Showing posts with label Sports News. Show all posts
Showing posts with label Sports News. Show all posts

Sunday, May 15, 2022

கிரிக்கெட் ஜாம்பவான் அண்ட்ரூ சைமண்ட்ஸ் விபத்தில் பலி..!!!

கிரிக்கெட் ஜாம்பவான் அண்ட்ரூ சைமண்ட்ஸ் விபத்தில் பலி..!!!


அவுஸ்திரேலிய முன்னாள் கிரிக்கெட் வீரரும், ஜாம்பவானுமான அண்ட்ரூ சைமண்ட்ஸ் மகிழுந்து விபத்தொன்றில் சிக்கி உயிரிழந்துள்ளார்.

அவர் தனது 46ஆவது வயதில் இவ்வாறு உயிரிழந்துள்ளார்.

நேற்றிரவு இரவு 11 மணியளவில் டவுன்ஸ்வில்லி நகரில் ஆலிஸ் நதி பாலம் அருகே அவரது கார் வீதியை விட்டு விலகி பள்ளத்தில் விழுந்து விபத்துக்குள்ளாகியுள்ளது.

இதனால் பலத்த காயங்களுக்குள்ளான அண்ட்ரூ சைமண்ட்ஸ் உயிரிழந்ததாக அந்நாட்டு காவல்துறை தெரிவித்துள்ளது.

சைமண்ட்ஸின் குடும்பத்தினரும், அவரது உயிரிழப்பை உறுதிப்படுத்தினர்.

சைமண்ட்ஸ், அவுஸ்திரேலிய அணிக்காக 26 டெஸ்ட் போட்டிகள், 198 சர்வதேச ஒருநாள் கிரிக்கெட் போட்டிகள் மற்றும் 14 இருபதுக்கு 20 கிரிக்கெட் போட்டிகளில் விளையாடியுள்ளார்.

'ரோய்' என அழைக்கப்படும் அண்ட்ரூ சைமண்ட்ஸ், அவுஸ்திரேலிய அணியை பிரதிநிதித்துவப்படுத்துகின்ற சகலதுறை ஆட்டகாரர்களில் ஒருவராவார்.

அத்துடன் 2003 மற்றும் 2007ஆம் ஆண்டுகளில் அவுஸ்திரேலிய அணி உலக கிண்ணங்களை கைப்பற்றுவதற்கு அவரது பங்கு அதிகமாக இருந்தது.

இந்த நிலையில் அவரது இழப்புக்கு கிரிக்கெட் வீரர்கள் உள்ளிட்ட தரப்பினர் இரங்கல் வெளியிட்டு வருகின்றனர்.

அத்துடன் இரசிகர்களின் விருப்பமானவராக பரவலாகக் கருதப்பட்டுவரும் ஒருவருமாவார்.


Monday, May 2, 2022

43 ஆண்டுகளின் பின் வடக்கிற்கு பூப்பந்தாட்ட தொடரில் சம்பியன்..!!!

43 ஆண்டுகளின் பின் வடக்கிற்கு பூப்பந்தாட்ட தொடரில் சம்பியன்..!!!


தேசிய ரீதியில் நடத்தப்பட்ட பூப்பந்தாட்ட தொடரில் 43 வருடங்களின் பின்னர் வடக்கு மாகாணத்திற்கான சம்பியன் பட்டத்தை யாழ்.மாவட்டத்தை சேர்ந்த சற்குணம் காண்டீபன் பெற்றுக் கொடுத்துள்ளார்.

இலங்கை பூப்பந்தாட்ட சம்மேளனம் நடத்திய இவ்வாண்டுக்கான தேசிய ரீதியான 40 வயதிற்கு மேற்பட்டவர்களுக்கான பூப்பந்தாட்ட தொடரின் இறுதி போட்டி சனிக்கிழமை நடைபெற்றது.

இப் போட்டியில் வடமாகாணம் சார்பில் சற்குணம் காண்டீபன் மேல் மாகாணத்தை பிரதிநிதித்துவப்படுத்தியவரை எதிர்த்து விளையாடி சம்பியன் பட்டத்தை தனதாக்கினார்.

அது வடமாகாணத்திற்கு 43 வருடங்களின் பின் கிடைத்த சம்பியன் பட்டம் என்பது குறிப்பிடத்தக்கது.

Thursday, April 21, 2022

வடக்கின் போர் ஆரம்பம்..!!!

வடக்கின் போர் ஆரம்பம்..!!!


யாழ். மத்தியக் கல்லூரி மைதானத்தில் இன்று (21) ஆரம்பித்திருக்கும் 115வது வடக்கின் பெரும் சமரில் முதலில் துடுப்பெடுத்தாடிய யாழ். சென். ஜோன்ஸ் கல்லூரி 167 ஓட்டங்களை பெற்றுக்கொண்டதுடன், முதல் இன்னிங்ஸை ஆரம்பித்துள்ள மத்தியக் கல்லூரி அணி விக்கெட்டிழப்பின்றி 6 ஓட்டங்களை பெற்றுள்ளது.

போட்டியின் நாணய சுழற்சியில் வெற்றிபெற்ற யாழ். மத்தியக் கல்லூரி அணி முதலில் துடுப்பெடுத்தாடும் வாய்ப்பை யாழ். சென். ஜோன்ஸ் கல்லூரி அணிக்கு வழங்கியது.

அதன் அடிப்படையில் களமிறங்கிய சென். ஜோன்ஸ் அணியின் ஆரம்ப துடுப்பாட்ட வீரர்களான சச்சின் கணபதி மற்றும் குகணேசன் கரிசன் ஆகியோர் நிதானமான ஆரம்பத்தை பெற்றுக்கொடுத்தனர். மதியபோசன இடைவேளையை விக்கெட்டிழப்பின்றி சென். ஜோன்ஸ் கல்லூரி கடக்க வாய்ப்பிருந்த போதும், 41 ஓட்டங்களை பெற்றிருந்த கரிசன் ரன்-அவுட் மூலமாக ஆட்டமிழந்தார்.

எனவே தங்களுடைய முதல் நாள் ஆட்டத்தின் மதியபோசன இடைவேளையின் போது, சென். ஜோன்ஸ் கல்லூரி அணி ஒரு விக்கெட்டுகளை இழந்து 62 ஓட்டங்களை பெற்றுக்கொண்டது.

மதியபோசன இடைவேளைக்கு பின்னர் களமிறங்கிய சென். ஜோன்ஸ் கல்லூரியின் சார்பில் சச்சின் கணபதி 20 ஓட்டங்களுடன் வெளியேற, ஏனைய துடுப்பாட்ட வீரர்கள் தொடர்ச்சியாக விக்கெட்டுகளை பறிகொடுக்க தொடங்கினர்.

யாழ். மத்தியக் கல்லூரியின் விநாயகசெல்வம் கவிதர்ஷன் மற்றும் ஜெயதீஷ்வரன் விதுசன் ஆகியோர் அற்புதமான பந்துவீச்சை வெளிப்படுத்தியிருந்த நிலையில், தேநீர் இடைவேளையின் போது சென். ஜோன்ஸ் கல்லூரி அணி 136 ஓட்டங்களுக்கு 7 விக்கெட்டுகளை இழந்து தடுமாறியது.

தேநீர் இடைவேளையின் போதும், அதன் பின்னரும் அண்டன் அபிஷேக் சிறப்பாக ஓட்டங்களை குவிக்க துரதிஷ்டவசமாக தன்னுடைய அரைச்சதத்தை பதிவுசெய்ய தவறி 40 ஓட்டங்களுடன் ரஞ்சித்குமார் நியூட்டனின் பந்துவீச்சில் ஆட்டமிழந்தார்.

அண்டன் அபிஷேக்கின் ஆட்டமிழப்பின் பின்னர் தங்களுடைய அனைத்து விக்கெட்டுகளையும் விரைவில் விட்டுக்கொடுத்த சென். ஜோன்ஸ் கல்லூரி அணி 84.1 ஓவர்களில் சகல விக்கெட்டுகளையும் இழந்து 167 ஓட்டங்களை பெற்றுக்கொண்டது. மத்தியக் கல்லூரியின் பந்துவீச்சில் அற்புதமாக செயற்பட்ட விதுசன் மற்றும் கவிதர்ஷன் ஆகியோர் அதிகபட்சமாக தலா 3 விக்கெட்டுகளை பகிர்ந்துக்கொண்டனர்.

பின்னர் தங்களுடைய முதல் இன்னிங்ஸை ஆரம்பித்துள்ள யாழ். மத்தியக் கல்லூரி அணி இன்றைய ஆட்டநேர முடிவின் போது 3 ஓவர்கள் துடுப்பெடுத்தாடி விக்கெட்டிழப்பின்றி 6 ஓட்டங்களை பெற்றுள்ளது. எனவே, சென். ஜோன்ஸ் கல்லூரியின் ஓட்ட எண்ணிக்கையை எட்டுவதற்கு மத்தியக் கல்லூரி அணி 161 ஓட்டங்களை பெற்றுக்கொள்ள வேண்டும்.

சுருக்கம்

யாழ். சென். ஜோன்ஸ் கல்லூரி – 167/10 (84.1), கரிஷன் 41, அபிஷேக் 40, கவிதர்ஷன் 41/3, விதுசன் 13/3, நியூட்டன் 50/1, கௌதம் 27/1
யாழ். மத்தியக் கல்லூரி – 6/0 (3), விதுசன் 5*

படங்கள் – ஐ.சிவசாந்தன்











































Sunday, April 17, 2022

இலங்கை கிரிக்கெட் அணியில் நவீட் நவாஸ்..!!!

இலங்கை கிரிக்கெட் அணியில் நவீட் நவாஸ்..!!!




இலங்கை தேசிய கிரிக்கெட் அணியின் உதவிப் பயிற்றுவிப்பாளராக இலங்கை டெஸ்ட் அணியின் முன்னாள் வீரர் நவீட் நவாஸ் நியமிக்கப்பட்டுள்ளார்.

எதிர்வரும் பங்களாதேஷ் தொடருக்காக இந்த நியமனம் வழங்கப்பட்டுள்ளதாக இலங்கை கிரிக்கெட் நிறுவனம் தெரிவித்துள்ளது.

அதேபோல், வேகபந்து பயிற்சியாளராக இலங்கை அணியின் முன்னாள் வேகப்பந்து வீச்சாளர் சமிந்த வாஸும், சுழற்பந்து பயிற்சியாளராக பியல் விஜேதுங்கவும் நியமிக்கப்பட்டுள்ளது.

மேலும், களத்தடுப்பு மற்றும் துணை பயிற்சியாளராக முன்னாள் இலங்கை கிரிக்கெட் வீரர் மனோஜ் அபேவிக்கிரம நயமிக்கப்பட்டுள்ளதாக இலங்கை கிரிக்கெட் நிறுவனம் தெரிவித்துள்ளது.

Sunday, March 27, 2022

றோயல் செலஞ்சர்ஸ் பெங்களூரை வீழ்த்தியது பஞ்சாப் கிங்ஸ்..!!!

றோயல் செலஞ்சர்ஸ் பெங்களூரை வீழ்த்தியது பஞ்சாப் கிங்ஸ்..!!!


றோயல் செலஞ்சர்ஸ் பெங்களூர் அணிக்கு எதிராக மும்பை டி வை பட்டில் ஸ்போர்ட்ஸ் அக்கடமி விளையாட்டரங்கில் ஞாயிற்றுக்கிழமை (27) நடைபெற்ற ஐ.பி.எல். இருபது 20 கிரிக்கெட் போட்டியில் பஞ்சாப் கிங்ஸ் அணி 5 விக்கெட்களால் வெற்றிபெற்றது.

கணிசமான மொத்த ஓட்டங்கள் பெறப்பட்ட இப் போட்டியில் ஷாருக் கான், ஓடியன் ஸ்மித் ஆகிய இருவரும் பிரிக்கப்படாத 6 ஆவது விக்கெட்டில் 25 பந்துகளில் பகிர்ந்த 52 ஓட்டங்கள் பஞ்சாப் கிங்ஸ் அணியின் வெற்றியில் முக்கிய பங்காற்றியது.

இப் போட்டியில் முதலில் துடுப்பெடுத்தாடி றோயல் செலஞ்சர்ஸ் அணி 20 ஓவர்களில் 2 விக்கெட்களை மாத்திரம் இழந்து 205 ஓட்டங்களைக் குவித்தது.

துடுப்பாட்டத்தில் பவ் டு ப்ளெசிஸ் 57 பந்துகளில் 7 சிக்ஸ்கள், 3 பவுண்ட்றிகளுடன் 88 ஓட்டங்களைக் குவித்தார்.

முதலாவது விக்கெட்டில் அனுஜ் ராவத்துடன் 50 ஓட்டங்களைப் பகிர்ந்த டு ப்ளெசிஸ், 2ஆவது விக்கெட்டில் விராத் கோஹ்லியுடன் 118 ஓட்டங்களைப் பகிர்ந்தார். ராவத் 21 ஓட்டங்களைப் பெற்றார்.

தொடர்ந்து கொஹ்லி, தினேஷ் கார்த்திக் ஆகிய இருவரும் பிரிக்கப்படாத 3ஆவது விக்கெட்டில் 17 பந்துகளில் 37 ஓட்டங்களைப் பகிர்ந்தனர். இதில் தினேஷ் கார்த்திக் ஆட்டமிழக்காமல் 32 ஓட்டங்களைப் பெற்றார். கோஹ்லி 41 ஓட்டங்களுடன் ஆட்டமிழக்காதிருந்தார்.

பதிலுக்கு துடுப்பெடுத்தாடிய பஞ்சாப் கிங்ஸ் 19 ஓவர்களில் 5 விக்கெட்களை இழந்து 208 ஓட்டங்களைப் பெற்று வெற்றியீட்டியது.

முன்வரிசையில் மயான்க் அகர்வால் (32), ஷிக்கர் தவான் (43), பானுக்கு ராஜபக்ஷ (43) ஆகிய மூவரும் அதிரடியாக ஓட்டங்களைப் பெற்றனர்.

இவர்களைத் தொடர்ந்து லியாம் லிவிங்ஸ்டோன் (19), ராஜ் பவா ஆகியோர் ஆட்டமிழந்தபோது பஞ்சாப் கிங்ஸ் 14.5 ஓவர்களில் 156 ஓட்டங்களைப் பெற்றிருந்தது.

எனினும் ஷாருக் கான் (24 ஆ.இ.), ஓடியன் ஸ்மித் (25 ஆ.இ.) ஆகிய இருவரும் அதிரடியாக ஓட்டங்களைக் குவித்து பஞ்சாபின் வெற்றியை உறுதிசெய்தனர்.

அவர்களில் ஓடியன் ஸ்மித் 8 பந்துகளை மாத்திரம் எதிர்கொண்டு 3 சிக்ஸ்களையும் ஒரு பவுண்ட்றியையும் விளாசி ஆட்ட நாயகனாகத் தெரிவானார்.
மும்பையை வீழ்த்தியது டில்லி கெப்பிட்டல்ஸ்..!!!

மும்பையை வீழ்த்தியது டில்லி கெப்பிட்டல்ஸ்..!!!


மும்பை இண்டியன்ஸ் அணிக்கும் டில்லி கெப்பிட்டல்ஸ் அணிக்கும் இடையில் மும்பை ப்ராபோன் விளையாட்டரங்கில் ஞாயிற்றுக்கிழமை (27) நடைபெற்ற ஐ.பி.எல். இருபது 20 கிரிக்கெட் போட்டியில் 4 விக்கெட்களால் டில்லி கெப்பிட்டல்ஸ் வெற்றியீட்டியது.

மிகவும் விறுவிறுப்பை ஏற்படுத்திய இப் போட்டியில் முதலில் துடுப்பெடுத்தாடிய மும்பை இண்டியன்ஸ் 20 ஓவர்களில் 5 விக்கெட்களை இழந்து 177 ஓட்டங்களைப் பெற்றது.

ஆரம்ப வீரர் இஷான் கிஷான் கடைசிவரை துடுப்பெடுத்தாடி 48 பந்துகளை எதிர்கொண்டு 11 பவுண்ட்றிகள், 2 சிக்ஸ்களுடன் 81 ஓட்டங்களுடன் ஆட்டமிழக்காதிருந்தார்.

அவர் ஆரம்ப விக்கெட்டில் அணித் தலைவர் ரோஹித் ஷர்மாவுடன் 67 ஓட்டங்களைப் பகிர்ந்திருந்தார். ரோஹித் ஷர்மா 41 ஓட்டங்களைப் பெற்றார். இவர்களை விட திலக் வர்மா 22 ஓட்டங்களைப் பெற்றார்.

பந்துவீச்சில் குல்தீப் யாதவ் 18 ஓட்டங்களுக்கு 3 விக்கெட்களையும் கலீல் அஹ்மத் 27 ஓட்டங்களுக்கு 2 விக்கெட்களையும் கைப்பற்றினர்.

பதிலுக்கு துடுப்பெடுத்தாடிய டில்லி கெப்பிட்டல்ஸ் 18.2 ஓவர்களில் 6 விக்கெட்களை இழந்து 179 ஓட்டங்களைப் பெற்று அபார வெற்றியீட்டியது.

டில்லி கெப்பிட்டல்ஸ் 14 ஆவது ஓவரில் 6 விக்கெட்களை இழந்து 104 ஓட்டங்களை மாத்திரம் பெற்றிருந்ததால் மும்பை இண்டியன்ஸ் வெற்றிபெற்றுவிடும் என கருதப்பட்டது.

ஆனால், லலித் யாதவ், அக்சார் பட்டேல் ஆகிய இருவரும் பிரிக்கப்படாத 7ஆவது விக்கெட்டில் 30 பந்துகளில் 75 ஓட்டங்களைப் பகிர்ந்து டில்லி கெப்பிட்டல்ஸ் அணியை வெற்றிபெறச் செய்தனர்.

லலித் யாதவ் 38 பந்துகளில் 48 ஓட்டங்களுடனும் அக்சார் பட்டேல் 17 பந்துகளில் 38 ஓட்டங்களுடனும் ஆட்டமிழக்காதிருந்தனர்.

Saturday, March 26, 2022

முடித்து வைத்த சென்னைக்கு ஆரம்பத்தில் பதிலடி கொடுத்த கொல்கொத்தா  : மலிங்கவின் சாதனை முறியடிப்பு..!!!

முடித்து வைத்த சென்னைக்கு ஆரம்பத்தில் பதிலடி கொடுத்த கொல்கொத்தா : மலிங்கவின் சாதனை முறியடிப்பு..!!!


இண்டியன் பிறீமியர் லீக்கின் 14ஆவது அத்தியாயத்தை கடந்த வருடம் முடித்து வைத்த சென்னை சுப்பர் கிங்ஸ், கொல்கத்தா நைட் ரைடர்ஸ் ஆகிய அணிகள் இந்த வருடம் ஆரம்பித்துவைத்த 15 ஆவது அத்தியாயத்தில் பதிலடி கொடுத்த கொல்கத்தா நைட் ரைடர்ஸ் 6 விக்கெட்களால் வெற்றியீட்டியது.

இதன் மூலம் கடந்த வருட இறுதிப் போட்டியில் சென்னை சுப்பர் கிங்ஸ் அணியிடம் அடைந்த தோல்வியை கொல்கத்தா நைட் ரைடர்ஸ் நிவர்த்திசெய்துகொண்டது.

கொல்கத்தா நைட் ரைடர்ஸ் அணி பந்துவீச்சாளர்கள் மிகச் சிறப்பாக பந்துவீசி நடப்பு சம்பியன்

சென்னை சுப்பர் கிங்ஸ் அணியை 131 ஓட்டங்களுக்கு கட்டுப்படுத்தினர்.

தொடர்ந்து அஜின்கியா ரஹானே, அணித் தலைவர் ஷ்ரேயாஸ் ஐயர் ஆகியோரின் துடுப்பாட்டங்கள் கொல்கத்தாவின் வெற்றியை இலகுபடுத்தின.

ஆரம்பப் போட்டியில் முதலில் துடுப்பெடுத்தாட அழைக்கப்பட்ட ரவிந்த்ர ஜடேஜா தலைமையிலான சென்னை சுப்பர் கிங்ஸ் 20 ஓவர்களில் 5 விக்கெட்களை இழந்து 131 ஓட்டங்களை மாத்திரம் பெற்றது.

சென்னை சுப்பர் கிங்ஸ் ஆரம்ப வீரர்களை குறைந்த எண்ணிக்கைக்கு இழந்த து. அனுபவசாலியும் முன்னாள் அணித் தலைவருமான எம். எஸ். தோனி, புதிய அணித் தலைவர் ஜடோஜா ஆகிய இருவரும் பிரிக்கப்படாத 6ஆவது விக்கெட்டில் 70 ஓட்டங்களைப் பகிர்ந்திரா விட்டால் சென்னை சுப்பர் கிங்ஸ் அணியின் நிலை மோசமடைந்திருக்கும்.

தோனி 38 பந்துகளில் 7 பவுண்ட்றிகள், ஒரு சிக்ஸுடன் 50 ஓட்டங்களுடனும் ஜடேஜா 26 ஓட்டங்களுடனும் ஆட்டமிழக்காதிருந்தனர்.

இவர்கள் இருவரை விட ரொபின் உத்தப்பா 28 ஓட்டங்களைப் பெற்றார்.

கொல்கத்தா பந்துவீச்சில் உமேஷ் யாதவ் 20 ஓட்டங்களுக்கு 2 விக்கெட்களைக் கைப்பற்றினார்.

பதிலுக்கு துடுப்பெடுத்தாடிய கொல்கத்தா 18.3 ஓவர்களில் 4 விக்கெட்களை மாத்திரம் இழந்து 133 ஓட்டங்களைப் பெற்று வெற்றியீட்டியது.

துடுப்பாட்டத்தில் முன்வரிசை வீரர்கள் அனைவரும் அதிகப்பட்ச பங்களிப்பை வழங்கி கொல்கத்தாவின் வெற்றியை உறுதிசெய்தனர்.

அஜின்கியா ரஹானே (44), வெங்கடேஷ் ஐயர் (16) ஆகிய இருவரும் பவர் ப்ளேயில் 43 ஓட்டங்களைப் பகிர்ந்து நல்ல ஆரம்பத்தை இட்டுக்கொடுத்தனர்.

தொடர்ந்து நிட்டிஷ் ரானா (21), ஷ்ரேயாஸ் ஐயர் (20 ஆ.இ.), சாம் பில்லிங்ஸ் (25) ஆகியோர் துடுப்பாட்டத்தில் அதிகபட்ச பங்களிப்பை வழங்கியிருந்தனர்.

சென்னை பந்துவீச்சில் 20 ஓட்டங்களுக்கு 3 விக்கெட்களைக் கைப்பற்றிய ட்வேன் ப்ராவோ, இண்டியன் பிறீமியர் லீக்கில் 170 விக்கெட்களைப் பூர்த்தி செய்தார்.

இதன் மூலம் இண்டியன் பிறீமியர் லீக்கில் அதிக விக்கெட்களை கைப்பற்றிய லசித் மாலிங்கவின சாதனையை ப்ராவோ சமன் செய்தார்.

Friday, March 25, 2022

அவுஸ்திரேலிய அணி 115 ஓட்டங்களால் வெற்றி..!!!

அவுஸ்திரேலிய அணி 115 ஓட்டங்களால் வெற்றி..!!!


பாகிஸ்தான் அணிக்கு எதிரான மூன்றாவதும் இறுதியுமான டெஸ்ட் கிரிக்கெட் போட்டியில், அவுஸ்திரேலிய அணி 115 ஓட்டங்களினால் வெற்றி பெற்றுள்ளது.

லாஹூர், கடாபி விளையாட்டரங்கில் இடம்பெற்ற இந்த போட்டியில் நாணய சுழற்சியில் வென்ற அவுஸ்திரேலிய அணி முதலில் துடுப்பெடுத்தாட தீர்மானித்தது.

இதற்கமைய, அவுஸ்திரேலிய அணி தமது முதலாவது இன்னிங்சில் சகல விக்கெட்டுக்களையும் இழந்து 391 ஓட்டங்களையும், இரண்டாம் இன்னிங்சில் 3 விக்கெட்டுக்களை இழந்து 277 ஓட்டங்களையும் பெற்றது.

பதிலுக்கு துடுப்பெடுத்தாடிய பாகிஸ்தானிய அணி தமது முதலாவது இன்னிங்சில் சகல விக்கட்டுக்களை இழந்து 268 ஓட்டங்களை பெற்றது.

தொடர்ந்து 351 என்ற வெற்றியிலக்கை நோக்கி இரண்டாவது இன்னிங்சில் துடுப்பாடிய பாகிஸ்தான் அணி சகல விக்கெட்டுக்களையும் இழந்து 235 ஓட்டங்களை பெற்று தோல்வியை தழுவியது.

இரு அணிகளுக்கு இடையேயான முதலாவது ஒரு நாள் சர்வதேச கிரிக்கெட் போட்டி எதிர்வரும் 29ஆம் திகதி லாஹூரில் நடைபெறவுள்ளது.
சிஎஸ்கே: தோனி விலகல்... உண்மை காரணம்?

சிஎஸ்கே: தோனி விலகல்... உண்மை காரணம்?


ஐபிஎல் ஆரம்பித்த முதல் சீசனில் இருந்து சென்னை சூப்பர் கிங்ஸ் அணியின் கேப்டனாக மகேந்திர சிங் தோனி செயல்பட்டு வந்த நிலையில், நாளை (மார்ச் 26) தொடங்கவிருக்கும் ஐபிஎல் போட்டியில் அவருக்குப் பதிலாக அணியின் கேப்டன் பொறுப்பை ரவீந்திர ஜடேஜா ஏற்கவுள்ளார் என்று சென்னை சூப்பர் கிங்ஸ் அணி நிர்வாகம் அறிவித்துள்ளது.

ஐபிஎல் 2022 - டி20 ஆட்டங்கள் நாளை (மார்ச் 26) தொடங்கவிருக்கும் நிலையில் இது தொடர்பாக சென்னை சூப்பர் கிங்ஸ் அணி நிர்வாகம் வெளியிட்டுள்ள செய்திக்குறிப்பில், "மகேந்திர சிங் தோனி கேப்டன் பொறுப்பை ஒப்படைக்க முடிவெடுத்ததுடன், அவரே ரவீந்திர ஜடேஜாவை கேப்டன் பொறுப்புக்குத் தேர்வு செய்துள்ளார். 2012 முதல் சென்னை அணியின் ஒருங்கிணைந்த அங்கமாக இருந்து வரும் ஜடேஜா, சென்னை அணியை வழிநடத்தும் மூன்றாவது வீரராக இருப்பார். அதேநேரம் இந்த சீசனிலும் அதற்கு பிறகும் சென்னை சூப்பர் கிங்ஸ் அணிக்காக தோனி தொடர்ந்து விளையாடுவார்" என்று அதில் தெரிவிக்கப்பட்டுள்ளது.

நாளை (மார்ச் 26) சென்னை சூப்பர் கிங்ஸ் அணி, கொல்கத்தா அணியை முதல் ஆட்டத்தில் எதிர்கொள்கிறது. அதற்கு முன்பாக இந்த அறிவிப்பு வெளிவந்துள்ளது. இதற்கு முன்னதாக, சில மணி நேரம் முன்பு ஸ்டார் ஸ்போர்ட்ஸ் சேனலில் பேசிய இந்திய அணியின் முன்னாள் கேப்டன் சுனில் கவாஸ்கர், “இந்த வருடம் ஐபிஎல் தொடரில் தோனி ஒருசில ஆட்டங்களில் மட்டுமே விளையாட முடிவு செய்தால், சென்னை சூப்பர் கிங்ஸ் அணியின் கேப்டன் பதவியை ரவீந்திர ஜடேஜா ஏற்கத் தயாராக இருப்பார்.

கடந்த சில ஆண்டுகளாக ரவீந்திர ஜடேஜா ஒரு வீரராக முதிர்ச்சியடைந்த விதம் மற்றும் சூழ்நிலைகளை சமாளிக்கும் விதம் அருமையாக மேம்பட்டுள்ளது. எனவே, தோனி ஓய்வு எடுக்க முடிவு செய்து, கேப்டன் பதவியை ஜடேஜாவிடம் ஒப்படைக்கப்பட்டாலும் நான் ஆச்சரியப்பட மாட்டேன்" என்று தெரிவித்தார். அதன்படி, அவர் பேசிய சில மணி நேரத்தில் கேப்டன் மாற்றப்பட்ட அறிவிப்பு வெளியாகியுள்ளது.

2008 முதல் மகேந்திரசிங் தோனி சிஎஸ்கேவுக்கு கேப்டனாக செயல்பட்டு வந்தார். சிறந்த கேப்டனாகச் செயல்பட்டுவந்த தோனி ஐபிஎல் தொடரில் அதிக வெற்றிகளைக் குவித்த கேப்டன் என்ற பெருமைக்குரியவர். இவர் தலைமையில் சிஎஸ்கே அணி 115 போட்டிகளில் வெற்றிபெற்றுள்ளது. மேலும் தோனி தலைமையில் சிஎஸ்கே அணி 2010, 2011, 2018 மற்றும் 2021 என மொத்தம் நான்கு ஐபிஎல் போட்டியில் கப் அடித்து வெற்றி வாகை சூடியது.

அதுமட்டுமில்லாமல் தோனி மொத்தம் 220 ஐபிஎல் போட்டிகளில் பங்கேற்று 4746 ரன்களை அடித்துள்ளார். குறிப்பாக, கடைசி ஓவர்களில் மட்டும் 50 சிக்ஸர்களை அடித்து, கடைசி ஓவரில் அதிக சிக்ஸர்களை அடித்த வீரர்கள் பட்டியலில் முதலிடத்தில் இருக்கிறார்.

2020-ம் ஆண்டு இந்திய அணியின் கேப்டனாக ஓய்வுபெற்ற தோனி, ஐபிஎல் போட்டிகளில் மட்டும் கேப்டனாக விளையாடி வந்தார். தற்போது அவருக்கு நாற்பது வயதாகிவிட்ட நிலையில் இந்த சீசனோடு ஓய்வு பெறவும் வாய்ப்புள்ளது.

எனவே இந்த ஆண்டு ஐபிஎல் போட்டியில் அவரது கேப்டன்சியை கடைசியாக காணலாம் என ரசிகர்கள் காத்திருக்க தற்போது தனது கேப்டன்சியை ஜடேஜாவிடம் ஒப்படைத்துள்ளார். தோனியின் இந்த முடிவு சிஎஸ்கே அணியின் அடுத்த கேப்டனை உருவாக்குவதற்காக இருந்தாலும், தோனியின் கேப்டன்சியைப் பார்க்கக் காத்திருந்த அவரின் ரசிகர்களுக்கு ஏமாற்றம்தான்.

ஐந்தாவது முறையாக ஐபிஎல் கோப்பையை சிஎஸ்கே வெல்லும் என்று ரசிகர்கள் எதிர்பார்த்து வந்த நிலையில், கேப்டன் பதவியில் இருந்து டோனி விலகி இருப்பதால், கோப்பையை வெல்லுமா என்ற சந்தேகம் ரசிகர்களுக்கு எழுந்துள்ளது.