திருகோணமலை மாவட்டம் மாவிலாறு நீர்த்தேக்கத்தின் அணைக்கட்டு இன்று (30) அதிகாலை உடைப்பெடுத்ததால், வெருகல், ஈச்சிலம்பற்று, மூதூர், சேருவில பிரதேச செயலகப் பிரிவுகளின் தாழ்நிலப் பகுதிகள் வெள்ளத்தில் மூழ்கத் தொடங்கியுள்ளன.
மகாவலி கங்கையின் நீர்வரத்து அப்பகுதியில் தொடர்ந்து அதிகரித்ததையடுத்து இந்த அனர்த்தம் ஏற்பட்டுள்ளது.
குறித்த பகுதிகளில் வெள்ளம் சூழ்ந்துள்ள நிலையில், சேதம் தொடர்பான தகவல்கள் இதுவரை கிடைக்கவில்லை. எனினும் வெள்ளிக்கிழமை மற்றும் சனிக்கிழமை ஆகிய இரு தினங்களாக தாழ்நிலப் பிரதேசங்களில் வாழ்ந்த பொதுமக்கள் அங்கிருந்து அனர்த்தப் பாதுகாப்பு நிலையங்களுக்கு அழைத்துச் செல்லப்பட்டு தங்கவைக்கப்பட்டுள்ளதாக தெரிவிக்கப்படுகிறது.
Tags:
sri lanka news