 ஓட்டங்களையும் உத்தப்பா 31 ஓட்டங்களையும் எடுத்து ஆட்டமிழந்தனர்.

பவுண்டரி, சிக்சர்களாக பறக்கவிட்ட டூ பிளெசிஸ் 86 ஓட்டங்களை குவித்து கடைசி பந்தில் ஆட்டமிழந்தார்.

மொயீன் அலி 37 ஓட்டங்களுடன் ஆட்டமிழக்காமல் களத்தில் இருந்தார்.

இதையடுத்து 193 ஓட்டங்கள் எடுத்தால் வெற்றி என்ற இலக்குடன் கொல்கத்தா அணி களமிறங்கியது.

தொடக்க ஆட்டக்காரர்கள் இருவரும் அதிரடியாக ஆடினர். வெங்கடேஷ் அய்யர் 50 ஓட்டங்கள் எடுத்து ஆட்டமிழந்தார்.

நிதிஷ் ரானா டக் அவுட்டானார். சுனில் நரேன் 2 ஓட்டங்களுடன் வெளியேறினார். ஷுப்மான் கில் 51 ஓட்டங்களுடன் ஆட்டமிழந்தார்.

அடுத்து வந்த வீரர்கள் விரைவில் ஆட்டமிழந்து வெளியேறினர். இறுதியில், கொல்கத்தா அணி 9 விக்கெட் இழப்புக்கு 165 ஓட்டங்களை மட்டுமே எடுத்தது. இதன்மூலம் சென்னை அணி 27 ஓட்டங்களால் அபார வெற்றி பெற்றது. அத்துடன் நான்காவது முறையாக ஐ.பி.எல். கிண்ணத்தை கைப்பற்றி அசத்தியது.

சென்னை அணி சார்பில் ஷர்துல் தாக்குர் 3 விக்கெட், ஹேசில்வுட், ஜடேஜா தலா 2 விக்கெட்டும், தீபக் சாஹர் ஒரு விக்கெட்டும் வீழ்த்தினர்.

Wednesday, October 13, 2021

கல்கத்தா அணிக்கான வெற்றி இலக்கு..!!!

கல்கத்தா அணிக்கான வெற்றி இலக்கு..!!!




ஐபிஎல் தொடரில் தற்போது இடம்பெற்றுவரும் இரண்டாவது அரையிறுதி போட்டியில் கல்கத்தா நைட் ரைடர்ஸ் அணிக்கு 136 என்ற வெற்றி இலக்கு நிர்ணயிக்கப்பட்டுள்ளது.

போட்டியின் நாணய சுழற்சியில் வெற்றிப் பெற்ற கல்கத்தா அணி முதலில் துடுப்பெடுத்தாட டெல்லி கெப்பிடல் அணிக்கு அழைப்பு விடுத்தது.

அதன்படி, முதலில் துடுப்பெடுத்தாடிய டெல்லி அணி நிர்ணயிக்கப்பட்ட 20 ஓவர்கள் நிறைவில் 5 விக்கெட்டுக்களை இழந்து 135 ஓட்டங்களைப் பெற்றுக் கொண்டுள்ளது.

டெல்லி அணி சார்பில் சிகர் தவான் அதிகபட்சமாக 36 ஓட்டங்களையும், சிரேயாஸ் ஐயர் ஆட்டமிக்காது 30 ஓட்டங்களையும் பெற்றுக் கொண்டனர்.

பந்து வீச்சில் வருண் சக்ரவர்த்தி 2 விக்கெட்டுக்களையும், லோகி பேர்கஷன் ஒரு விக்கெட்டையும் பெற்றுக் கொண்டனர்.

இந்த போட்டியில் வெற்றிப் பெறும் அணி எதிர்வரும் வௌ்ளிக்கிழமை இடம்பெறும் இறுதிப் போட்டியில் சென்னை சூப்பர் கிங்ஸ் அணியுடன் மோதவுள்ளமை குறிப்பிடத்தக்கது
டி20 உலகக் கோப்பை போட்டியில் இந்திய அணி வீரர் மாற்றம்..!!!

டி20 உலகக் கோப்பை போட்டியில் இந்திய அணி வீரர் மாற்றம்..!!!


டி20 உலகக் கோப்பைக்கான இந்திய அணியில் அக்ஷர் படேலுக்குப் பதில் ஷர்துல் தாக்குர் சேர்க்கப்பட்டுள்ளார்.

டி20 உலகக் கோப்பைக்கு விராட் கோலி தலைமையிலான இந்திய அணி கடந்த மாதம் அறிவிக்கப்பட்டது. இதில் மாற்றம் செய்ய இந்திய அணிக்கு அக்டோபர் 15 வரை அவகாசம் உள்ளது.

இந்த நிலையில் பிரதான அணியில் இருந்த ஆல்-ரௌண்டர் அக்ஷர் படேல் தயார் நிலை வீரர்கள் பட்டியலுக்கு மாற்றப்பட்டுள்ளார். அவருக்குப் பதில் தயார் நிலை பட்டியலில் இருந்த ஷர்துல் தாக்குர் பிரதான அணியில் சேர்க்கப்பட்டுள்ளார்.

Tuesday, October 12, 2021

இலங்கை - ஓமான் அணிகளுக்கு இடையேயான முதலாவது சர்வதேச போட்டி..!!!

இலங்கை - ஓமான் அணிகளுக்கு இடையேயான முதலாவது சர்வதேச போட்டி..!!!




இந்த ஆண்டு தற்செயலாக வீழ்ச்சியடைந்த இலங்கை மற்றும் ஓமானுக்கிடையேயான இராஜதந்திர உறவுகள் நிறுவப்பட்ட 40வது ஆண்டு நிறைவை முன்னிட்டு, 2021 ஐசிசி டி20 உலகக் கிண்ண கிரிக்கட் போட்டிக்கு முன்னதாக இலங்கை மற்றும் ஓமான் தேசிய கிரிக்கெட் அணிகள் தமது முதலாவது T 20 கிரிக்கெட் போட்டியை 2021 அக்டோபர் 07 ஆம் திகதி ஓமானின் மஸ்கட்டில் உள்ள அல் அமரத் கிரிக்கெட் மைதானத்தில் விளையாடின.

ஓமான் கிரிக்கெட் சபை உறுப்பினர்களுடன் இணைந்து ஓமானுக்கான இலங்கைத் தூதுவர் அமீர் அஜ்வத் மற்றும் ஓமான் கிரிக்கெட்டின் தலைவர் பங்கஜ் கிம்ஜி ஆகியோர், இரு நட்பு நாடுகளுக்கிடையேயான இராஜதந்திர உறவுகளின் 40வது ஆண்டு நிறைவை முன்னிட்டு சம்பிரதாயபூர்வமாக கேக் வெட்டி, இரண்டு தேசிய கிரிக்கெட் அணிகளுக்கு இடையிலான முதல் சர்வதேச கிரிக்கெட் போட்டியை தொடங்கி வைத்தனர்.

இலங்கை கிரிக்கெட்டின் முகாமையாளர் மனுஜ காரியப்பெரும மற்றும் ஓமான் நாட்டின் தலைமை கிரிக்கெட் அபிவிருத்தி அதிகாரி மற்றும் முன்னாள் இலங்கை கிரிக்கெட் அணியின் தலைவராக செயற்பட்ட தேசிய அணிப் பயிற்சியாளர் துலீப் மெண்டிஸ் ஆகியோருடன் இரு நாடுகளினதும் அணித் தலைவர்களான தசுன் ஷானக மற்றும் ஸீஷன் மக்சூத் ஆகியோரின் தலைமையிலான இலங்கை மற்றும் ஓமானிய தேசிய கிரிக்கட் அணியினர் இந்த தொடக்க நிகழ்வில் கலந்து கொண்டனர்.

இலங்கை மற்றும் ஓமான் கிரிக்கட் வரலாற்றில் முக்கியமான தருணத்தை குறித்து நிற்கும் வகையில் தூதுவர் அமீர் அஜ்வத் 40வது ஆண்டு நினைவுச் சின்னத்தை ஓமான் கிரிக்கெட் தலைவர் மற்றும் ஓமான் கிரிக்கெட் சபை உறுப்பினர்களுக்கு வழங்கினார்.

இந்த நிகழ்ச்சியில் உரையாற்றிய தூதுவர் அமீர் அஜ்வத், ஓமான் கிரிக்கெட்டின் உயர்வும் அதன் கிரிக்கெட் உட்கட்டமைப்பின் அற்புதமான வளர்ச்சியும் குறிப்பிடத்தக்கவையாகும் என்றும், இலங்கை மற்றும் ஓமான் உறவுகளை அடுத்த ஆண்டுகளில் ஒத்துழைப்புக்கான புதிய துறைகளில் மேலும் மேம்படுத்துவதில் கிரிக்கெட் குறிப்பிடத்தக்க பங்கை வகிக்கும் என்றும் குறிப்பிட்டார்

Sunday, October 10, 2021

இலங்கை அபார வெற்றி - தொடரை கைப்பற்றியது..!!!

இலங்கை அபார வெற்றி - தொடரை கைப்பற்றியது..!!!




இலங்கை மற்றும் ஓமான் அணிகளுக்கு இடையில் இன்று இடம்பெற்ற இரண்டாவதும் இறுதியுமான டி 20 போட்டியில் இலங்கை 5 விக்கெட்டுக்கள் வித்தியாசத்தில் வெற்றிப் பெற்று தொடரை கைப்பற்றியுள்ளது.

போட்டியின் நாணய சுழற்சியில் வெற்றிப் பெற்ற இலங்கை அணி முதலில் துடுப்பெடுத்தாட ஓமான் அணிக்கு அழைப்பு விடுத்தது.

அதன்படி, முதலில் துடுப்பெடுத்தாடிய ஓமான் அணி நிர்ணயிக்கப்பட்ட 20 ஒவர்கள் நிறைவில் 8 விக்கெட்டுக்களை இழந்து 159 ஓட்டங்களைப் பெற்றுக் கொண்டது.

ஓமான் அணி சார்பில் Aaqib Ilyas அதிகபட்சமாக 60 ஓட்டங்களைப் பெற்றுக் கொண்டார்.

பந்து வீச்சில் சாமிக கருணாரத்ன மற்றும் லஹிரு குமார ஆகியோர் தலா இரு விக்கெட்டுக்களை வீழ்த்தினர்.

பதிலுக்கு துடுப்பெடுத்தாடிய இலங்கை அணி 17.3 ஓவர்கள் நிறைவில் 5 விக்கெட்டுக்களை மாத்திரம் இழந்து வெற்றி இலக்கை அடைந்தது.

இலங்கை அணி சார்பில் சாமிக்க கருணாரத்ன 35 ஓட்டங்களையும் பானுக்க ராஜபக்ஷ 35 ஓட்டங்களையும் ஆட்டமிழக்காது பெற்றுக் கொண்டனர்.

அதன்படி, இரண்டு போட்டிகள் கொண்ட தொடரை 2-0 என்ற கணக்கில் இலங்கை அணி கைப்பற்றியுள்ளது.

Friday, October 8, 2021

18 நாடுகள் 450 போட்டியாளர்கள்! முதலிடத்தை பிடித்து சாதனை படைத்த இலங்கை யுவதி..!!!

18 நாடுகள் 450 போட்டியாளர்கள்! முதலிடத்தை பிடித்து சாதனை படைத்த இலங்கை யுவதி..!!!




2021 தாய்வான் ஃபேஷன் டிசைன் விருது" (TFDA) இறுதிப் போட்டியில் இலங்கை யுவதி முதலிடத்தை பிடித்து வெற்றி பெற்றுள்ளார்.

No. 4 in Songshan Cultural and Creative Park எனும் இடத்தில் குறித்த நிகழ்வு கடந்த 6ஆம் திகதி இடம்பெற்றது.

ஐரோப்பா, அமெரிக்கா மற்றும் ஆசியா உட்பட 18 நாடுகள் மற்றும் பிராந்தியங்களில் இருந்து கலந்து கொண்ட சுமார் 450 வடிவமைப்பாளர்களில் இலங்கைக்கே முதலிடம் கிடைத்துள்ளது.

இலங்கையைச் சேர்ந்த ருவந்தி பவித்ரா கஜதீரா (RUWANTHI PAVITHRA GAJADEERA) என்பவர் முதல் பரிசு வென்றார். இவருக்கு US$10,000 பணப்பரிசில் வழங்கி வைக்கப்பட்டுள்ளமை குறிப்பிடத்தக்கது.

Thursday, October 7, 2021

19 ஓட்டங்களால் இலங்கை அணி வெற்றி..!!!

19 ஓட்டங்களால் இலங்கை அணி வெற்றி..!!!




இலங்கை மற்றும் ஓமான் அணிகளுக்கு இடையில் இன்று (07) இடம்பெற்ற முதலாவது டி20 போட்டியில் இலங்கை அணி 19 ஓட்டங்களால் வெற்றிப் பெற்றுள்ளது.

நாணய சுழற்சியில் வெற்றி பெற்ற ஓமன் அணி முதலில் களத்தடுப்பை தேர்ந்தெடுத்தது.

அதன்படி முதலில் துடுப்பெடுத்தாடிய இலங்கை அணி நிர்ணயிக்கப்பட்ட 20 ஓவர்களில் 4 விக்கெட்டுகளை இழந்து 162 ஓட்டங்களை பெற்றுக்கொண்டது.

இலங்கை அணி சார்பில் அவிஸ்க பெர்ணான்டோ 83 ஓட்டங்களையும், தசுன் சானக 51 ஓட்டங்களையும் ஆட்டமிழக்காது பெற்றுக் கொண்டனர்.

பதிலுக்கு துடுப்பெடுத்தாடிய ஓமான் அணி 20 ஓவர்கள் நிறைவில் 8 விக்கெட்டுக்கள் இழப்பிற்கு 143 ஓட்டங்களை மாத்திரமே பெற்றுக் கொண்டது.

அதன்படி, 2 போட்டிகள் கொண்ட தொடரில் 1-0 என்ற கணக்கில் இலங்கை அணி முன்னிலை பெற்றுள்ளது.
ஓமான் அணிக்கான வெற்றி இலக்கு..!!!

ஓமான் அணிக்கான வெற்றி இலக்கு..!!!




இலங்கை மற்றும் ஓமான் அணிகளுக்கிடையிலான முதலாவது t20 போட்டியில் ஓமான் அணிக்கு 163 என்ற வெற்றி இலக்கு நிர்ணயிக்கப்பட்டுள்ளது.

நாணய சுழற்சியில் வெற்றி பெற்ற ஓமன் அணி முதலில் களத்தடுப்பை தேர்ந்தெடுத்தது.

அதன்படி முதலில் துடுப்பெடுத்தாடிய இலங்கை அணி நிர்ணயிக்கப்பட்ட 20 ஓவர்களில் 4 விக்கெட்டுகளை இழந்து 162 ஓட்டங்களை பெற்றுக்கொண்டது.

இலங்கை அணி சார்பில் அவிஸ்க பெர்ணான்டோ 83 ஓட்டங்களையும், தசுன் சானக 51 ஓட்டங்களையும் ஆட்டமிழக்காது பெற்றுக் கொண்டனர்.
இலங்கை அணி முதலில் துடுப்பாட்டத்தில்..!!!

இலங்கை அணி முதலில் துடுப்பாட்டத்தில்..!!!




இலங்கை மற்றும் ஓமான் அணிகளுக்கு இடையிலான முதலாவது ரி 20 போட்டி இன்று இடம்பெறவுள்ளது.

போட்டியின் நாணய சுழற்சியை வென்ற ஓமான் அணி முதலில் பந்துவீச தீர்மானித்துள்ளது.

Monday, October 4, 2021

இலங்கை கிரிக்கெட் அணி ஓமான் நோக்கி பயணம்..!!!

இலங்கை கிரிக்கெட் அணி ஓமான் நோக்கி பயணம்..!!!




இலங்கை கிரிக்கெட் அணி ஓமான் நோக்கி பயணித்துள்ளதாக தெரிவிக்கப்படுகின்றது.

ஓமான் அணியுடன் இடம்பெற்றவுள்ள போட்டித் தொடரில் கலந்து கொள்வதற்காக இவ்வாறு இலங்கை அணி ஒமான் நோக்கி பயணித்துள்ளது.

ஓமான் தொடரை தொடர்ந்து ஐக்கிய அரபு இராச்சியத்தல் இடம்பெறவுள்ள உலக கிண்ண ரி20 போட்டித் தொடரில் இலங்கை அணி கலந்து கொள்ளவுள்ளமை குறிப்பிடத்தக்கது.

Monday, September 20, 2021

20 ஓட்டங்களினால் சென்னையின் அசத்தலான வெற்றி..!!!

20 ஓட்டங்களினால் சென்னையின் அசத்தலான வெற்றி..!!!


மும்பை அணிக்கு எதிரான போட்டியில் சென்னை சூப்பர் கிங்ஸ் அணி 20 ஓட்டங்களினால் அசத்தலான வெற்றியை பதிவுசெய்துள்ளது.

2021 ஐ.பி.எல். தொடரின் 30 ஆவது லீக் போட்டி நேற்றைய தினம் டுபாயில் தோனி தலைமையிலான சென்னை சூப்பர் கிங்ஸுக்கும், மும்பை இந்தியன்ஸ் அணிகளுக்கு இடையிலும் ஆரம்பமானது.

போட்டியில் நாணய சுழற்சியில் வெற்றி பெற்று முதலில் துடுப்பெடுத்தாட களமிறங்கிய சென்னை, ஆரம்பத்திலேயே விக்கெட்டுகளை பறிகொடுத்து தடுமாறியது.

அதன்படி ஆறு ஓவர்களின் நிறைவில் 4 விக்கெட்டுக்களை பறிகொடுத்த சென்னை 24 ஓட்டங்களை மாத்திரம் பெற்று தடுமாறியது.

எனினும் 5 ஆவது விக்கெட்டுக்காக களமிறங்கிய ரவீந்திர ஜடேஜாவுடன் ஆரம்ப துடுப்பாட்ட வீரர்களுள் ஒருவரான ருதுராஜ் கெய்க்வாட் கைகோர்த்து அதிரடி காட்டினார்.

இதனால் சென்னை 16.2 ஓவர்கள் நிறைவில் 100 ஓட்டங்களை கடந்தது, எனினும் அதே ஓவரின் நான்காவது பந்து வீச்சில் ஜடேஜா 26 ஓட்டங்களுடன் ஆட்டமிழந்தார்.

இறுதியாக சென்னை அணி நிர்ணயிக்கப்பட்ட 20 ஓவர்களின் நிறைவில் 6 விக்கெட் இழப்புக்கு 156 ஓட்டங்களை குவித்தது.

ருதுராஜ் கெய்க்வாட் மொத்தமாக 58 பந்துகளில் 4 சிக்ஸர்கள், 9 பவுண்டரகள் அடங்கலாக 88 ஓட்டங்களுடனும், தாகூர் ஒரு ஓட்டத்துடனும் ஆட்டமிழக்காதிருந்தனர்.

பந்து வீச்சில் மும்பை அணி சார்பில் ட்ரென்ட் போல்ட், ஆடம் மில்னே மற்றும் பும்ரா ஆகியோர் தலா 2 விக்கெட்டுகளை கைப்பற்றினர்.

157 ஓட்டம் என்ற வெற்றியிலக்கை நோக்கி பதிலுக்குத் துடுப்பெடுத்தாடிய மும்பை அணி, நிர்ணயிக்கப்பட்ட 20 ஓவர்களின் நிறைவில் 8 விக்கெட்டுக்களை பறிகொடுத்து 136 ஓட்டங்களை மாத்திரமே பெற்றது.

அணி சார்பில் அதிகபடியாக திவாரி 40 பந்துகளில் 5 பவுண்டரிகள் அடங்கலாக 50 ஓட்டம் பெற்றார்.

சென்னை அணி சார்பில் பந்து வீச்சில் பிராவோ 3 விக்கெட்டுக்களையும், தீபக் சஹார் 2 விக்கெட்டுக்களையும், ஹேசில்வுட் மற்றும் சர்துல் தாகூர் ஆகியோர் தலா ஒவ்வொரு விக்கெட்டுகளை கைப்பற்றினர்.

போட்டியின் ஆட்டநாயகனாக ருதுராஜ் கெய்க்வாட் தெரிவானார்.

இந்த வெற்றியின் மூலம் சென்னை சூப்பர் கிங்ஸ் அணி புள்ளிப் பட்டியலில் 6 வெற்றிகளுடன் முதல் இடத்தை பிடித்துள்ளது.

இன்று அபுதாபியில் நடைபெறும் 31 ஆவது லீக் போட்டியில் விராட் கோலி தலைமையிலான ரோயல் செலஞ்சர்ஸ் பெங்களூரு அணியும், இயன் மோர்கன் தலைமையிலான கொல்கத்தா நைட் ரைடர்ஸ் அணியும் மோதவுள்ளமையும் குறிப்பிடத்தக்கது.

Tuesday, September 14, 2021

கிரிக்கெட் உலகுக்கு விடைகொடுத்த மாலிங்க..!!!

கிரிக்கெட் உலகுக்கு விடைகொடுத்த மாலிங்க..!!!


இலங்கை கிரிக்கெட் அணியின் முன்னாள் வேகப்பந்து வீச்சாளரான, யோர்க்கர் கிங் என்றழைக்கப்படும் லசித் மாலிங்க அனைத்து விதமான கிரிக்கெட் போட்டிகளில் இருந்து ஓய்வு பெறுவதாக சற்று முன்னர் அறிவித்துள்ளார்.

38 வயதாகும் லசித் மாலிங்க கடந்த வருடம் மார்ச் மாதம் சர்வதேச கிரிக்கெட் போட்டிகளில் இருந்து ஓய்வினை அறிவித்தார். எனினும் தொடர்ந்தும் இருபதுக்கு 20 போட்டிகளில் விளையாடுவதாக தெரிவித்திருந்த லசித் மாலிங்க, இன்று அனைத்து விதமான கிரிக்கெட் போட்டிகளில் இருந்தும் ஓய்வு பெறுவதாக அறிவித்துள்ளார்.

கடந்த 2004ஆம் ஆண்டு இலங்கை அணியில் அறிமுகம் பெற்றுக்கொண்ட லசித் மாலிங்க இன்று வரையில் இலங்கை அணியின் நட்சத்திர வேகப்பந்துவீச்சாளர்களில் ஒருவராக திகழ்ந்து வருகிறார். லசித் மாலிங்கவின் ஓய்வுக்கு முன்னாள், இந்நாள் கிரிக்கெட் வீரர்கள் உட்பட கோடிக்கணக்கான ரசிகர்களும் தங்களுடைய வாழ்த்துக்களையும், நன்றிகளையும் தெரிவித்து வருகின்றனர்.

Sunday, August 1, 2021

இந்தியாவின் தோல்விக்கு இவர் ஒருவரே முழு பொறுப்பு! பாகிஸ்தான் முன்னாள் கேப்டன் கடும் தாக்கு..!!!

இந்தியாவின் தோல்விக்கு இவர் ஒருவரே முழு பொறுப்பு! பாகிஸ்தான் முன்னாள் கேப்டன் கடும் தாக்கு..!!!



இலங்கை அணிக்கெதிரான டி20 தொடரை இந்திய அணி இழந்த நிலையில், அதற்கு முழு காரணம் ஷிகார் தவான் தான் என்று பாகிஸ்தான் அணியின் முன்னாள் வீரர் கூறியுள்ளார்.

இந்தியா-இலங்கை அணிகளுக்கிடையே நடைபெற்ற மூன்று போட்டிகள் கொண்ட டி20 தொடரை இந்திய அணி 2-1 என்று இழந்தது. குறிப்பாக மூன்றாவது டி20 போட்டியில் இந்திய அணி மோசமான தோல்வியை சந்திதது.

இதனால் இளம் வீரர்களான சஞ்சு சாம்சன் மற்றும் நிதிஷ் ரானா ஆகியோரை கடும் விமர்சனத்திற்குள்ளாகியுள்ளனர். இந்நிலையில், பாகிஸ்தான் அணியின் முன்னாள் வீரரான டேனிஷ் கனேரியா இந்த தோல்வி குறித்து தன்னுடைய கருத்தை கூறியுள்ளார்.

அதில், நிறைய பந்து வீச்சாளர்களை கொண்டுள்ள இந்திய அணி, பந்து வீச்சு பலத்தை பயன்படுத்தி, முதலில் பந்துவீசி இலங்கையை குறைந்த ஓட்டங்களுக்குள் சுருட்டியிருக்கலாம்.

ஆனால், அதை விடுத்து முதலில் பேட்டிங் ஆடியது பெரிய தவறு. அது கேப்டன் தவானின் மோசமான கேப்டன்சியை காட்டுகிறது. இலங்கை அணி மிக சிறப்பாக பந்துவீசியது, ஆனால் இந்திய பேட்ஸ்மேன்கள் மிக மோசமான, தவறான ஷாட்கள் அடித்து சொதப்பினர்.

இந்திய பேட்ஸ்மேன்கள் அவர்களது விக்கெட்டுகளை எளிதாக விட்டுக்கொடுத்தனர் என்றே நான் நினைக்கிறேன். ஹசரங்காவின் பந்துவீச்சை இந்திய வீரர்கள் சற்று கவனமாக எதிர்கொண்டிருக்க வேண்டும், ஆனால் இந்திய பேட்ஸ்மேன்கள் சொதப்பிவிட்டனர் என்று கூறியுள்ளார்.

Saturday, July 31, 2021

இலங்கை அணிக்கு எதிரான தோல்வி! ஏமாற்றமில்லை... வெளிப்படையாக பேசிய ராகுல் டிராவிட்

இலங்கை அணிக்கு எதிரான தோல்வி! ஏமாற்றமில்லை... வெளிப்படையாக பேசிய ராகுல் டிராவிட்


இந்திய அணியின் பயிற்சியாளரான ராகுல் டிராவிட், இலங்கை அணிக்கு எதிரான மூன்றாவது டி20 போட்டி தோல்வி குறித்து வெளிப்படையாக பேசியுள்ளார்.

இலங்கை-இந்தியா அணிகளுக்கிடையேயான மூன்றாவது டி20 போட்டியில், இந்தியா தோல்வியடைந்தது. இதன் மூலம் மூன்று போட்டிகள் கொண்ட தொடரை, இலங்கை அணி 2-1 என்று கைப்பற்றியது.

இது குறித்து இந்திய அணியின் பயிற்சியாளரான ராகுல் டிராவிட் கூறுகையில், இந்த தொடரில் தோல்வி அடைந்தது குறித்து நான் எந்த வித ஏமாற்றம் அடையவில்லை.

இதுபோன்ற மைதானங்களில் உலகத்தரம் வாய்ந்த பவுலர்களை எதிர்த்து அவர்கள் விளையாடியது சிறந்த அனுபவம். இந்த தொடரின் மூலம் சில பல விடயங்களை அவர்கள் கற்றுக் கொண்டு இருப்பார்கள்.

இது போன்ற இக்கட்டான சூழ்நிலைகளில் தான் இளம் வீரர்கள் சிறந்த வீரர்களாக மாறமுடியும். மேலும் இதுபோன்று ஸ்லோ டிராக்கில் எவ்வாறு விளையாட வேண்டும் என்பதையும் அவர்கள் இந்த சில போட்டிகளின் மூலம் கற்றுக்கொள்ளவேண்டும்.

ஆடுகளத்தின் தன்மைக்கு ஏற்றவாறு விளையாடுவது எப்போதுமே அவசியம். அனைத்து போட்டிகளிலுமே எல்லோராலும் ரன்களை குவித்து விடமுடியாது. இளம் வீரர்களுக்கு என்னதான் திறமை இருந்தாலும் அனுபவம் என்பது மிகவும் முக்கியம்.

அதனை இந்த தொடர் மூலம் அவர்கள் அறிந்திருப்பார்கள். இது அவர்களுக்கு நல்ல பாடம், எதிர்வரும் நாட்களில் அவர்கள் சிறந்த வீரர்களாக வருவார்கள் என்ற நம்பிக்கை உள்ளதாக கூறியுள்ளார்.

Monday, July 19, 2021

முதலாவது ஒருநாள் போட்டியில் இந்திய அணி வெற்றி..!!!

முதலாவது ஒருநாள் போட்டியில் இந்திய அணி வெற்றி..!!!


இலங்கை மற்றும் இந்தியா அணிகளுக்கு இடையிலான முதலாவது ஒருநாள் போட்டியில் இந்திய அணி 7 விக்கெட்டுக்கள் வித்தியாசத்தில் வெற்றிப் பெற்றுள்ளது.

போட்டியில் நாணய சுழற்சியை வென்ற இலங்கை அணி முதலில் துடுப்பெடுத்தாட தீர்மானித்தது.

இதற்கமைய முதலில் துடுப்பெடுத்தாடிய இலங்கை அணி நிர்ணயிக்கப்பட்ட 50 ஓவர்கள் நிறைவில் 9 விக்கெட்டுக்களை இழந்து 262 ஓட்டங்களைப் பெற்றுக் கொண்டது.

இலங்கை அணி சார்பில் அதிகபட்சமாக சமிக கருணாரத்ன ஆட்டமிழக்காமல் 43 ஓட்டங்களைப் பெற்றுக் கொண்டார்.

பந்து வீச்சில் தீபக் சஹார், குல்தீப் யாதவ் மற்றும் சஹால் ஆகியோர் தலா 2 விக்கெட்டுக்களை கைப்பற்றினர்.

இதற்கமைய, 263 என்ற வெற்றி இலக்கை நோக்கி பதிலுக்கு துடுப்பெடுத்தாடிய இந்திய அணி 36.4 ஓவர்கள் நிறைவில் 3 விக்கெட்டுக்களை மாத்திரம் இழந்து வெற்றி இலக்கை அடைந்தது.

இந்திய அணி சார்பில் அணித்தலைவர் சிகர் தவான் ஆட்டமிழக்காமல் 86 ஓட்டங்களைப் பெற்றுக் கொண்டார்.