Wednesday, October 13, 2021

இலங்கையை வந்தடைந்த 30,000 மெட்ரிக் தொன் உரம்..!!!

இலங்கையை வந்தடைந்த 30,000 மெட்ரிக் தொன் உரம்..!!!




அரசுக்கு சொந்தமான உர நிறுவனத்தினால் இறக்குமதி செய்யப்பட்ட பொட்டாசியம் க்ளோரைட் அடங்கிய ஒருதொகை சேதன பசளை இன்று (13) நாட்டுக்கு கொண்டுவரப்பட்டுள்ளது.

30, 000 மெட்ரிக் தொன் பொட்டாசியம் க்ளோரைட் அடங்கிய சேதன பசளை கொழும்பு துறைமுகத்துக்கு கொண்டுவரப்பட்டுள்ளதாக கமத்தொழில் அமைச்சர் மஹிந்தானந்த அலுத்கமகே தெரிவித்துள்ளாா்.

இந்த சேதன பசளைத் தொகையைஅம்பாறை, மட்டக்களப்பு, அநுராதபுரம், பொலன்னறுவை, குருநாகல், புத்தளம், திருகோணமலை மற்றும் ஹம்பாந்தோட்டை ஆகிய பிரதேசங்களிலுள்ள விவசாயிகள் மேம்பாட்டு மையங்களுக்கு உடனடியாக அனுப்பி வைக்க நடவடிக்கை எடுக்கப்பட்டுள்ளதாகவும் அவர் குறிப்பிடப்பட்டுள்ளது.

இயற்கை பசளை பயன்பாட்டை ஊக்குவிக்கும் நோக்கில் சில மாதங்களுக்கு முன்னர் இரசாயன பசளை பயன்பாட்டை அரசாங்கம் தடைசெய்திருந்தது.

அதனையடுத்து நாட்டில் ஏற்பட்ட உரப்பற்றாக்குறைக்கு எதிர்ப்பு தெரிவித்து கடந்த சில மாதங்களாக நாடுபூராகவுமுள்ள விவசாயிகள் போராட்டத்தை முன்னெடுத்திருந்தமை குறிப்பிடத்தக்கது. இதனால் விவசாய உற்பத்திகளின் விலை அதிகரித்து, உற்பத்தியின் திறனும் குறைவடைந்திருந்தமை குறிப்பிடத்தக்கது.
30 வயதுக்கு உட்பட்ட எவரும் கொரோனாவால் உயிரிழக்கவில்லை..!!!

30 வயதுக்கு உட்பட்ட எவரும் கொரோனாவால் உயிரிழக்கவில்லை..!!!




நாட்டில் கொவிட் தொற்றுக்கு உள்ளாகி மேலும் 31 பேர் உயிரிழந்துள்ளதாக சுகாதார சேவைகள் பணிப்பாளர் நாயகம் சற்றுமுன்னர் உறுதிப்படுத்தியுள்ளார்.

குறித்த அனைவரும் நேற்றைய தினம் (12) உயிரிழந்தவர்கள் என அவர் குறிப்பிட்டுள்ளார்.

அதன்படி, நாட்டில் கொவிட் தொற்றுக்கு உள்ளாகி உயிரிழந்தோரின் எண்ணிக்கை 13,408 ஆக அதிகரித்துள்ளது.

இதன்படி, ஒக்டோபர் 12 உயிரிழந்தவர்களில் 30 வயதுக்கு உட்பட்ட எவரும் உயிரிழக்கவில்லை.

மேலும், 30 முதல் 59 வயதுக்கு இடைப்பட்ட 4 ஆண்களும் 4 பெண்களும், 60 வயதுக்கு மேற்பட்ட 16 ஆண்களும் 07 பெண்களும் உயிரிழந்துள்ளதாக தெரிவிக்கப்படுகின்றது.

இதற்கு அமைய 60 வயதுக்கு மேற்பட்ட 23 பேர் ஒக்டோபர் 12 ஆம் திகதி உயிரிழந்துள்ளார்கள் எனவும் தெரிவிக்கப்படுகின்றது.
கட்டுப்பாட்டு விலையை மீறி சீனியை விற்பனை செய்வதாக முறைப்பாடு..!!!

கட்டுப்பாட்டு விலையை மீறி சீனியை விற்பனை செய்வதாக முறைப்பாடு..!!!




கட்டுப்பாட்டு விலையை மீறி சில வியாபாரிகள் சீனியை விற்பனை செய்வதாக முறைப்பாடுகள் கிடைக்கப் பெற்றுள்ளதாக நுகர்வோர் அதிகார சபை தெரிவித்துள்ளது.

வெள்ளை சீனிக்கு 125 ரூபாவாகவும் சிவப்பு சீனிக்கு 128 ரூபாவாகவும் அண்மையில் நுகர்வோர் அதிகார சபை சில்லறை விலையை நிர்ணயித்திருந்தது.

எவ்வாறாயினும் குறித்த விலையை விட அதிக விலைக்கு சீனியை விற்பனை செய்வதாக முறைப்பாடு கிடைத்துள்ளதாக அவர்கள் தெரிவித்துள்ளனர்.
இலஞ்சம் பெற்ற வனப் பாதுகாப்பு உத்தியோகத்தர் கைது..!!!

இலஞ்சம் பெற்ற வனப் பாதுகாப்பு உத்தியோகத்தர் கைது..!!!




அனுமதிப்பத்திரம் இல்லாமல் கொண்டு செல்லப்பட்ட ஒருதொகை மரக்கட்டைகளை விடுவிப்பதற்காக 20 ஆயிரம் ரூபாவை லஞ்சமாகப் பெற்ற வனப் பாதுகாப்பு உத்தியோகத்தர் ஒருவர் நேற்று (12) ஆண்டிக, புத்திகம பகுதியில் வைத்து இலஞ்ச ஊழல் ஒழிப்புத்துறை அதிகாரிகளால் கைது செய்யப்பட்டுள்ளார்.

புத்தளம் மாவட்ட வன அலுவலகத்தின் மஹாகும்புக்கடவல வன பாதுகாப்பு உத்தியோகத்தர் ஒருவரே இவ்வாறு கைது செய்யப்பட்டுள்ளார் எனத் தெரிவிக்கப்படுகிறது.

கடந்த சில நாட்களுக்கு முன்னர், ஆண்டிகம பகுதியில் அனுமதிப்பத்திரம் பெறாமல் நடத்தப்பட்டு வரும் மரக் கொட்டகை ஒன்றுக்கு அனுமதிப்பத்திரம் பெறாமல் லொறி ஒன்றில் இவ்வாறு மரக்கட்டைகளை எடுத்துச் சென்றபோது சந்தேக நபர் கைது செய்யப்பட்டுள்ளார்.

பின்னர், மரக் கட்டைகளை கொண்டு சென்ற குறித்த லொறியின் அனுமதிப் பத்திரத்தை பெற்றுக்கொண்ட வனப் பாதுகாப்பு உத்தியோகத்தர், லொறியையும், அனுமதிப்பத்திரம் பெறாமல் கொண்டு சென்றதாக கூறப்படும் மரக்கட்டைகளையும் விடுவித்துள்ளார் என்று கூறப்படுகிறது.

இதனையடுத்து, இந்த வழக்கு விசாரணையில் இருந்து சந்தேக நபரை விடுவிப்பதற்காக 20 ஆயிரம் ரூபாவை வன பாதுகபாப்பு உத்தியோகத்தர் இலஞ்சமாக கோரியதாகவும், அதனை சந்சேக நபர் ஆண்டிக, புத்திகம பகுதியில் வைத்து வழங்கிய பின்னர் இலஞ்ச ஊழல் ஒழிப்புத்துறை அதிகாரிகளால் கைது செய்யப்பட்டுள்ளார்
டி20 உலகக் கோப்பை போட்டியில் இந்திய அணி வீரர் மாற்றம்..!!!

டி20 உலகக் கோப்பை போட்டியில் இந்திய அணி வீரர் மாற்றம்..!!!


டி20 உலகக் கோப்பைக்கான இந்திய அணியில் அக்ஷர் படேலுக்குப் பதில் ஷர்துல் தாக்குர் சேர்க்கப்பட்டுள்ளார்.

டி20 உலகக் கோப்பைக்கு விராட் கோலி தலைமையிலான இந்திய அணி கடந்த மாதம் அறிவிக்கப்பட்டது. இதில் மாற்றம் செய்ய இந்திய அணிக்கு அக்டோபர் 15 வரை அவகாசம் உள்ளது.

இந்த நிலையில் பிரதான அணியில் இருந்த ஆல்-ரௌண்டர் அக்ஷர் படேல் தயார் நிலை வீரர்கள் பட்டியலுக்கு மாற்றப்பட்டுள்ளார். அவருக்குப் பதில் தயார் நிலை பட்டியலில் இருந்த ஷர்துல் தாக்குர் பிரதான அணியில் சேர்க்கப்பட்டுள்ளார்.
விபத்தில் ஒருவர் பலி - சாரதி கைது..!!!

விபத்தில் ஒருவர் பலி - சாரதி கைது..!!!




புத்தளம் - சிலாபம் பிரதான வீதியின் செங்கல்ஓயா பாலத்திற்கு அருகில் நேற்று (12) இடம்பெற்ற வீதி விபத்துச் சம்பவத்தில் ஒருவர் உயிரிழந்துள்ளார்.

வீரகெலேவத்தை பகுதியைச் சேர்ந்த 43 வயதுடைய ஒருவரே இவ்வாறு உயிரிழந்துள்ளதாக பொலிஸார் தெரிவித்தனர்.

விபத்துச் சம்பவம் இடம்பெற்ற வேளை, சிலாபத்திலிருந்து புத்தளம் பகுதியை நோக்கிச் சென்ற பஸ் ஒன்று, எதிர் திசையில் பயணித்த மோட்டார் சைக்கிளுடன் மோதியதில் இவ்விபத்துச் சம்பவம் இடம்பெற்றுள்ளது.

இதன்போது படுகாயமடைந்த மோட்டார் சைக்கிளில் பயணித்த நபரை அங்கிருந்தவர்கள் சிலாபம் பொது வைத்தியசாலையில் அனுமதித்த போதிலும், அவர் அங்கு சிகிச்சை பலனின்றி உயிரிழந்துள்ளதாக பொலிஸார் குறிப்பிட்டனர்.

விபத்துடன் தொடர்புடைய பஸ் சாரதி பொலிஸாரால் கைது செய்யப்பட்டுள்ளார். ஆராச்சிக்கட்டுவ பொலிஸார் விபத்து தொடர்பில் மேலதிக விசாரணைகளை முன்னெடுத்து வருகின்றனர்.
பாடசாலைகள் ஆரம்பமாக முதல் ஏற்படவுள்ள மாற்றம்..!!!

பாடசாலைகள் ஆரம்பமாக முதல் ஏற்படவுள்ள மாற்றம்..!!!


எதிர்வரும் 21 ஆம் திகதி 200 இற்கும் குறைவான பாடசாலைகளின் கல்விச் செயற்பாடுகளை மீளவும் ஆரம்பிக்கவுள்ளதாக கல்வியமைச்சு தெரிவித்த நிலையில்

பாடசாலைகள் ஆரம்பிக்கப்படுமாயின் தற்போது வெளியிடப்பட்டுள்ள சில சுகாதார வழிகாட்டல்களில் மாற்றம் மேற்கொள்ளப்பட வேண்டி ஏற்படும் என பிரதி சுகாதார சேவைகள் பணிப்பாளர் ஹேமந்த ஹேரத் தெரிவித்துள்ளார்.

கொழும்பில் இன்று இடம்பெற்ற ஊடக சந்திப்பில் அவர் இதனைத் தெரிவித்துள்ளார்.

பாடசாலைகள் ஆரம்பிக்கப்படுவதற்கு முன்னர், அந்த செயற்பாடுகள் உரியவாறு முன்னெடுக்கப்படுகின்றதா? என்பது குறித்து பெற்றோர்கள் மற்றும் ஆசிரியர்கள், முன்கூட்டிய நடவடிக்கை மேற்கொண்டால் அது தவறில்லை என தாம் கருதுவதாக அவர் குறிப்பிட்டுள்ளார்.

மாணவர்கள் செயற்பட வேண்டிய முறைமை குறித்து தெளிவுபடுத்த வேண்டும். இதற்கமைய, சுகாதார அமைச்சினால், கல்வி அமைச்சுக்கு விசேட வழிகாட்டல் கோவை வழங்கப்பட்டுள்ளதாகவும் பிரதி சுகாதார சேவைகள் பணிப்பாளர் ஹேமந்த ஹேரத் தெரிவித்துள்ளார்.