சிம்புவின் 'பத்து தல' பட டிரெய்லர் வெளியானது..!!!

ஒபேலி என்.கிருஷ்ணா இயக்கத்தில் சிம்பு, கௌதம் கார்த்திக், பிரியா பவானி ஷங்கர் இணைந்து நடித்துள்ள 'பத்து தல' படத்தின் டிரெய்லர் வெளியாகியுள்ளது. ஏ.ஆர்.ரஹ்மான் இந்தப் படத்துக்கு இசையமைத்துள்ளார்.

மேலும் வாசிக்க

நகைச்சுவை நடிகர் மயில்சாமி காலமானார்..!!!

பிரபல நகைச்சுவை நடிகர் மயில்சாமி மாரடைப்பு காரணமாக அவரது 57 ஆவது வயதில் காலமானார்.

சென்னை விருகம்பாக்கம் வீட்டில் வசித்துவந்த மயில்சாமிக்கு திடீரென மாரடைப்பு ஏற்பட்டதை அடுத்து அவர் போரூர் ராமசந்திரா வைத்தியசாலைக்கு அழைத்து செல்லப்பட்டார்.

அங்கு அவரை பரிசோதித்த வைத்தியர்கள் அவர் ஏற்கெனவே இறந்துவிட்டதாக தெரிவித்தனர்.

இந்தியாவின் ஈரோடு மாவட்டம் சத்தியமங்கலத்தை சேர்ந்தவர் மயில்சாமி.

இவர் 1965 ஆம் ஆண்டு ஒக்டோபர் மாதம் 2 ஆம் திகதி பிறந்தார்.

இவர் நடிகர், நகைச்சுவை நடிகன், நிகழ்ச்சி தொகுப்பாளர், சமூக சேவகர் என்ற பன்முகங்களை கொண்டவர்.

இவர் 1984ஆம் ஆண்டு தாவணி கனவுகள் என்ற படத்தின் மூலம் அறிமுகமானார். இதையடுத்து 1985 ஆம் ஆண்டு கன்னிராசி படத்திலும் டெலிவரி போய் வேடத்தில் நடித்திருந்தார்.

இவர் இறுதியாக நடித்த படம் உடன்பால் எனும் படம். இவருக்கு ஆன்மீகத்தில் அதிகம் நாட்டம் உள்ளது.

2021 ஆம் ஆண்டு விருகம்பாக்கம் சட்டசபை தொகுதியில் சுயேச்சையாக போட்டியிட்டு வெற்றி கண்டார்.

சமூக உணர்வு, சமூக அக்கறை கொண்ட மயில்சாமி கொரோனா காலகட்டத்தில் தனது விருகம்பாக்கம் தொகுதியில் ஏராளமான நலத்திட்ட உதவிகளை செய்திருந்தார்.

மேலும் வாசிக்க

’விஜய் 67’ படத்தின் பெயர் அறிவிப்பு..!!!

இயக்குநர் லோகேஷ் கனகராஜ் இயக்கத்தில் உருவாகும் விஜய் 67 திரைப்படத்தின் பெயர் அறிவிக்கப்பட்டுள்ளது.

மாஸ்டர் திரைப்படத்திற்குப் பிறகு நடிகர் விஜய் - இயக்குநர் லோகேஷ் கனகராஜ் கூட்டணியில் உருவாகும் திரைப்படம் விஜய் 67. விக்ரம் வெற்றியைத் தொடர்ந்து இந்தப் படத்தின் மீதான எதிர்பார்ப்பு அதிகரித்துள்ளது.

இந்தப் படத்தில் நடிக்க உள்ளவர்களின் விவரங்கள் வெளியாகி ரசிகர்களிடையே ஆவலை ஏற்படுத்தி வருகின்றன. இந்தப் படத்தில் நடிகை த்ரிஷா, ஆக்‌ஷன் கிங் அர்ஜுன், பிரியா ஆனந்த், சஞ்சய் தத், மிஷ்கின், சாண்டி, மேத்யுவ் தாமஸ், கெளதம் வாசுதேவ் ஆகியோர் நடிக்க உள்ளதாக படக்குழு அறிவித்திருந்தது.

மேலும், படக்குழுவினர் காஷ்மீர் சென்ற விடியோவை தயாரிப்பு நிறுவனம் வெளியிட்டுள்ளது. தனி விமானத்தில் நடிகர் விஜய், த்ரிஷா, லோகேஷ் கனகராஜ் உள்ளிட்ட 100-க்கும் மேற்பட்டோர் பயணம் செய்யும் விடியோ வைரலாகி வருகிறது.

இந்நிலையில், தற்போது இப்படத்திற்கு 'லியோ’ எனப் பெயரிட்ட புரோமோ விடியோ வெளியாகியுள்ளது. முழுக்க முழுக்க ஆக்சன் பாணியில் உருவாவதால் படத்தின் மீதான எதிர்பார்ப்பு அதிகரித்துள்ளது.

இதனால், இந்திய அளவில் ’விஜய் 67’ டிரண்டிங்கில் தொடர்ந்து இடம்பிடித்து வருகிறது.

மேலும் இப்படம் 2023, அக்.19 ஆம் தேதி வெளியாகும் என்றும் அறிவிக்கப்பட்டுள்ளது.

மேலும் வாசிக்க

ஏகே62 படத்திலிருந்து விலகுகிறாரா விக்னேஷ் சிவன்? – குழப்பத்தில் அஜித் ரசிகர்கள்..!!!

அஜித் நடிக்க உள்ள ஏகே62 படத்திலிருந்து இயக்குனர் விக்னேஷ் சிவன் விலகியதாக தகவல்கள் வெளியாகி உள்ளது.

வினோத் இயக்கத்தில் அஜித் நடித்த துணிவு திரைப்படம் கடந்த ஜனவரி 13-ஆம் தேதி வெளியாகி, விமர்சன ரீதியாகவும் வசூல் ரீதியாகவும் வெற்றி பெற்றது.

துணிவு திரைப்படத்திற்கு பிறகு நடிகர் அஜித் விக்னேஷ் சிவன் இயக்கத்தில் நடிக்க உள்ளார் என்று கடந்த ஆண்டு மார்ச் மாதம் அறிவிப்பு வெளியானது. லைகா தயாரிக்கும் இந்த படத்திற்கு அனிருத் இசையமைக்க இருந்தார்.

மேலும், இந்த படத்தில் அரவிந்த்சாமி, சந்தானம் உள்ளிட்டோர் முக்கிய கதாபாத்திரத்தில் நடிக்க அவர்களிடம் பேச்சுவார்த்தை நடந்து வந்தது.

இந்தநிலையில் ஏகே62 படத்தில் இருந்து விக்னேஷ் சிவன் விலகி உள்ளதாகவும், அவருக்கு பதிலாக இயக்குனர் அட்லீ அல்லது விஷ்ணுவர்தன் அஜித்தின் ஏகே62 படத்தை இயக்க உள்ளதாகவும் தகவல் வெளியாகி உள்ளது.

விக்னேஷ் சிவன் சொன்ன கதையில் அஜித் சில மாற்றங்களை செய்ய கூறியுள்ளார். திரைக்கதையில் விக்னேஷ் சிவன் மாற்றம் செய்த பிறகும் அஜித்திற்கு கதையில் திருப்தி இல்லையாம். லோகேஷ் கனகராஜ் இயக்கும் தளபதி 67 படத்திற்கு டஃப் கொடுக்க அஜித் நினைக்கிறாராம். இதனால் இயக்குநர்கள் அட்லீ மற்றும் விஷ்ணுவர்தனிடம் கதை கேட்டுள்ளதாக கூறப்படுகிறது.

லண்டனுக்கு சுற்றுலா சென்றுள்ள நடிகர் அஜித், சென்னை திரும்பியதும் இது குறித்த அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.

பிப்ரவரி மாதத்தின் முதல் வாரத்தில் ஏகே 62 படப்பிடிப்பு துவங்கும் என்று அஜித் ரசிகர்கள் எதிர்பார்த்து காத்திருந்த நிலையில் தற்போது அவர்கள் குழப்பத்தில் ஆழ்ந்துள்ளனர்.

மேலும் வாசிக்க

தனுஷுக்கு போட்டியாக செல்வராகவன்?

இயக்குநர் மோகன் ஜியின் ‘பகாசூரன்’ படம் வரும் பிப்ரவரி 17-ம் தேதி திரையரங்குகளில் வெளியாகும் என அதிகாரபூர்வமாக அறிவிக்கப்பட்டுள்ளது.

பழைய வண்ணாரப்பேட்டை திரௌபதி, ருத்ர தாண்டவம் படங்கள் மூலம் கவனம் பெற்றவர் மோகன்.ஜி. அடுத்ததாக செல்வராகவன், நட்டி நட்ராஜ் நடிப்பில், ஜிஎம் ஃபிலிம் கார்ப்பரேஷன் தயாரித்துள்ள ‘பகாசூரன்’ படத்தை இயக்கியுள்ளார்.

படத்தில் ராதாரவி, கே.ராஜன் , கூல் சுரேஷ், சரவணன் சுப்பையா, மன்சூர் அலிகான், தேவதர்ஷினி உள்ளிட்ட பலர் முக்கிய கதாபாத்திரங்களில் நடித்துள்ளனர்.

சாம் சி.எஸ் இசையமைக்கும் இப்படத்திற்கு ஃபரூக் பாட்சா ஒளிப்பதிவு செய்துள்ளார்.

ஆன்லைன் செயலிகள் மூலமாக நடக்கும் பாலியல் தொழில் குறித்த கதையை மையமாக கொண்டு உருவாக்கப்பட்டுள்ள இப்படத்தின் தொலைக்காட்சி உரிமையை கலைஞர் தொலைக்காட்சி வாங்கியுள்ளது.

இந்நிலையில், படம் வரும் பிப்ரவரி 17-ம் தேதி திரையரங்குகளில் வெளியாகிறது.

இதே நாளன்று தனுஷின் ‘வாத்தி’ படமும் வெளியாகிறது. தம்பி படத்திற்கு போட்டியாக அண்ணன் படத்தை களம் இறக்குகிறீர்களா என இயக்குநர் மோகன் ஜியிடம் கேட்டபோது, “அப்படியெல்லாம் இல்லை நீண்ட காலமாக சரியான தேதிக்காக காத்திருந்தேன். இந்த தேதியை விட்டால் அப்புறம் எப்போது வெளியிடுவது என்பதை தீர்மானிக்க முடியாது.

வரிசையாக முன்னணி நடிகர்கள் நடிக்கும் படங்கள் ஏற்கனவே திட்டமிடப்பட்டுள்ளது.” என்றவரிடம், வழக்கம்போல பகாசூரன் ஜாதி படமா என கேட்டபோது, “இல்லை, இது மக்கள் பிரச்சினையை பேசும் படம்.” என்றார்.

மேலும் வாசிக்க

அடி ராங்கியே ராங்கி : வைரலாகும் த்ரிஷா..!!!

திரையுலகில் 20 ஆண்டுகளை நிறைவு செய்துள்ள நடிகை த்ரிஷாவின் ராங்கி திரைப்படம் இம்மாதம் இறுதியில் வெளியாக உள்ளது.

20 ஆண்டுகளில் பல ஹிட் படங்களைக் கொடுத்த நடிகை த்ரிஷா, பொன்னியின் செல்வன் படத்தில் குந்தவை கதாபாத்திரத்தில் நடித்ததன் மூலம் 2022ஆம் ஆண்டின் சிறந்த நடிகைகள் பட்டியலில் இடம் பிடித்துள்ளார்.

தற்போது சரவணன் இயக்கத்தில், லைகா நிறுவனம் தயாரித்துள்ள ராங்கி படத்தில் த்ரிஷா நடித்துள்ளார். இதற்கு ராங்கி என்று பெயரிடப்பட்டுள்ளது.

இந்த படத்தின் ட்ரெயிலரை படக்குழு நேற்று வெளியிட்டது. ஆக்சன் காட்சிகளில் த்ரிஷா மிரட்டும் இந்த ட்ரெய்லரில் “ பொம்பளைய கதறவிட ஆம்பளையா இருந்தா மட்டும் பத்தாது” உள்ளிட்ட வசனங்கள் இடம்பெற்றுள்ளன.

வரும் 30ஆம் தேதி இந்த படம் உலகம் முழுவதும் வெளியாகிறது. இதனை முன்னிட்டு ப்ரோமோஷன் வேலையில் படக்குழு ஈடுபட்டுள்ளது.

இந்நிலையில் த்ரிஷா தனது ட்விட்டர் பக்கத்தில், “என்னுடைய வழியில் செல்கிறேன். ராங்கி ப்ரோமோஷன்” என்று தனது புகைப்படத்தை பகிர்ந்துள்ளார்.

த்ரிஷாவின் புகைப்படத்தை பகிர்ந்து வரும் அவரது ரசிகர்கள், “அடி ராங்கியே ராங்கி ராங்கி… நீ போறீயே உசுற வாங்கி…” என்று கமெண்ட் செய்து வருகின்றனர்.
இதனால் த்ரிஷாவின் புகைப்படம் ட்விட்டரில் வைரலாகி வருகிறது.

மேலும் வாசிக்க

பிரதீப் ரங்கநாதன் இயக்கத்தில் ரஜினி?

இயக்குநர் பிரதீப் ரங்கநாதன் இயக்கத்தில் நடிகர் ரஜினிகாந்த் நடிக்கவுள்ளதாக தகவல் வெளியாகியுள்ளது.

கல்பாத்தி எஸ்.அகோரம், கல்பாத்தி எஸ்.கணேஷ், கல்பாத்தி எஸ்.சுரேஷ் ஆகியோர் தயாரிப்பில் உருவான திரைப்படம் லவ் டுடே. ‘கோமாளி’ புகழ் பிரதீப் ரங்கநாதன் இந்தத் திரைப்படத்தை இயக்கி நாயகனாக நடித்திருந்தார்.

இளைய தலைமுறையினர் மத்தியில் மிகப்பெரிய வரவேற்பைப் பெற்ற இத்திரைப்படம் ரூ.80 கோடிக்கும் அதிகமாக வசூல் செய்து அசத்தியது.

இந்நிலையில், நடிகர் ரஜினியின் 171-வது படத்தை ‘டான்’ பட இயக்குநர் சிபி சக்ரவர்த்தி இயக்குவார் என எதிர்பார்க்கப்பட்ட நிலையில் அப்படம் கைவிடப்படுவதாகவும் அவருக்கு பதிலாக பிரதீப் ரங்கநாதன் ரஜினியை இயக்கவுள்ளதாகவும் புதிய தகவல் வெளியாகியுள்ளது.

மேலும் வாசிக்க

’விஜய் 67’ வில்லனாகும் பிரபல நடிகர்..!!!

விஜய் 67 படத்தில் வில்லனாக நடிக்க வைக்க பிரபல நடிகரிடம் லோகேஷ் கனகராஜ் பேச்சுவார்த்தை நடத்தியுள்ளதாக தகவல் வெளியாகியுள்ளது.

நடிகர் விஜய் தற்போது தெலுங்கு இயக்குநர் வம்சி இயக்கத்தில் ‘வாரிசு’ எனும் படத்தில் நடித்து வருகிறார். இந்த திரைப்படம் பொங்கலுக்கு வெளியாக உள்ளது. இந்தப் படத்திற்குப் பின் விஜய் மீண்டும் லோகேஷ் கனகராஜ் உடன் இணைய உள்ளார். ‘விக்ரம்’ படத்தின் மாபெரும் வெற்றிக்கு பிறகு இந்த படம் உருவாகவுள்ளதால் அதிக எதிர்பார்ப்பு நிலவி வருகிறது.

முன்னதாக, விஜய் நடிக்கும் 67வது படத்திற்கு வில்லனாக முதலில் நடிகர் பிருத்விராஜ் தேர்வு செய்யப்பட்டதாக தகவல் வெளியானது. பின்னர் அவர் தேதி பிரச்சனையில் விலகியதால் நடிகர் விஷால் இணைந்துள்ளதாக பேசப்பட்டது.

தற்போது, விஷாலுக்குப் பதிலாக நடிகர் அர்ஜூன் விஜய்க்கு வில்லனாக நடிக்க உள்ளதாகவும் சம்பளமாக ரூ.4 கோடி பேசப்பட்டதாகவும் தகவல் வெளியாகியுள்ளது.

நடிகர் அர்ஜூன் ’இரும்புத்திரை’ படத்தில் வில்லனாக சிறப்பான நடிப்பை வழங்கியிருந்தது குறிப்பிடத்தக்கது.

மேலும் வாசிக்க

ஆக்‌ஷனில் இறங்கிய த்ரிஷா – “ராங்கி” டிரெய்லர்..!!!

த்ரிஷா நடித்துள்ள ராங்கி படத்தின் டிரெய்லர் வெளியாகியுள்ளது.

எங்கேயும் எப்போதும், இவன் வேற மாதிரி, வலியவன் போன்ற படங்களை இயக்கிய இயக்குநர் எம். சரவணன் இயக்கத்தில் த்ரிஷா நடிப்பில் ராங்கி படம் உருவாகியுள்ளது.

ஏ.ஆர்.முருகதாஸ் கதை எழுதிய இப்படத்தை லைகா நிறுவனம் தயாரித்துள்ளது. ராங்கி படத்திற்கு சி. சத்யா இசையமைத்துள்ளார்.

இந்த படம் தணிக்கை குழுவிற்கு அனுப்பி வைக்கப்பட்ட போது 30 காட்சிகள் நீக்கப்பட்டது. இதனால் சமீபத்தில் இந்த படம் சினிமா வட்டாரத்திலும் ரசிகர்கள் மத்தியிலும் அதிகம் பேசப்பட்டது.

ஆனால் இதற்கு விளக்கம் அளித்திருந்த இயக்குநர் சரவணன், “சென்சாரில் பல பிரச்சினைகளைச் சந்தித்தோம். வெளிநாட்டுப் பிரச்சனை தொடர்பான காட்சிகள் வருவதால், 30 இடங்களில் கட் மற்றும் மியூட் செய்யப்பட்டது. இருந்தாலும் அது கதையை எந்த இடத்திலும் பாதிக்கவில்லை.

மேலும் இப்படத்தில் நடிகை திரிஷா மேக்கப் இல்லாமல் நடித்திருக்கிறார்” எனக் கூறியிருந்தார்.

இந்நிலையில் ராங்கி படத்தின் டிரைய்லர் தற்போது வெளியாகியுள்ளது. டிரெய்லர் காட்சி தொடங்கும் போதே குண்டு வெடிக்கும் காட்சியோடு தான் தொடங்குகிறது.
இப்படத்தில் த்ரிஷா ஆக்‌ஷன் நாயகியாக அறிமுகமாகியுள்ளார். எப்போதும் போல் இல்லாமல் இந்த படத்தில் வித்தியாசமான வேடத்திலும் திமிரு பிடித்த பெண்ணாகவும் நடித்துள்ளார்.

மிகவும் துணிச்சலாக இருக்கும் த்ரிஷா ஏதோ பிரச்சனையில் சிக்கிக் கொண்டு அதில் இருந்து எப்படி வெளியே வருவது என்று யோசிப்பது போலக் காட்சிகள் அமைந்துள்ளது.

மேலும் இப்படத்தில் த்ரிஷா தனது குடும்பத்தில் நடக்கும் ஒரு பிரச்சினையை எதிர்கொள்ளும்போது, அது சர்வதேச பிரச்சினைக்கு இழுத்துச் செல்கிறது. அதை எப்படி முறியடிக்கிறார் என்பது தான் படத்தின் கதை என்று இயக்குநர் சரவணன் ஏற்கனவே பேசியிருந்தது குறிப்பிடத்தக்கது.

ராங்கியாக நடித்துள்ள த்ரிஷாவின் படம் வரும் டிசம்பர் 30 ஆம் தேதி வெளியாகவுள்ளது.

மேலும் வாசிக்க

இது புதுவகை ரிலீஸ்! 'துணிவு' படத்தின் பாடல் வரிகள் வெளியீடு..!!!

'துணிவு' படத்தின் மூன்றாவது பாடல் வெளியாகும் என ரசிகர்கள் எதிர்பார்த்திருந்த முன்பு பாடல் வரிகள் வெளியாகியுள்ளன.

புதிய படத்தின் பாடல்கள் லிரீக் விடியோவாக வெளியிடப்படுவது வழக்கம். எனினும் துணிவு படத்தில் பாடல் லிரீக் விடியோவுக்கு முன்னதாக படத்தில் பாடல் வரிகள் வெளியிடப்பட்டுள்ளன.

இதற்கு முன்பு இரண்டு பாடல்கள் துணிவு படத்தில் வெளியாகி ரசிகர்கள் மத்தியில் நல்ல வரவேற்பு பெற்று வருகிறது. அந்தவகையில் தற்போது மூன்றாவது பாடலின் வரிகள் வெளியாகியுள்ளன. இசைமைப்பாளர் ஜிப்ரான் இதனை தனது சுட்டுரைப் பதிவில் வெளியிட்டுள்ளார்.

''கேங்ஸ்டா...'' என்ற தலைப்பில் பாடல் வெளிவரவுள்ளது. அஜித் ரசிகர்களுக்கு உற்சாகமளிக்கும் வகையில், தனக்கு எதிரியாக நிற்பவர்களுக்கு பதிலடி கொடுக்கும் வகையில் பாடல் வரிகள் அமைந்துள்ளன. இது நேரடியாக விஜய்க்கும் அவரின் ரசிகர்களுக்கும் பதிலடி கொடுக்கும் வகையில் உள்ளதாக ரசிகர்கள் கருத்து தெரிவித்து கொண்டாடி வருகின்றனர்.

சீண்டுனா சிரிப்பவன், சுயவழி நடப்பவன், சரித்திரம் படைப்பவன் என்று பாடல் வரிகள் தொடங்குகிறது. உனக்கு சம்பவம் இருக்கு, பார் முடிவில் யார், பதிலடிதான், இனிமே பிரச்னை எதற்கு, அச்சத்த விலக்கி உச்சத்த பிடிச்சு ஊருக்குள்ள இருக்க மொத்த பயலும் எதிர்த்து நிக்கட்டும் ஐ ஆம் தி கேங்ஸ்டா என்று பாடல் வரிகள் முடிகின்றன.

மேலும் வாசிக்க

அவதார் 2 வசூல்: இந்தியாவில் மட்டும் எத்தனை கோடி தெரியுமா?

அவதார் 2 உலகம் முழுவதும் ரசிகர்களிடையே நல்ல வரவேற்பைப் பெற்றிருப்பதுடன், அதிக வசூலையும் குவித்து வருகிறது.

ஜேம்ஸ் கேமரூன் இயக்கத்தில் அவதார் படத்தின் முதல் பாகம் 2009 டிசம்பர் மாதம் உலகம் முழுவதும் வெளியாகி ரசிகர்களின் வரவேற்பைப் பெற்றது. படத்தில் இடம்பெற்ற பண்டோரா காட்சி, குழந்தைகள் முதல் பெரியவர்களையும் ரசிக்க வைத்தது. தவிர, வசூலிலும் சாதனை நிகழ்த்தியது.

3 ஆஸ்கார் விருதுகளை வென்ற அவதார் படத்தின் இரண்டாம் பாகம் 13 ஆண்டுகளுக்கு பிறகு ‘அவதார் தி வே ஆப் வாட்டர்’ என்ற பெயரில் தயாராகி ஆங்கிலம் மட்டுமன்றி தமிழ், தெலுங்கு, இந்தி, கன்னடம், மலையாளம் உள்பட உலகம் முழுவதும் 160 மொழிகளில் கடந்த டிசம்பர் 16ஆம் தேதி வெளியானது.

உலகம் முழுவதும் 2D, 3D, IMAX ஃபார்மட்களில் வெளியான அவதார் 2 திரைப்படம் இந்தியாவிலும் சிறப்பான விமர்சனங்களைப் பெற்றுள்ளது. குடும்பங்கள் மத்தியில் பெரிய வரவேற்பை பெற்றுள்ளது. பிரம்மாண்ட காட்சிகள், தத்ரூபமான கிராபிக்ஸ் உள்ளிட்டவையும் படத்திற்கான பார்வையாளர்களை ஈர்த்து வருகிறது.

இதன்மூலம் அவதார் 2 இந்தியாவில் மட்டுமல்ல, உலகம் முழுதும் வசூலை குவித்து வருகிறது. இப்படம் வெளியான டிசம்பர் 16ஆம் தேதி மட்டும் இந்தியாவில் 40 கோடி ரூபாய் வசூலானது. தற்போது இந்தியாவில் மட்டும் இப்படம் 200 கோடி ரூபாயை வசூலித்துள்ளது.

இப்படம், இந்தியா தவிர்த்து, அமெரிக்கா, சீனா, தென் கொரியா, பிரான்ஸ், ஜெர்மனி ஆகிய நாடுகளிலும் அதிக வசூலை குவித்து வருகிறது. அதன்படி, அவதார் 2 வெளியான 5 நாட்களில் இதுவரை உலக அளவில் 4,200 கோடி ரூபாயை வசூலித்துள்ளது. விரைவிலேயே இப்படம் 10 ஆயிரம் கோடியை எட்டும் என எதிர்பார்க்கப்படுகிறது.

மேலும் வாசிக்க

2 கோடிப் பார்வைகளைக் கடந்தது ’சில்லா..சில்லா’

துணிவு படத்தில் இடம்பெற்றுள்ள ‘சில்லா சில்லா' பாடல் யூடியூப்பில் 2 கோடிப் பார்வைகளைக் கடந்துள்ளது.

நடிகர் அஜித் குமார், இயக்குநர் வினோத், தயாரிப்பாளர் போனி கபூர் ஆகியோர் 3-வது முறையாக இணைந்துள்ள படம் 'துணிவு'. பஞ்சாபில் நடைபெற்ற வங்கி்க் கொள்ளையை அடிப்படையாகக் கொண்டு இந்தப் படம் உருவாகியுள்ளது.

இப்படத்திற்கு ஜிப்ரான் இசையமைக்க, நீரவ் ஷா ஒளிப்பதிவு செய்துள்ளார். மஞ்சு வாரியர் முக்கிய வேடத்தில் நடித்துள்ளார்.

படம் பொங்கலை முன்னிட்டு திரைக்கு வருகிறது. இந்நிலையில், இப்படத்தில் இடம்பெற்றுள்ள அஜித் அறிமுக பாடலான ‘சில்லா..சில்லா’ பாடல் யூடியூப்பில் இதுவரை 2 கோடிப் பார்வைகளைக் கடந்துள்ளது.

மேலும் வாசிக்க

வாரிசு படத்தின் ‘அம்மா’ பாடல் வெளியானது..!!!

நடிகர் விஜய் நடிப்பில் வெளியாகவுள்ள வாரிசு படத்தின் மூன்றாவது பாடலை படக்குழுவினர் வெளியிட்டுள்ளனர்.

பிரபல தெலுங்கு இயக்குநர் வம்சி இயக்கத்தில் நடிகர் விஜய் நடித்துள்ள திரைப்படம் 'வாரிசு'. இந்தப் படத்தில் நடிகை ராஷ்மிகா மந்தனா விஜய்க்கு ஜோடியாக நடித்துள்ளார். குஷ்பு, சங்கீதா, ஷியாம், பிரகாஷ்ராஜ் உள்ளிட்டோர் முக்கியமான கதாபாத்திரத்தில் நடித்துள்ளதாக தகவல் வெளியாகியுள்ளது.

பொங்கலுக்கு வெளியாகும் இப்படத்துக்கு இசையமைப்பாளர் தமன் இசையமைத்துள்ளார். முதல் பாடல் ரஞ்சிதமே 99 மில்லியன் (9.9 கோடி) பார்வையாளர்களையும், இரண்டாவது பாடல் ‘தீ தளபதி’ 25 மில்லியன் (2.5 கோடி) பார்வையாளர்களையும் யூடியூபில் கடந்துள்ளது குறிப்பிடத்தக்கது.

இந்நிலையில், மூன்றாவதாக அம்மா பாடலை படக்குழுவினர் வெளியிட்டுள்ளனர். விவேக் எழுதிய இந்தப்பாடலை பிரபல பாடகி சித்ரா பாடியுள்ளார்.

நீண்ட நாட்களுக்குப் பிறகு விஜய் படத்தில் அம்மா சென்டிமென்ட் பாடல் வெளியாகியுள்ள நிலையில், விஜய் ரசிகர்கள் மகிழ்ச்சியுடன் பகிர்ந்து வருகின்றனர்.

மேலும் வாசிக்க

‘ரஞ்சிதமே’ பாடலின் புதிய சாதனை: பாடலாசிரியர் விவேக் கூறியது என்ன?

வாரிசு படத்தில் இடம்பெற்ற ‘ரஞ்சிதமே’ பாடல் யூடியூப்பில் இதுவரை 10 கோடி (100 மில்லியன்) பார்வைகளைக் கடந்துள்ளது.

பிரபல தெலுங்கு இயக்குநர் வம்சி இயக்கத்தில் 'வாரிசு' என்கிற படத்தில் விஜய் நடித்துள்ளார். ராஷ்மிகா மந்தனா கதாநாயகியாக நடித்துள்ளார். இப்படத்துக்கு இசை - தமன். இந்த படம் 2023 பொங்கலுக்கு வெளியாகவுள்ளது.

சமீபத்தில் 'வாரிசு' படத்தில் இடம்பெற்றுள்ள 'ரஞ்சிதமே' பாடலின் லிரிக்கல் விடியோ வெளியாகி நல்ல வரவேற்பைப் பெற்று வருகிறது. இந்நிலையில், விஜய், மானசி இணைந்து பாடிய இப்பாடல் இதுவரை யூடியூப்பில் 10 கோடி (100 மில்லியன்) பார்வைகளைக் கடந்து சாதனை படைத்து வருகிறது. இதனால், விஜய் ரசிகர்கள் உற்சாகத்தில் உள்ளனர்.

சிம்பு குரலில் வெளியான ‘தீ தளபதி’ பாடல் யூடியூபில் 2.5 கோடி (25 மில்லியன்) பார்வையாளர்களை கடந்துள்ளது. 3வது பாடலும் இன்று வெளியாகியுள்ளது. நேற்று ரஞ்சிதமே பாடல் 10 கோடி பார்வைகளை தாண்டியதைத் தொடர்ந்து அதன் பாடலாசிரியர் விவேக் தனது சமூக வலைதளத்தில் இது குறித்து கூறியதாவது:

ரஞ்சிதமே பாடல் 100 மில்லியனை கடந்துள்ளது. விஜய் சார் என்னை நம்பியதற்கு எவ்வளவு நன்றிகள் கூறினாலும் போதாது. என்னால் கூற முடிந்ததெல்லாம் லவ் யூ விஜய் சார். இயக்குநர், இசையமைப்பாளர் மற்றும் படக்குழுவினருக்கு நன்றி.

மேலும் வாசிக்க

அஜித்தின் 'துணிவு' பட 'சில்லா சில்லா' பாடல் வெளியானது..!!!

துணிவு படத்தின் முதல் சிங்கிள் "சில்லா சில்லா" பாடல் வீடியோ வெளியாகி இருக்கிறது. வெறித்தனமாக காத்திருந்த ரசிகர்கள் தற்போது கொண்டாடி வருகிறார்கள்.

மேலும் வாசிக்க

’அடி ஆத்தி இது என்ன ஃபீலு’: வெளியான ‘வாத்தி’ முதல் பாடல்..!!!

நடிகர் தனுஷ் நடித்த ‘வாத்தி’ திரைப்படத்தின் முதல் பாடல் இன்று (நவம்பர் 10) தமிழ் மற்றும் தெலுங்கு மொழிகளில் வெளியாகியுள்ளது.

ரசிகர்களின் எதிர்பார்ப்புகளுக்கு மத்தியில் நடிகர் தனுஷ் நடித்துள்ள வாத்தி திரைப்படத்தின் ’வா வாத்தி’ பாடல் தற்போது வெளியாகியுள்ளது.

இந்த ஆண்டு நடிகர் தனுஷ் நடிப்பில் வெளியான திருச்சிற்றம்பலம் மற்றும் நானே வருவேன் போன்ற திரைப்படங்கள் வெற்றிப் படங்களாக அமைந்தது மட்டுமின்றி விமர்சன ரீதியாகவும் வசூல் ரீதியாகவும் ரசிகர்கள் இடத்தில் நல்ல வரவேற்பை பெற்றது.

இந்நிலையில், நடிகர் தனுஷ் நடிப்பில் தமிழ் மற்றும் தெலுங்கில் வெளியாகவுள்ள திரைப்படம் ‘வாத்தி’. இந்தப் படத்தின் முதல் பாடல் வரும் நவம்பர் 10 ஆம் தேதி, அதாவது இன்று வெளியாக உள்ளதாக இசையமைப்பாளர் ஜி.வி. பிரகாஷ் குமார் இரண்டு நாட்களுக்கு முன்பு தன்னுடைய ட்விட்டர் பக்கத்தில் பகிர்ந்திருந்தார்.

அதனை தொடர்ந்து தமிழில் ‘வா வாத்தி’ என்றும் தெலுங்கில் ‘மாஸ்டரு’ என்றும் தொடங்கும் இந்த பாடல் இன்று (நவம்பர் 10 ) மாலை வெளியானது.

மேலும் வாசிக்க

விஜய் - அஜித் பிளாக் பஸ்டர் இயக்குநரை இரண்டு முறை சந்தித்த சிலம்பரசன்..!!!

தமிழ் சினிமாவின் முன்னணி நடிகராக திகழ்ந்து வருபவர் நடிகர் சிலம்பரசன், இவரின் நடிப்பில் வெளியாகும் திரைப்படங்கள் தொடர்ந்து மக்களிடையே நல்ல வரவேற்பை பெற்று வருகிறது.

அந்த வகையில் கடைசியாக அவர் நடிப்பில் மாநாடு, வெந்து தணிந்தது காடு உள்ளிட்ட திரைப்படங்கள் ரசிகர்களிடையே பெரிய வரவேற்பை பெற்று வசூலை குவித்து இருந்தது.

இந்நிலையில் அப்படங்களை தொடர்ந்து சிம்பு இயக்குநர் கிருஷ்ணா இயக்கத்தில் பத்து தல திரைப்படத்தில் நடித்து வருகிறார். பெரிய எதிர்பார்ப்பை ஏற்படுத்தியுள்ள இப்படத்தின் இறுதிக்கட்ட ஷூட்டிங் நடைபெற்று வருகிறது.

இதற்கிடையே தற்போது இயக்குநர் ஏ.ஆர்.முருகதாஸ் - நடிகர் சிலம்பரசன் ஆகியோர் இரண்டு முறை சந்தித்து புதிய திரைப்படம் குறித்து பேச்சுவார்த்தை நடத்தியுள்ளதாக தகவல் வெளியாகியிருக்கிறது.

மேலும் வாசிக்க

விஜய்யிடம் கதை கூறியுள்ள சூப்பர் ஹிட் திரைப்படத்தின் இளம் இயக்குநர்..!!!

தமிழ் சினிமாவின் உச்ச நட்சத்திரமான தளபதி விஜய் தற்போது இயக்குநர் வம்சி இயக்கத்தில் வாரிசு திரைப்படத்தில் நடித்து வருகிறார்.

பெரிய எதிர்பார்ப்பை ஏற்படுத்தியுள்ள இப்படத்தின் ஷூட்டிங் விறுவிறுப்பாக நடைபெற்று வருகிறது. மேலும் இப்படம் பொங்கலுக்கு வெளியாகும் என ஏற்கனவே அறிவிக்கப்பட்டு இருக்கிறது.

இந்நிலையில் இப்படத்தை தொடர்ந்து விஜய் மீண்டும் இயக்குநர் லோகேஷ் கனகராஜ் இயக்கத்தில் நடிக்க இருப்பதாக சொல்லப்படுகிறது. ஆனால் இப்படம் அதிகாரபூர்வ அறிவிப்பு தான் இன்னும் வரவில்லை.இதற்கிடையே விஜய்யின் திரைப்படத்தை பல இயக்குநர்கள் முயற்சி வருவது நாம் அனைவரும் அறிந்த விஷயம்.

அதன்படி கோமாளி திரைப்படத்தை இயக்கிய இயக்குநர் பிரதீப் ரங்கநாதன் விஜய்யிடம் ஒரு கதை சொன்னதாகவும், அது அவருக்கு பிடித்திருந்தாகவும், வருங்காலத்தில் வாய்பிருந்தால் அவருடன் படம் பண்ணுவேன் என தெரிவித்து இருக்கிறார்.

மேலும் வாசிக்க

பிரின்ஸ் டிரெய்லர் வெளியீடு..!!!

நடிகர் சிவகார்த்திகேயன் நடித்திருக்கும் பிரின்ஸ் படத்தின் டிரெய்லரை படக்குழு இன்று (அக்டோபர் 9) தமிழ் மற்றும் தெலுங்கு ஆகிய இரு மொழிகளிலும் வெளியிட்டது.

இயக்குநர் அனுதீப் இயக்கத்தில் நடிகர் சிவகார்த்திகேயன் நடிப்பில் ‘பிரின்ஸ்’ திரைப்படம் தமிழ் மற்றும் தெலுங்கு என இருமொழிகளில் உருவாகி வருகிறது.

சிவகார்த்திகேயனுக்கு ஜோடியாக உக்ரைன் நாட்டைச் சேர்ந்த மரியா ரியாபோஷப்கா நடிக்கிறார். மேலும் சத்யராஜ், பிரேம்ஜி அமரன் உள்ளிட்ட பலர் முக்கிய கதாபாத்திரங்களில் நடிக்கின்றனர்.

இந்தப் படமானது சிவகார்த்திகேயனுக்கு முதல் பைலிங்குவல் படம் ஆகும்.

சமீபத்தில் பிரின்ஸ் படத்தில் இடம்பெற்றுள்ள ”பிம்பிளிக்கி பிளாப்பி” மற்றும் ”ஜெசிகா” ஆகிய இரு பாடல்கள் வெளியாகி ரசிகர்களிடம் நல்ல வரவேற்பைப் பெற்றது.

இத்திரைப்படம் தீபாவளி கொண்டாட்டமாகத் திரைக்கு வரவுள்ளது. மேலும் இப்படத்தின் டிரெய்லர் இன்று (அக்டோபர் 9) வெளியாகும் என்று படக்குழு ஏற்கெனவே அறிவித்திருந்தது.

அதன்படி தற்போது பிரின்ஸ் படத்தின் டிரெய்லரை படக்குழு தமிழ் தெலுங்கு ஆகிய இரு மொழிகளிலும் வெளியிட்டுள்ளது.

இந்த படத்தில் சிவகார்த்திகேயன் ஒரு பள்ளி வாத்தியாராக நடிக்கிறார். பார்த்தவுடன் மாணவர்கள் பயப்படும் அளவிற்கு சீரிஸான வாத்தியாராக இல்லாமல், தேர்வுகளில் மாணவர்களிடம் புத்தகத்தைக் கொடுத்துப் பார்த்து எழுதச் சொல்லும் அளவிற்கு குறும்புத்தனமான வாத்தியாராக இருக்கிறார்.

படத்தின் கதாநாயகியும் சிவகார்த்திகேயன் பணிபுரியும் அதே பள்ளியில் ஆசிரியராக பணிக்குச் சேர்கிறார்.

பின்னர் இவர்களுக்கு இடையில் ஏற்படும் காதல், இந்த காதலால் ஏற்படும் பிரச்சனைகள், இந்த பிரச்சனைகளை சரிசெய்யும் தருணங்களை வெளிப்படுத்துவதாக டிரெய்லர் அமைந்திருக்கிறது.

என்னதான் பிரச்சனைகள் இருந்தாலும் சிவகார்த்திகேயன் அவருக்கே உரியப் பாணியில் நகைச்சுவையாகவும் நடித்திருக்கிறார்.

மேலும் வாசிக்க

பொன்னியின் செல்வனுக்கு பிறகு ரஜினி - மணிரத்னம் கூட்டணி இணைகிறதா?

லைகா நிறுவனத்தின் தயாரிப்பில் மணிரத்னம் இயக்கத்தில் உருவான பொன்னியின் செல்வன் திரைப்படம் நேற்று வெளியாகி பாசிட்டிவ் விமர்சனங்களை பெற்று வருகிறது என்பதை பார்த்து வருகிறோம்.

3 நாட்களில் உலகம் முழுவதும் 200 கோடி ரூபாய் வசூலித்துள்ளதாக அறிவிக்கப்பட்டுள்ளது.

இந்நிலையில் பொன்னியின் செல்வன் திரைப்படத்துக்குப் பிறகு இயக்குனர் மணிரத்னம் மற்றும் ரஜினிகாந்த் கூட்டணி இணைய வாய்ப்புள்ளதாக ஒரு தகவல் பரவி வருகிறது.

ரஜினி தரப்பில் இதற்கான முன்னெடுப்பை ரஜினி தரப்பினர் மேற்கொண்டு வருவதாக சொல்லப்படுகிறது. இருவரும் இணைந்து ஏற்கனவே தளபதி படத்திற்காக இணைந்தது குறிப்பிடத்தக்கது

மேலும் வாசிக்க