Showing posts with label world news. Show all posts
Showing posts with label world news. Show all posts

Saturday, September 25, 2021

பிரித்தானியாவில் பெட்ரோல், உணவுப்பொருட்கள் தட்டுப்பாடு ?

பிரித்தானியாவில் பெட்ரோல், உணவுப்பொருட்கள் தட்டுப்பாடு ?


பிரித்தானியாவில் பெட்ரோல் தட்டுப்பாடு குறித்து அச்சம் வேண்டாம், தக்க நடவடிக்கை எடுக்கப்படும் என அரசு அறிவித்தும், மக்கள் அச்சம் காரணமாக சுயநலத்துடன் செயல்படுவதைக் காட்டும் புகைப்படங்கள் வெளியாகியுள்ளன.
பிரித்தானியாவில் கனரக வாகன சாரதிகள் பற்றாக்குறை காரணமாக பெட்ரோல் மற்றும் உணவுப்பொருட்கள் தட்டுப்பாடு ஏற்படும் என்ற அச்சம் ஏற்பட்டுள்ளது.

சில பெட்ரோல் நிலையங்கள் வாடிக்கையாளர் ஒருவருக்கு 30 பவுண்டுகள் மதிப்பிலான பெட்ரோலை மட்டுமே வழக்குகின்றன.
ஆனால், தாங்களே பெட்ரோல் நிரப்பிக்கொள்ளும் வசதியுள்ள மற்ற இடங்களில், பலரும் கேன்களில் பெட்ரோலை நிரப்புவதை வெளியாகியுள்ள புகைப்படங்களில் காணலாம்.

அவர்கள் நீண்ட நேரமாக கேன்களில் பெட்ரோலை நிரப்ப, மற்றவர்கள் பெட்ரோல் போடும் இடத்தை நெருங்கவே மணிக்கணக்காக காத்திருக்கும் சூழல் பல இடங்களில் காணப்படுகிறது.

கனரக வாகன சாரதிகள் தட்டுப்பாட்டால், பெட்ரோல் முதல் உணவுப்பொருட்கள் வரை கொண்டு வர ட்ரக்குகள் இல்லாததால், பல பல்பொருள் அங்காடிகளில் ஷெல்ஃப்கள் காலியாக காணப்படுகின்றன, முக்கிய உப பொருட்கள் வராததால் உணவகங்களும் மதுபான விடுதிகளும் கூட பாதிக்கப்பட்டுள்ளது குறிப்பிடத்தக்கது.


5,000 வெளிநாட்டு சாரதிகளுக்கு அவசரமாக விசா வழங்கும் பிரித்தானிய பிரதமர் போரிஸ் ஜான்சன்.
பிரித்தானியாவின் பல பகுதிகளில் பெட்ரோல் நிலையங்கள் முன் எரிபொருள் நிரப்ப வாகனங்கள் குவிந்து போக்குவரத்து நெரிசல் ஏற்பட்டதால் பிரித்தானியாவே பரபரப்படைந்துள்ளது.

நிலைமை சீரடைய அனைத்து நடவடிக்கைகளும் எடுக்கப்படும், பதற்றம் வேண்டாம் என்ற அரசின் கோரிக்கையை மக்கள் காதில் வாங்கியதுபோல் தெரியவில்லை. ஆகவே, பெட்ரோல் நிலையங்கள் முன் கோபத்துடன் இன்னமும் நீண்ட வரிசையில் மக்கள் தங்கள் வாகனங்களுடன் நிற்கிறார்கள்.

கடந்த கால நிகழ்வுகள் நினைவுக்கு வந்ததால், எரிபொருள் பற்றாக்குறையால் பொருளாதாரம் பாதிக்கப்படலாம் என்ற அச்சத்துடன் அவர்கள் பெட்ரோல் நிலையங்கள் முன் குவிந்துள்ளதால் சாலைகளில் போக்குவரத்து நெரிசல் ஏற்பட்டுள்ளது.

இவை எல்லாவற்றிற்கும் காரணம், கனரக வாகன ஓட்டிகள் பற்றாக்குறை. இன்னொரு வகையில் கூறினால் பிரெக்சிட் என்றும் கூறலாம்.

பிரபலமான ஒரு கதை உண்டு. அதில் ஒருவர் மரத்தின் கிளை ஒன்றில் உட்கார்ந்துகொண்டு, தான் உட்கார்ந்திருக்கிற கிளையையே வெட்டிக்கொண்டிருப்பார். கடைசியில், அந்த கிளையுடன், அவரும் கீழே விழுவார்.

பிரெக்சிட்டும் அப்படித்தான் ஆகிவிட்டதோ என்று தோன்றுகிறது. ஐரோப்பிய ஒன்றியத்துக்கு தேவையில்லாமல் பெரும் தொகையை வழங்குகிறோம் என்று எண்ணி, ஐரோப்பிய ஒன்றியத்தை விட்டு வெளியேறியது பிரித்தானியா. ஆனால், அதைத் தொடர்ந்து பிரித்தானியா சந்தித்துவரும் பிரச்சினைகள் ஏராளம்.

பிரித்தானிய கடல் பகுதியில் பிரான்ஸ் மீன் பிடிக்கக்கூடாது என்றது பிரித்தானியா. பதிலுக்கு உங்கள் மீனை நாங்கள் வாங்கமாட்டோம் என்றன ஐரோப்பிய ஒன்றிய நாடுகள். பிரான்சின் கலாயிஸ் துறைமுகம் வழியாக பிரித்தானியாவுக்கு உள்ளே செல்லவும், வெளியேறவும் பிரச்சினை ஏற்பட்டது. கால தாமதமானது. லொறி சாரதிகள் கடும் பிரச்சினைகளை சந்தித்தார்கள்.

கடைசியில், இந்த தொல்லை எல்லாம் எதற்கு, நம் சொந்த நாட்டுக்குத் திரும்பிவிடுவோம் என பல ஐரோப்பிய ஒன்றிய லொறி சாரதிகள் வேலையை விட்டு விட்டு போய்விட்டார்கள்.அத்துடன் கொரோனா கட்டுப்பாடுகளும் சேர்ந்துகொள்ள, அப்படி போனவர்களில் சுமார் 100,000 கனரக வாகன சாரதிகளும் அடக்கம்.

கனரக வாகனங்களை ஓட்ட சாரதிகள் இல்லாததால் உணவு முதல் எரிபொருள் வரை அத்தியாவசிய பொருட்களை பிரித்தானியாவுக்குக் கொண்டு வர வாகனங்கள் போதவில்லை.

ஆக, கொஞ்சம் கொஞ்சமாக பிரித்தானியாவில் தட்டுப்பாடு ஏற்பட ஆரம்பித்தது. இறக்குமதி செய்யப்படும் சில குறிப்பிட்ட உணவுகளில் தட்டுப்பாடு தொடங்கி, தற்போது எரிபொருள் தட்டுப்பாட்டில் வந்து நிற்கிறது.

பிரித்தானியாவில் வாழும் நடுத்தர வயதுடையோர் மற்றும் முதியவர்களுக்கு வரலாறு நன்றாக தெரியும். ஏற்கனவே இரண்டு முறை, அதாவது, 1973 மற்றும் 2000ஆம் ஆண்டுகளில் பிரித்தானியாவில் ஏற்பட்ட எரிபொருள் தட்டுப்பாடு மற்றும் 1978இல் வாகன ஓட்டிகள் முதலானோர் நடத்திய வேலை நிறுத்தத்தால் ஏற்பட்ட எரிபொருள் விலையுயர்வு, உணவுப்பற்றாக்குறையை ஏற்படுத்தியதோடு, எரிபொருளை ரேஷன் முறையில் வழங்கும் ஒரு நிலையும் உருவானது. ஆகவே, அதே போன்ற ஒரு நிலைமை மீண்டும் உருவாகிவிடுமோ என்ற அச்சம் அவர்களுக்கு ஏற்பட்டுள்ளதை மறுக்க முடியாது.

இந்நிலையில், இதுவரை அகதிகளை வன்கரம் கொண்டு கட்டுப்படுத்தவேண்டும் என கடும் முயற்சிகள் மேற்கொண்ட பிரித்தானியா, இப்போது அவசர அவசரமாக வெளிநாட்டு கனரக வாகன ஓட்டிகளுக்கு தற்காலிக விசாக்கள் வழங்க திட்டமிட்டுள்ளது.

சுமார் 5,000 வெளிநாட்டு ட்ரக் சாரதிகளுக்கு தற்காலிக விசா வழங்கி, அவர்கள் உதவியுடன் இந்த தட்டுப்பாடுகளை தீர்க்க பிரித்தானிய பிரதமர் போரிஸ் ஜான்சன் திட்டமிடுகிறார்.

விடயம் என்னவென்றால், தற்போது பிரித்தானியாவில் சுமார் 100,000 ட்ரக் சாரதிகள் பற்றாக்குறை உள்ளது. போரிஸ் 5,000 அல்ல 10,000 விசாக்கள் வழங்கினாலும், மீதமுள்ள 90,000 வெற்றிடங்களை எப்படி நிரப்ப முடியும்?

ஆக, இராணுவ வீரர்களையும் ட்ரக் சாரதிகளாக களமிறக்கும் ஒரு திட்டமும் உள்ளது.

ஆனாலும், அதற்குள் பிரச்சினைகள் தொடங்கிவிட்டன. நேற்று பள்ளிகளுக்குச் சென்று பிள்ளைகளை அழைத்து வரச் சென்ற பெற்றோரும், முதியோரும், வர்த்தகர்களுமாக பெட்ரோலுக்காக பெட்ரோல் நிலையங்கள் முன் குவிய, சாலைகள் ஸ்தம்பித்துப்போயின.

இன்னொரு பக்கம் மக்கள் பயந்ததுபோலவே, குளிரூட்டப்பட்ட உணவுப்பொருட்கள் வந்து சேராததால் சில பல்பொருள் அங்காடிகளில் உணவுப் பொருள் தட்டுப்பாடு ஏற்படுமோ என்ற அச்சமும் உருவாகியுள்ளது.அடுத்து என்னவாகும் என பொறுத்திருந்துதான் பார்க்கவேண்டும்!

ஈழம் ரஞ்சன்











 

Wednesday, September 22, 2021

ஸ்பெயின் எரிமலை வெடிப்பு தீவிரம்: பலரும் வெளியேற்றம்..!!!

ஸ்பெயின் எரிமலை வெடிப்பு தீவிரம்: பலரும் வெளியேற்றம்..!!!


ஸ்பெயினின் கேனரி தீவுகளில் எரிமலை வெடித்து அதன் குழம்பு அதிகமாக வெளியேறுவதால் அங்கு மீட்புப்பணிகள் தீவிரப்படுத்தப்பட்டுள்ளன.

லா பல்மா தீவிலுள்ள எல் பாசோ வட்டாரத்தில் இருந்தவர்கள் பாதுகாப்பான இடங்களுக்கு அழைத்துச் செல்லப்பட்டுள்ளனர்.

ஐம்பது ஆண்டுகளுக்குப் பின் முதன்முறை இந்த எரிமலை வெடித்துள்ளது. ஆபத்து அதிகமாக இருக்கும் சூழலில், எரிமலைக் குழம்பைக் காணக் காத்திருந்தவர்களை அதிகாரிகள் எச்சரித்தனர்.

எரிமலைக் குழம்பு கடலை நோக்கிச் செல்கிறது அது வழிமாறி வரும் பகுதியில் இருந்து தொடர்ந்து மக்கள் வெளியேற்றப்படுவார்கள் என்றும் அவர்கள் கூறினர்.

80,000 பேர் வசிக்கும் லா பல்மா தீவிலிருந்து இதுவரை சுமார் 6,000 பேர் வெளியேற்றப்பட்டனர்.

இரண்டு நாளுக்கு முன் எரிமலை வெடித்தது. அதற்கு முன்னர், அத்தீவில் பலமுறை நில அதிர்வுகள் உணரப்பட்டன. யாருக்கும் காயம் ஏற்படவில்லை, ஆனால் 103 ஹெக்டர் நிலப்பரப்பும் 300 வீடுகளும் நாசமாயின.

இந்த எரிமலைக் குழம்பு கடலில் விழும்போது இரசாயன மாற்றங்களால் வெடிப்பு மற்றும் நச்சு வாயு வெளியேற்றப்படக் கூடும் என்று அதிகாரிகள் எச்சரித்துள்ளர்.
அவுஸ்திரேலியாவில் சக்திவாய்ந்த நிலநடுக்கம்..!!!

அவுஸ்திரேலியாவில் சக்திவாய்ந்த நிலநடுக்கம்..!!!


மெல்போர்ன் நகரம் உட்பட அவுஸ்திரேலியாவின் தென்கிழக்கு பகுதியில் புதன்கிழமை காலை 6.0 ரிச்டெர் அளவிலான சக்திவாய்ந்த நிலநடுக்கம் பதிவாகியுள்ளது.

நிலநடுக்கம் உள்ளூர் நேரப்படி புதன்கிழமை காலை 09:15 மணியளவில் விக்டோரியா மாநிலத் தலைநகருக்கு சற்று தொலைவில் உள்ள மான்ஸ்ஃபீல்டில் நிகழ்ந்தது.

நிலநடுக்கம் மாநிலத்தின் தலைநகரான மெல்போர்னில் இருந்து 130 கிலோமீற்றர் தொலைவில் நிலநடுக்கத்தின் மையம் அமைந்துள்ளதாக ஐரோப்பிய மத்திய தரைக்கடல் நில அதிர்வு மையம் (EMSC) கூறியுள்ளது.

சமூக ஊடகங்களில் பதிவான காட்சிகள் சில கட்டிடங்களுக்கு சேதம் விளைவித்ததைக் வெளிக்காட்டியது. ஆனால் காயங்கள் மற்றும் உயிரிழப்புகள் குறித்து எந்த தகவலும் உடனடியாக தெரிவிக்கப்படவில்லை.

இந்த நிலநடுக்கம் தெற்கு அவுஸ்திரேலியா மற்றும் நியூ சவுத் வேல்ஸ் ஆகியவற்றிலும் உணரப்பட்டது.

Tuesday, September 21, 2021

கின்னஸ் சாதனை படைத்த உலகின் அதிக வயதான இரட்டை சகோதரிகள்..!!!

கின்னஸ் சாதனை படைத்த உலகின் அதிக வயதான இரட்டை சகோதரிகள்..!!!


உலகில் வாழும் அதிக வயதான இரட்டைச் சகோதரிகளாக ஜப்பானைச் சேர்ந்த உமேனோ சுமியமா மற்றும் கூமே கொடமா ஆகிய இருவரும் கின்னஸ் சாதனைப் புத்தகத்தில் இடம்பிடித்துள்ளனர்.

ஷோடோஷிமா தீவில் 1913-ஆம் ஆண்டு நவம்பர் 5-ஆம் திகதி பிறந்த இவர்கள் இருவரதும் வயது 107 ஆண்டுகள் 300 நாட்களைக் கடந்துள்ளது.

இதற்கு முன்னரும் ஜப்பானைச் சேர்ந்த இரட்டைச் சகோதரிகளான மறைந்த கின் நரிதா மற்றும் ஜின் கனீ ஆகியோர் சாதனை படைத்திருந்தனர். அந்தச் சாதனையை உமேனோ சுமியமா மற்றும் கூமே கொடமா ஆகியோர் முறியடித்துள்ளனர்.

தற்போது கொரோனா அச்சுறுத்தல் காரணமாக இரு சகோதரிகளும் வெவ்வேறு பகுதிகளில் வசித்து வருகின்றனர். அவர்களுக்கு கின்னஸ் சாதனைச் சான்றிதழ் அனுப்பி வைக்கப்பட்டது.

முந்தைய சாதனை படைத்த கின் நரிதா 2000 ஆம் ஆண்டு ஜனவரி மாதம் 107 ஆண்டுகள் மற்றும் 175 நாட்களில் இறந்தார். அடுத்த ஆண்டு ஜின் கனீ 108 வயதில் உயிரிழந்தார். இவர்கள் இருவரும் 1892 ஆம் ஆண்டு ஆகஸ்ட் -01 நாகோயாவில் பிறந்தனர்.

உலகில் சராசரியாக அதிக ஆயுட்காலம் கொண்டவர்களாக ஜப்பானியர்கள் இருப்பது குறிப்பி்டத்தக்கது.

Sunday, September 12, 2021

கடலில் இருந்து மின்சாரம் தயாரிப்பதற்காக உலகின் மிகப்பெரிய பெரிய காற்றாலை..!!!

கடலில் இருந்து மின்சாரம் தயாரிப்பதற்காக உலகின் மிகப்பெரிய பெரிய காற்றாலை..!!!


காற்றாலை தயாரிப்பில் தற்போது சீனா முன்னணிக்கு வந்து இருக்கிறது. அமெரிக்காவின் ஜி.ஈ. நிறுவனம் தயாரித்த “ஹாலியாடே – எக்ஸ்” என்ற இராட்சத காற்றாலையை விட “மைசே” (Myse) என்ற பெரிய காற்றாலையை சீனாவின் “மிங்யாங் ஸ்மார்ட் எனர்ஜி” நிறுவனம் தயாரித்துள்ளது.

ஒரு “மைசே” காற்றாலை 16 ” மெகாவொட்ஸ் “மின்சாரத்தை தயாரித்து 20 ஆயிரம் வீடுகளுக்கு வழங்கும் திறன் கொண்டதாக காணப்படுகிறது.

இது கடலில் மிதந்தபடி கடற்காற்றில் மின்சாரம் தயாரிப்பதற்காகவே உருவாக்கப்பட்டுள்ளது.

இதன் அடிப்பகுதியில் இருந்து 242 மீட்டர் உயரம் எழுந்து நிற்கும் மைசே காற்றாலையின் ஆயுள் காலம் 25 ஆண்டுகள் என தெரிவித்துள்ளனர்.

வரும் 2022ல் ஒரு “மைசே” காற்றாலை வெள்ளோட்டத்திற்கு வரவுள்ளதாகவும் கூறப்படுகிறது. அது வெற்றி கண்டதும், அடுத்தடுத்த ஆண்டுகளில், பிரம்மாண்ட காற்றாலைகளை கடலில் மிதக்கவிடவுள்ளது.

அப்படி மிதக்கும்போது, 118 மீட்டர் நீளமுள்ள மூன்று விசிறிகளும் சுழலும்போது, அவற்றின் பரப்பளவு மட்டும் ஆறு கால்பந்து மைதானங்கள் அளவுக்கு பரந்து இருக்கும் என்று சொல்லப்படுகிறது.

சீன ஆராய்ச்சியாளர்களின் கணக்குப்படி, கடலில் மிதக்கும் காற்றாலைகளின் அளவு பெரியதாக இருக்கும் பட்சத்தில், அவற்றில் மின்சாரத்தை உற்பத்தி செய்வதற்கான செலவு, படிப்படியாக குறையும் என்று தெரியவருகிறது.

இதனால் தான் கடல்பரப்பை அதிகம் கொண்ட இந்தியா போன்ற நாடுகள் கடல் மிதவைக் காற்றாலைத் திட்டங்களில் அதிக கவனம் செலுத்தி வருகின்றன.

Wednesday, September 1, 2021

புதிய வைரஸ் திரிபுக்கு “மூ” என்று பெயரிட்டது உலக சுகாதார ஸ்தாபனம்..!!!

புதிய வைரஸ் திரிபுக்கு “மூ” என்று பெயரிட்டது உலக சுகாதார ஸ்தாபனம்..!!!


கடந்தாண்டு ஜனவரி மாதத்தில் முதற்தடவையாக கொலம்பியாவில் கண்டுபிடிக்கப்பட்ட கொரோனா தொற்றின் புதிய திரிவுக்கு “மூ” என்று பெயரிடப்பட்டுள்ளது.

உலக சுகாதார ஸ்தாபனத்தினால் இந்த பெயர் சூட்டப்பட்டுள்ளது.

வாராந்த ஊடக சந்திப்பில் கலந்துகொண்டு பேசிய அந்த ஸ்தாபனத்தின் அதிகாரிகள், பீ.1.621 என்று இந்த பிறழ்வை அடையாளப்படுத்தியுள்ளமை குறிப்பிடத்தக்கது.

Wednesday, August 18, 2021

ட்விட்டரின் புதிய வடிவமைப்பால் பயனீட்டாளர்களுக்கு தலைவலி..!!!

ட்விட்டரின் புதிய வடிவமைப்பால் பயனீட்டாளர்களுக்கு தலைவலி..!!!


ட்விட்டரின் புதிய வடிவமைப்பால் தலைவலி ஏற்படுவதாகப் பயனீட்டாளர்கள் குறைகூறியதால், அந்நிறுவனம் வடிவத்தில் மாற்றங்களைச் செய்து வருகிறது.

கடந்த வாரம் வெளியிடப்பட்ட புதிய வடிவமைப்பில், அதிக வேறுபாடு கொண்ட வண்ணங்களும் புதிய எழுத்துருவும் பயன்படுத்தப்பட்டிருந்தன.

முதலில் பார்ப்பதற்கு வினோதமாக இருந்தாலும், பயனீட்டாளர் அனுபவத்தை அது மேம்படுத்தும் என்று ட்விட்டர் கூறியிருந்தது.

ஆனால், அது படிப்பதற்குக் கடினமாகவும் குழப்பமாகவும் இருப்பதோடு, மிகவும் வெளிச்சமாக இருப்பதாகவும் பலர் குறைகூறினர்.

அதை அடுத்து, வடிவமைப்பில் ட்விட்டர் மாற்றங்கள் செய்து வருவதாக செய்தி வெளியாகியுள்ளது. கடந்த ஜனவரி மாதம், புதிய எழுத்துரு அறிவிக்கப்பட்டது. அது ட்விட்டர் நிறுவனத்திற்காகப் பிரத்தியேகமாக வடிவமைக்கப்பட்டது. இருப்பினும், பழைய எழுத்துக்கு மாற்றும்படி பலரும் வலியுறுத்தி வருகின்றனர்.

சமூக ஊடக நிறுவனங்கள் அறிமுகம் செய்யும் மாற்றங்களுக்குப் பயனீட்டாளர்களிடமிருந்து எதிர்ப்பு வருவது இது முதல்முறை அல்ல. 2014, 2017 ஆண்டுகளிலும், ட்விட்டரின் வடிவமைப்பு மாற்றங்கள் குறித்துக் குறைகூறல்கள் எழுந்தன.

Monday, August 16, 2021

40 ஆயிரம் சீன நீர்த் தேக்கங்கள் இடிக்கப்படலாம் பயனின்றி அளவுக்கு அதிகமான நீர்த்தேக்கங்கள்..!!!

40 ஆயிரம் சீன நீர்த் தேக்கங்கள் இடிக்கப்படலாம் பயனின்றி அளவுக்கு அதிகமான நீர்த்தேக்கங்கள்..!!!


சீனா தனது மொத்த நீர் மின்சார அணைக்கட்டுகளில் சுமார் 40 ஆயிரம் நீர்த் தேக்கங்களை இடித்து அப்புறப்படுத்த வேண்டியிருக்கும் அல்லது அவற்றை மேம்படுத்த வேண்டியிருக்கும் என்று பொது மற்றும் சூழல் விவகாரத்துக்கான பணிப்பாளர் மாஜுன் தெரிவித்துள்ளார். போதிய திட்டமிடலின்றி இந்நாட்டின் நதிகள் அளவுக்கு அதிகமாக பயன்படுத்தப்பட்டிருப்பதே இதற்குக் காரணம் என்று இவர் சுட்டிக்காட்டியுள்ளார்.

மாவோசே டொங் காலத்தில் சிறிதும் பெரிதுமாக ஏராளமான நீர்த்தேக்கங்கள் சீன நதிகளெங்கும் போதிய திட்டமிடலின்றி அமைக்கப்பட்டன. அதன் பின்னரும் பல நீர்த் தேக்கங்கள் மின்சாரம், குடிநீர், பாசனத்துக்காக அமைக்கப்பட்டன. 2017 ஆம் ஆண்டின் இறுதியில் சீனாவின் நீண்ட நதியான யாங்ட்சின் குறுக்கேயும் அதன் கிளை ஆறுகளிலும் பத்து மாகாணங்களை உள்ளடக்கியதாக 24 ஆயிரம் நீர்த் தேக்கங்கள் அமைக்கப்பட்டன. இவற்றில் 930 நீர்த் தேக்கங்கள் சூழல் மதிப்பீடுகள் மேற்கொள்ளாமல் அமைக்கப்பட்டவையாகும். சீனாவின் நீர் வள அமைச்சின் மதிப்பீட்டின் பிரகாரம் இவற்றில் சில கடும் வௌ்ள வீச்சைத் தாங்க முடியாதவை. 1951 க்கும் 2011 க்கும் இடையே 3,515 நீர்த் தேக்கங்கள் இடிந்துள்ளன. 1975 ஆம் ஆண்டு பெய்த ஆறு மணித்தியால கடும் மழையின்போது ஹெனான் மாகாணத்தின் பென்குயாவோ அணை உட்பட 61 அணைகள் இடிந்து விழுந்தன. இவ்விபத்தில் 2 இலட்சத்து 40 ஆயிரம் பொதுமக்கள் சிக்கி உயிரிழந்தனர்.

சுற்றுச்சூழலியலாளர்கள் அளவுக்கு அதிகமான நீர்த் தேக்கங்கள் அமைக்கப்பட்டதால் சூழல் மாசு ஏற்பட்டிருப்பதாகவும் விலங்கு, பறவை, மீன்களின் இயல்பு வாழ்க்கை பாதிக்கப்பட்டிருப்பதாகவும் வரட்சி காரணமாக பல அணைகள் நீர் நிரம்பாத அணைகளாகக் காணப்படுவதாகவும் தெரிவிக்கின்றனர். வௌ்ளத் தடுப்பின் பொருட்டு 1980 களில் வெயிஸிஷுயி கிராமத்தில் அமைக்கப்பட்ட 68 மீற்றர் உயர நீர்த்தேக்கம் இன்றுவரை வௌ்ளமே வராத நிலையில் பயனற்று காணப்படுவதாகவும் இவர்கள் சுட்டிக்காட்டுகின்றனர்.

Saturday, August 14, 2021

சீனாவை உலுக்கிய சக்தி வாய்ந்த நிலநடுக்கம்..!!!

சீனாவை உலுக்கிய சக்தி வாய்ந்த நிலநடுக்கம்..!!!


சீனாவின் கிங்ஹாய் மாகாணத்தில் நேற்று (வெள்ளிக்கிழமை) சக்தி வாய்ந்த நிலநடுக்கம் ஏற்பட்டதாக புவியியல் ஆய்வு மையம் தெரிவித்திருக்கிறார்கள்.

ரிக்டர் அளவுகோலில் 5.8 ஆகப் பதிவான நிலநடுக்கமானது வடமேற்கு பகுதியில் 8 கி.மீ ஆழத்தில் உணரப்பட்டிருக்கிறது.

நிலநடுக்கத்தால் ஏற்பட்ட பாதிப்புகள் குறித்த தகவல்கள் எதுவும் வெளியாகவில்லை.

Saturday, July 31, 2021

சீனாவில் மீண்டும் கொவிட் பரவ ஆரம்பம்..!!!

சீனாவில் மீண்டும் கொவிட் பரவ ஆரம்பம்..!!!


சீனாவில் மீண்டும் கொவிட் வைரஸ் பரவ ஆரம்பித்துள்ளதாக அந்த நாட்டு ஊடகத் தகவல்கள் தெரிவிக்கின்றன.

சீனாவின் நெஞ்ஜிங் நகரில் அடையாளம் காணப்பட்ட டெல்டா கொத்து, தற்போது அந்த நாட்டின் ஐந்து மாகாணங்களுக்கு பரவியுள்ளதாக தெரிவிக்கப்படுகின்றது.

தொடர்ச்சியாக கொவிட் தொற்றாளர்கள் அடையாளம் காணப்பட்டு வருகின்றதை அடுத்து, நெஞ்ஜிங் விமான நிலையத்தை எதிர்வரும் ஆகஸ்ட் மாதம் 11ம் திகதி வரை மூட தீர்மானிக்கப்பட்டுள்ளது.

நெஞ்ஜிங் விமான நிலையத்தில் கடந்த 20ம் திகதி கொவிட் தொற்றாளர் ஒருவர் அடையாளம் காணப்பட்டிருந்தார்.

இதையடுத்து, நடத்தப்பட்ட பரிசோதனைகளில், சீனாவின் பல பகுதிகளில் புதிதாக தொற்றாளர்கள் அடையாளம் காணப்பட்டுள்ளனர்.

டெல்டா வீரியம் கொண்ட வைரஸ் பரவ ஆரம்பித்துள்ளதை அடுத்து, உரிய சுகாதார நடைமுறைகளை பின்பற்றுமாறு அந்த நாட்டு சுகாதார அதிகாரிகள், மக்களுக்கு அறிவுறுத்தல் வழங்கியுள்ளனர்.

Tuesday, July 20, 2021

பாகிஸ்தானில் இடம்பெற்ற வாகன விபத்தில் 29 பேர் பலி- 40 பேர் படுகாயம்..!!!

பாகிஸ்தானில் இடம்பெற்ற வாகன விபத்தில் 29 பேர் பலி- 40 பேர் படுகாயம்..!!!


பயணிகள் பஸ் ஒன்றும் லொறியும் நேருக்கு நேர் மோதிக் கொண்டதில் சம்பவ இடத்திலேயே 29 பேர் உயிரிழந்தனர். மேலும் படுகாயம் அடைந்த 40 பேர் மருத்துவமனையில் அனுமதிக்கப்பட்டனர்.

சிந்து நெடுஞ்சாலையில் சயில்கோட்டிலிருந்து ரஜன்பூர் நோக்கிச் சென்று கொண்டிருந்த பயணிகள் பஸ் காஸி கான் பகுதியில் எதிர்பாராத விதமாக லொறி ஒன்றின் மீது மோதி விபத்திற்குள்ளானது.

கட்டுப்பாட்டை இழந்த பேருந்தில் 70க்கும் மேற்பட்ட பயணிகள் இருந்ததாகத் தெரிகிறது .இதில் சம்பவ இடத்திலேயே 29 பேர் பலியானார்கள் என்றும் 44 பேர் படுகாயத்துடன் காஸி கான் மருத்துவமனையில் அனுமதிக்கப்பட்டிருப்பதாகவும் காவல் கண்காணிப்பாளர் இர்ஷாத் அஹமது தெரிவித்திருக்கிறார்.

மேலும் மருத்துவமனைக்கு கொண்டு செல்லப்பட்ட 40 பேர்களில் 4 பேர் மிக மோசமான நிலையில் இருப்பதாக மருத்துவமனை நிர்வாகம் கூறியிருக்கிறது.

இச்சம்பவம் குறித்து பாகிஸ்தானின் உள்துறை அமைச்சர் ஷேக் ரஷீத் தன்னுடைய இரங்கல் செய்தியைப் பகிர்ந்ததோடு ” வரவிருக்கும் ஈதுல் -ஆஷா பண்டிகையைக் கொண்டாட வீடு திரும்பிக்கொண்டிருத்தவர்களுக்கு ஏற்பட்ட சோகம் பேரழிவிற்கு நிகரானது. கடவுள் இறந்தவர்களுக்கு சொர்க்கத்தில் உயர்ந்த இடத்தையும், உறவுகளை இழந்த குடும்பத்தார்களுக்கு மன தைரியத்தையும் கொடுக்கட்டும் ” எனத் தெரிவித்திருக்கிறார்.

Tuesday, July 13, 2021

இருவேறு தடுப்பூசிகளை கலந்து பயன்படுத்துவதால் ஆபத்து - உலக சுகாதார நிறுவனம் எச்சரிக்கை..!!!

இருவேறு தடுப்பூசிகளை கலந்து பயன்படுத்துவதால் ஆபத்து - உலக சுகாதார நிறுவனம் எச்சரிக்கை..!!!


டெல்டா வகை வைரஸ் திரிபு பாதிப்பு காரணமாக தடுப்பூசி பற்றாக்குறையை நிவர்த்தி செய்வதற்காக இருவேறு தடுப்பூசிகளை கலந்து பயன்படுத்தும் நிலை பல நாடுகளில் ஏற்பட்டுள்ளது.

இவ்வாறு இருவேறு தடுப்பூசிகளை ஒருவருக்கு கலந்து பயன்படுத்துவதால் ஆபத்து ஏற்படலாம் என உலக சுகாதார அமைப்பு எச்சரிக்கை விடுத்துள்ளது.

இது தொடர்பில் உலக சுகாதார அமைப்பின் தலைமை விஞ்ஞானி சௌமியா சுவாமிநாதன் தெரிவிக்கையில்,
கொரோனாவை கட்டுப்படுத்துவதற்காக இருவேறு 2 தடுப்பூசிகளை செலுத்திக் கொள்வது சரியான நடவடிக்கை அல்ல. இது குறித்து உலக சுகாதார அமைப்பு இன்னும் எவ்வித முடிவும் எடுக்கவில்லை.

தற்போது காணப்படும் குழப்பமான நிலையில் 2 வெவ்வேறு நிறுவனங்களின் தடுப்பூசிகளை செலுத்திக் கொள்வதை பரிந்துரை செய்வது ஆபத்தை ஏற்படுத்தும்.

உரிய தரவுகளுடன் ஆய்வுகள் மேற்கொண்ட பின்னரே வெவ்வேறு 2 தடுப்பூசிகளை பயன்படுத்துவது தொடர்பில் சிந்திக்க வேண்டும் என்றார்.

Saturday, July 10, 2021

28 பேருடன் பயணித்த விமானம் திடீர் மாயம்..!!!

28 பேருடன் பயணித்த விமானம் திடீர் மாயம்..!!!



ரஷ்யாவின் தூர கிழக்கு பிராந்தியமான கம்சட்காவில் இன்று 28 பேருடன் பயணித்த விமானமொன்று காணாமல் போயுள்ளதாக அதிகாரிகள் தெரிவித்துள்ளனர்.

பெட்ரோபாவ்லோவ்ஸ்க் – கம்சாட்ச்கி நகரத்திலிருந்து பழனா செல்லும் வழியில் ரஷ்ய AN -26 என்ற விமானத்தினூடனான தகவல் தொடர்புகள் துண்டிக்கப்பட்டுள்ளதாக தெரிவிக்கப்படுகிறது.

“AN -26 விமானத்தில் ஆறு பணியாளர்கள் ஒரு குழந்தை உட்பட 22 பயணிகள் உள்ளனர்.

ரஷ்ய அவசர அமைச்சகத்தின் ஹெலிகொப்டர் மற்றும் படையினர் தேடுதல் மற்றும் மீட்பு நடவடிக்கைக்கு தயாராகி வருகின்றன” என்று அவசர சேவைகளின் பிரதிநிதி ஒருவர் தெரிவித்தார்.

விமானம் தரையிறங்க முயன்றபோது விமானப் போக்குவரத்துக் கட்டுப்பாட்டுடன் தொடர்பை இழந்துள்ளதாகவும் தெரிவிக்கப்படுகின்றது.

Wednesday, July 7, 2021

மெக்ஸிக்கோவில் வயலில் திடீரென தோன்றிய பள்ளம்..!!!

மெக்ஸிக்கோவில் வயலில் திடீரென தோன்றிய பள்ளம்..!!!


மெக்ஸிக்கோவின் பியூப்லா மாகாணத்தில் உள்ள Santa Maria Zacatepec என்ற இடத்தில் உள்ள வயலில் திடீரென மிகப்பெரிய பள்ளம் (Sinkhole) தோன்றியுள்ளது.

விண்கலம் தரையில் வீழ்ந்தால் ஏற்படக்கூடிய அளவில் பள்ளம் பெரிதாக தென்படுகிறது.

திடீரென வயல் நிலத்தில் சுமார் 328 அடி அகலமும் 65 அடி ஆழமும் கொண்ட பள்ளம் உருவானதால், அப்பகுதி மக்கள் அதிர்ச்சி அடைந்துள்ளனர்.

எந்த நேரத்திலும் பள்ளம் பெரிதாகலாம் என்ற அச்சமும் மக்கள் மத்தியில் ஏற்பட்டுள்ளது.

திடீரென நிலம் உள்வாங்கியதால், பூகம்பம் ஏற்படப்போகிறது என்று பயந்த மக்கள் அந்தப் பகுதியை விட்டு ஓட்டம் பிடித்துள்ளனர்.

பள்ளம் ஏற்படுவதற்கு முன்னதாக இடி இடித்ததைப் போன்று சத்தம் கேட்டதாக மக்கள் குறிப்பிட்டுள்ளனர்.

பள்ளத்தில் நீர் நிரம்பி மிகப்பெரிய கிணறு போல் காட்சியளிக்கிறது.

குறித்த இடத்தில் பூமிக்குள் பாறைகள் குறைவாகக் காணப்பட்டாலும் திடீரென நீரோட்டம் ஏற்பட்டாலும் இவ்வாறு திடீரென நிலம் கீழிறங்கி பள்ளம் தோன்றும் என புவியியல் ஆய்வாளர்கள் தெரிவித்துள்ளனர்.

Sinkhole என்று அழைக்கப்படும் இத்தகைய பள்ளமானது பூமியின் மேற்பாறைகளை நீரோட்டம் கரைப்பதால் ஏற்படுகிறது எனவும் அவர்கள் கூறியுள்ளனர்.


Sunday, July 4, 2021

பிலிப்பைன்ஸில் இராணுவ விமானம் விபத்து..!!!

பிலிப்பைன்ஸில் இராணுவ விமானம் விபத்து..!!!


பிலிப்பைன்ஸில் 85 பேருடன் இராணுவ விமானம் விபத்துக்குள்ளானது.

பிலிப்பைன்ஸ் தென்மாகாணத்தில் விமானம் தரையிறங்க முற்பட்டபோது இந்த விபத்து நடந்துள்ளது. சம்பவ இடத்திற்கு விரைந்த அதிகாரிகள் மீட்பு பணிகளை தொடங்கியுள்ளனர்.
0000000
இதுவரை படுகாயங்களுக்குள்ளான 40 பேர் உயிருடன் மீட்கப்பட்டு வைத்தியசாலையில் சேர்க்கப்பட்டனர்.அவர்களில் பலரின் நிலைமை கவலைக்கிடமாக இருப்பதாக சொல்லப்பட்டது.


 

Friday, July 2, 2021

4 டொலருக்கு வாங்கப்பட்ட ஓவியம் ஏலத்தில் 90,000 டொலருக்கு விற்பனை..!!!

4 டொலருக்கு வாங்கப்பட்ட ஓவியம் ஏலத்தில் 90,000 டொலருக்கு விற்பனை..!!!


4 டொலருக்கு வாங்கப்பட்ட ஓவியம் 90,000 டொலருக்கு ஏலம் விடப்பட்டது

பிரபல பிரிட்டிஷ் பாப் பாடகர், டேவிட் போவி வரைந்த அந்த ஓவியம், கனடாவில் நடத்தப்பட்ட ஏலத்தில் விற்கப்பட்டது.

ஓவியக் கலையில் தேர்ச்சி பெற்ற டேவிட் போவி, நூற்றுக்கணக்கான ஓவியங்களைச் சேகரித்து வைத்திருந்தார். அவற்றுள் சில ஏலத்தில் விற்கப்பட்டதும் உண்டு. இருப்பினும், அவரே வரைந்த ஓவியங்கள் விற்கப்படுவது மிகவும் அரிது என்று கூறப்பட்டுள்ளது.

1995 இலிருந்து 1997க்கு இடைப்பட்ட காலத்தில் டேவிட் போவி, அந்த ஓவியத்தை வரைந்ததாகத் தெரிகிறது.

2001 இல் இணையம்வழி அந்த ஓவியம் விற்கப்பட்டது. பிறகு, நன்கொடையாகப் பெறப்படும் பொருள்கள் விற்பனை செய்யப்படும் கடைக்கு அது எப்படியோ சென்று சேர்ந்தது. அங்கு அதை ஒருவர் 4 டொலருக்கு வாங்கினார்.! டேவிட் போவியின் கையொப்பம் உள்ள அந்த ஓவியம் உண்மையானது என்று பின்னர் தெரியவந்தது. அது 7,000 இலிருந்து10,000 டொலர் வரை ஏலம் போகலாம் என்று எதிர்பார்க்கப்பட்டது.

ஆனால், அதை விட 9 மடங்கு அதிகமாக ஏலம் போயிருக்கிறது அந்த ஓவியம்.
அதி வெப்பநிலையால் கனடாவில் நகரமொன்று அழிந்தது..!!!(VIDEO)

அதி வெப்பநிலையால் கனடாவில் நகரமொன்று அழிந்தது..!!!(VIDEO)


கனடாவின் லிட்டன் கிராமம் காட்டுத்தீயால் பேரழிவிற்கு உள்ளாகியுள்ளது.

15 நிமிடங்களுக்குள் முழு கிராமமும் தீப்பிடித்ததாக லிட்டன் மேயர் ஜான் போல்டர்மேன்   ஊடகம் ஒன்றிற்கு தெரிவித்துள்ளார் .

தீ விபத்து ஏற்பட்ட உடனேயே மக்கள் அங்கிருந்து வெளியேற்றப்பட்டுள்ளனர் என அவர் மேலும் தெரிவித்துள்ளார்

நகரில் வெப்பநிலை 49 டிகிரி செல்சியஸாக பதிவு செய்யப்பட்டது குறிப்பிடத்தக்கது .

பல தசாப்தங்களுக்கு பிறகு கனடாவில் அதிவெப்பநிலை பதிவு செய்யப்பட்டுள்ளது எனவும் தெரிவித்துள்ளார் .

மேலும் , கடுமையான வெப்பத்தால் கனடாவில் ஐந்து நாட்களில் 486 பேர் இறந்துள்ளனர்.

இறந்தவர்களில் பெரும்பாலானோர் வயதானவர்கள் எனவும் தெரிவித்துள்ளார்.



Wednesday, June 30, 2021

அதிகரிக்கும் டெல்டா வகை கொரோனா; வீட்டில் முடங்கிய அவுஸ்திரேலிய மக்கள்..!!!

அதிகரிக்கும் டெல்டா வகை கொரோனா; வீட்டில் முடங்கிய அவுஸ்திரேலிய மக்கள்..!!!


அவுஸ்திரேலியாவின் நியு சவுத் வேல்ஸ் நகரில் டெல்டா பிளஸ் கொரோனாவால் அதிகம் பேர் பாதிப்பு அடைந்துள்ளனர்.

சீனாவில் கண்டறியப்பட்ட கொரோனா வைரசின் தாக்கம் உலக நாடுகளை அச்சுறுத்தி வருகிறது. கொரோனா வைரஸ் உருமாறி டெல்டா பிளஸ் கொரோனாவாக பரவி கடுமையான தாக்கத்தை ஏற்படுத்தி வருகிறது.

இந்நிலையில், மின்னல் வேகத்தில் பரவி வரும் டெல்டா பிளஸ் கொரோனாவுக்கு அவுஸ்திரேலியாவும் தப்பவில்லை.

டெல்டா பிளஸ் கொரோனா வேகமாக பரவி வருவதையடுத்து அவுஸ்திரேலியாவின் 4 நகரங்களில் ஊரடங்கு அமுல்படுத்தப்பட்டுள்ளது.

மேற்கு அவுஸ்திரேலியாவின் தலைநகரான பெர்த் நகரில் செவ்வாய்க்கிழமை இரவு முதல் 4 நாட்களுக்கு ஊரடங்கு அமல்படுத்தப்படுகிறது. குயின்ஸ்லாந்து தலைநகர் பிரிஸ்பேன் நகரில் செவ்வாய்க்கிழமை மாலை முதல் அடுத்த 3 நாட்களுக்கு ஊரடங்கு அமுலில் இருக்கும் என அறிவிக்கப்பட்டு உள்ளது.

ஏற்கனவே, சிட்னியில் ஜூலை 9-ம் திகதி வரையிலும், டார்வின் நகரில் வரும் வெள்ளிக்கிழமை வரையிலும் முழு ஊரடங்கு அமல்படுத்தப்பட்டு உள்ளது. மேலும், நியு சவுத் வேல்ஸ் உள்ளிட்ட நகரங்களிலும் ஊரடங்கு அமுலில் உள்ளது.

அவுஸ்திரேலியா முழுவதும் 257 பேர் டெல்டா பிளஸ் கொரோனாவுக்கு சிகிச்சை பெற்று வருகின்றனர். நியு சவுத் வேல்சில் அதிகம் பேர் சிகிச்சை பெற்று வருகின்றனர். மக்கள் மருத்துவம் உள்ளிட்ட அவசர காரணங்கள் இன்றி வீட்டை விட்டு வெளியே வரவேண்டாம் என பல்வேறு நகரங்கள் அறிவித்துள்ளன.

அவுஸ்திரேலியாவில் அஸ்ட்ரா செனகா தடுப்பூசி போடப்பட்டு வருகிறது. மொத்த மக்கள் தொகையில்5 சதவீதம் பேருக்கு மட்டுமே தடுப்பூசி போடப்பட்டுள்ளது. தடுப்பூசி போடாததால் டெல்டா வகை கொரோனா அதிகமாக பரவுகிறது எனவும் அந்நாட்டு சுகாதாரத் துறை தெரிவித்துள்ளது.

Sunday, June 27, 2021

உலகின் கவனத்தை ஈர்த்துள்ள ஆஸ்திரேலிய மயிர்கொட்டி..!!!

உலகின் கவனத்தை ஈர்த்துள்ள ஆஸ்திரேலிய மயிர்கொட்டி..!!!


இன்னமும் மனித அறிவுக்கு எட்டாத பல இயற்கையின் அதிசயங்கள் உலகெங்கும் கொட்டிக்கிடக்கின்றன. மனிதனின் கண்டுபிடிப்புக்கள், எத்தனையோ உயிரினங்கள் பற்றிய புதிய தகவல்களை – பயன்களை – இயல்புகளை வெளிக்கொண்டுவந்திருந்தாலும் இன்னமும் வெளிவராத அதிசயங்கள் ஆராய்ச்சி நிலையிலேயே உள்ளன.

அந்தவகையில், ஆஸ்திரேலியாவின் குவீன்ஸ்லாந்து காடுகளிலுள்ள கொடிய மயிர்கொட்டி குடும்பத்திடமிருந்து பெற்றுக்கொள்ளக்கூடிய நஞ்சு, பல மருத்துவ தயாரிப்புக்களுக்கு பயன்படக்கூடியது என்று விஞ்ஞானிகள் கண்டுபிடித்துள்ளனர்.

சுமார் 59 வகையான வித்தியாசமான குடும்பங்களை கொண்ட இந்த மயிர்கொட்டிகளிடமிருந்து 150 வகையான நஞ்சுகளை பெற்றுக்கொள்ளக்கூடிய சாத்தியங்கள் இருப்பதாக விஞ்ஞானிகள் தெரிவித்துள்ளனர்.

இந்த நஞ்சுத்திரவத்தினை மூலப்பொருளாகக்கொண்டு பக்டீரியா அழிப்பதற்கான மருந்துகளை தயாரிக்கலாம், கொடிய கிருமி நாசினிகளை தயாரிக்கலாம், இன்னும் பல தேவைகளுக்கு உபயோகப்படுத்தலாம் என்று விஞ்ஞானிகள் குறிப்பிட்டுள்ளனர்.

Saturday, June 26, 2021

43 தடவைகள் கொவிட் பொஸிட்டிவ்! தப்பிவந்த தாத்தாவின் ஆச்சரிய கதை..!!!

43 தடவைகள் கொவிட் பொஸிட்டிவ்! தப்பிவந்த தாத்தாவின் ஆச்சரிய கதை..!!!


சுமார் பத்து மாதங்களாக 43 தடவைகள் கொவிட் சோதனை செய்தபோதும் பொஸிட்டிவ் என்று விடைகொடுத்த முதியவரின் உடல், ஒருநாள் திடீரென்று கோவிட் நெகட்டிவ் என்று அறிவிக்க, துள்ளிக்குதித்துக்கொண்டு மருத்துவர்களுக்கு நன்றி சொல்லிவிட்டு வைத்தியசாலையால் விடைபெற்றிருக்கிறார்.

இந்தசம்பவம் பிரித்தானியா பிறிஸ்டலில் இடம்பெற்றுள்ளது. கோவிட்டோடு சமராடி உயிர்பிழைத்து வந்தவர் ஊடகங்களுக்கு வழங்கிய பேட்டியில், தனக்கு இப்போது வழங்கப்பட்டிருப்பது இரண்டாவது வாழ்க்கை என்று பெருமூச்சு விட்டிருக்கிறார்.

இவருக்கு சிகிச்சையளித்த மருத்துவர்கள் டேவ் எனப்படும் இந்த அதிஷ்டசாலி உலக சாதனையாளர் என்கிறார்கள். கோவிட் கிருமி அதிக காலம் உயிர்வாழ்ந்த மனித உடல் இவருடையது என்கிறார்கள் மருத்துவர்கள். கடந்த மார்ச் மாதம் வைத்தியசாலையில் சேர்க்கப்பட்ட இந்த முதியவரின் உடலில், சுமார் முன்னூறு நாட்கள் கோவிட், குடும்பம் நடத்தியிருந்தது என்பது குறிப்பிடத்தக்கது.

இந்த முன்னூறு நாட்கள் பற்றி டேவ் கூறும்போது – “அது ஒரு மரண அவஸ்தை. சிலவேளைகளில் காலை ஐந்து மணி முதல் பத்துமணிவரை தொடர்ச்சியாக இருமிக்கொண்டேயிருந்திருக்கிறேன்” – என்கிறார். ஒரு கட்டத்தில் தான் சாவதற்கு தயாராகிவிட்டதாகவும், மனைவியிடம் விடைபெற்றுவிட்டு ஒவ்வொரு நாளும் சாவை எதிர்பார்த்திருந்ததாகவும் ஆனால், சாவுக்கு மட்டுமல்ல கொரோனாவுக்கும் கடைசியில் என்னை பிடிக்கவில்லை என்று சொல்லி சிரித்துக்கொண்டார்.