Showing posts with label cinema news. Show all posts
Showing posts with label cinema news. Show all posts

Tuesday, June 21, 2022

'தளபதி66' முதல் பார்வை வெளியீடு..!!!

'தளபதி66' முதல் பார்வை வெளியீடு..!!!


நடிகர் விஜய்யின் 66வது படத்தின் முதல் பார்வை மற்றும் படத்தலைப்பு வெளியிடப்பட்டுள்ளது.

'மாஸ்டர்', 'பீஸ்ட்' படங்களுக்குப் பிறகு நடிகர் விஜய் தன்னுடைய 66ஆவது படத்தில் தற்போது நடித்து வருகிறார். 'தோழா' படத்தை இயக்கிய வம்சி இந்த படத்தை இயக்குகிறார். தில் ராஜூ படத்தைத் தயாரிக்கிறார்.

முதல் முறையாக நடிகை ராஷ்மிகா மந்தானா விஜய்யுடன் இணைந்து கதாநாயகியாக நடிக்கிறார். இவர்கள் தவிர நடிகர்கள் பிரகாஷ்ராஜ், ஷாம், யோகி பாபு என பெரிய நட்சத்திர பட்டாளமே இந்த படத்தில் நடிக்கிறது. தமிழ் - தெலுங்கு என இரண்டு மொழிகளிலும் இந்த படம் உருவாகிறது.

சென்னையில் ஒரு பாடல் எடுத்து முடித்த பின்பு இரண்டாவது கட்ட படப்பிடிப்பு ஹைதராபாத்தில் முடிந்து தற்பொழுது மீண்டும் சென்னையில் நடந்து வருகிறது.

நடிகர் விஜய்யின் புகைப்படங்கள் சென்னை படப்பிடிப்பு தளத்திலிருந்து வெளியானதால், சென்னையிலேயே வேறு இடத்தில் செட் அமைத்துப் படப்பிடிப்பு நடத்த திட்டமிட்டு அதற்கான பணியில் ஈடுபட்டு வருகின்றனர்.

நாளை (ஜூன் 22) நடிகர் விஜய்யின் 48ஆவது பிறந்தநாள். இதனையொட்டி இந்த படத்தின் முதல் பார்வை இன்று வெளியிடப்படுவதாகப் படக்குழு அறிவித்தது. இது மட்டுமல்லாமல், இன்று இரவு 12 மணிக்கு இரண்டாவது பார்வையும் வரும் என எதிர்பார்க்கப்படுகிறது. அதன்படி விஜய்யின் 66வது படம் 'வாரிசு' என தலைப்பிடப்பட்டுள்ளது. முதல் பார்வையில் நடிகர் விஜய் கோட்-சூட் அணிந்து இருக்கிறார். படத் தலைப்பின் கீழ் 'The Boss Returns' என டேக் லைனும் கொடுக்கப்பட்டுள்ளது.

 

Thursday, June 9, 2022

விக்கி - நயன் புகைப்படத் தொகுப்பு..!!!

விக்கி - நயன் புகைப்படத் தொகுப்பு..!!!


லேடி சூப்பர்ஸ்டார் என அழைக்கப்படும் நயன்தாராவுக்கும், இயக்குநர் விக்னேஷ் சிவனுக்கும் மாமல்லபுரத்தில் இன்று (ஜூன் 9) வெகு விமர்சையாக திருமணம் நடைபெற்றது.

திருமணத்துக்கு குடும்பத்தினர், நண்பர்கள் மற்றும் திரைத்துறையினரை தவிர வேறு யாருக்கும் அனுமதி வழங்கப்படவில்லை. திருமண நிகழ்ச்சியை ஒளிபரப்பும் உரிமை தனியார் நிறுவனத்துக்கு வழங்கப்பட்டு விட்டதால், நிகழ்ச்சிக்கு வந்த விஐபிகள் கூட போட்டோ எடுத்துக் கொள்ள முடியாமலும் போட்டோ எடுத்துக்கொண்டாலும் அதை வெளியிட முடியாத சூழலும் ஏற்பட்டது.

நயன்தாராவின் லட்சக் கணக்கான ரசிகர்கள் அவரது திருமண காட்சியை காண்பதற்காக காத்திருந்த நிலையில், திருமணம் முடிந்து சில மணி நேரங்கள் கழித்து விக்னேஷ் சிவன் தனது ட்விட்டர் பக்கத்தில் ஒரு சில போட்டோக்களை வெளியிட்டுள்ளார்.







Wednesday, June 8, 2022

விக்ரம் வெற்றி : படக்குழுவுக்கு பரிசளித்த கமல்..!!!

விக்ரம் வெற்றி : படக்குழுவுக்கு பரிசளித்த கமல்..!!!


லோகேஷ் கனகராஜ் இயக்கத்தில் கமல்ஹாசன், விஜய் சேதுபதி, பஹத் பாசில் மற்றும் சிறப்பு தோற்றத்தில் சூர்யா நடித்து கடந்த ஜூன் 3ல் திரைக்கு வந்த படம் ‛விக்ரம்'.

நான்கு ஆண்டுகளுக்கு பின் கமல்ஹாசன் நடிப்பில் வெளிவரும் படம் என்பதால் அதற்குரிய விளம்பர வேலைகள் கமல்ஹாசன் நேரடி பார்வையில் நடைபெற்றது, இந்தியாவில் பிரதானமாக பேசப்படும் ஐந்து மொழிகளில் படம் வெளியானதால் இந்தியா முழுவதும் மட்டுமின்றி வெளிநாடுகளிலும் நடைபெற்ற படத்தின் விளம்பர நிகழ்ச்சிகளில் கமல்ஹாசன் பங்கேற்றார். படத்தின் மீது அதிகபட்ச எதிர்பார்ப்பு ஏற்பட்டது.

அதற்கு ஏற்றபடி படம் ஆக்சன் கதை என்பதால் ரசிகர்களை கவர்ந்தது முதல் மூன்று நாட்களில் உலகம் முழுவதும் மொத்த வசூல் 150 கோடி ரூபாயை கடந்துள்ளது. நீண்ட இடைவெளிக்கு பின் கமல்ஹாசன் நடித்துள்ள படம் சூப்பர் ஹிட்டாகி இருப்பதால் கமல்ஹாசன்மிகுந்த உற்சாகத்தில் இருக்கிறார். மேலும் இந்த படத்தின் தயாரிப்பாளரும் கமல் என்பதால் இந்த படம் மூலம் கிடைக்கும் வருவாய் - லாபம் அவருக்கு மட்டும் கிடைக்கும்.

இந்த மகிழ்ச்சியை படக்குழுவோடு இன்று கொண்டாடி உள்ளார் கமல்ஹாசன். படத்தில் இயக்குனர் லோகேஷ் கனகராஜுக்கு லெக்சஸ் ரக சொகுசு காரை பரிசாக வழங்கி உள்ளார் கமல்ஹாசன். அதோடு இந்த படத்தில் உதவி இயக்குனர்களாக பணியாற்றிய 13 பேருக்கும் தலா டிவிஎஸ் அப்பாச்சி ஆர்டிஆர் 160 ரக மோட்டார் பைக்கை பரிசாக வழங்கி உள்ளார்.

இதனிடையே விக்ரம் படம் தமிழ் மட்டுமல்லாது தெலுங்கு, மலையாளம், கன்னடம், இந்தி ஆகிய மொழிகளிலும் வெளியானது. தமிழ் தவிர்த்து பிற மொழிகளிலும் குறைவில்லாத வசூலை இப்படம் பெற்றுள்ளது. அதனால் அந்தந்த மொழியில் நன்றி தெரிவித்து, தனித்தனியாக வீடியோ வெளியிட்டுள்ளார் கமல்ஹாசன்.

அதில், தமிழில் பேசிய வீடியோவில் அவர் கூறுகையில், ‛‛தரமான படங்களையும், நடிகர்களையும் தாங்கி பிடிக்க தமிழ் ரசிகர்கள் தவறியது இல்லை. அந்த வெற்றி வரிசையில் என்னையும், எங்கள் 'விக்ரம்' படத்தையும் நீங்கள் தேர்ந்தெடுத்தது எங்கள் பாக்கியம்.

தம்பிகள் விஜய் சேதுபதி, பஹத் பாசில், செம்பன் வினோத், நரேன் என வீரியமிக்க நடிகர் படை இதற்கு முக்கிய காரணம்.

கடைசி 3 நிமிடங்கள் வந்து திரையரங்குகளை அதிர வைத்த தம்பி சூர்யா அன்பிற்காக மட்டுமே நடித்தார். நன்றி சொல்லும் படலத்தை அடுத்து நாங்கள் இணையும் படத்தில் முழுவதுமாய் காட்டிவிடலாம். லோகேஷிற்கு சினிமாவிலும், என் மீதும் இருக்கும் அன்பு, படப்பிடிப்பில் ஒவ்வொரு நாளும், படத்தின் ஒவ்வொரு பிரேமிலும் தெரிகிறது. ரசிகர்களின் அன்பும் அவ்வாறே இருக்கிறது. உங்கள் அன்பு தொடர விழையும் ராஜ்கமல் இன்டர்நேஷனலின் ஊழியன், உங்கள் நான்'' என தெரிவித்துள்ளார்.

ஒரு பக்கம் தனது மகிழ்ச்சியை பரிசளித்து கொண்டாடிவரும் சூழலில் ‘விக்ரம்' படம் தனக்கு ஏற்படுத்திய தாக்கம் குறித்து நடிகர் கார்த்தி தனது கருத்தை வெளியிட்டுள்ளார்.

தனது ட்விட்டர் பக்கத்தில், ''அனைவரும் குறிப்பிட்டது போல் 'விக்ரம்' திரைப்படம் கமல்ஹாசனின் உண்மையான கொண்டாட்டம். அவரை திரையில் பார்த்தது பிரமிப்பாக இருந்தது. ஆக்‌சனும் காட்சியமைப்பும் சுவாரசியமான இணைப்புகள் மற்றும் ஆச்சரியங்கள் நிறைந்ததாக இருந்தது. பஹத் பாசில் தனது தீவிரமான நடிப்பை ஒருபோதும் கைவிடவில்லை. விஜய் சேதுபதி நெகட்டிவ் கதாபாத்திரத்தின் புதிய நிழலை வெளிப்படுத்தியிருக்கிறார்.

அனிருத் பின்னணி இசையில் மிரட்டியிருக்கிறார். ஆபத்தான காட்சிகளை இன்னும் பெரியதாகவும், மீட்பவர்களை சக்திவாய்ந்தவர்களாகவும் மாற்றியிருக்கிறார். இறுதியாக... ரோலக்ஸ் சாரை பார்ப்பதற்கு பயமாக இருந்தார். லோகேஷ் உங்கள் ரசிக மனப்பான்மையை முழுமையாக பார்வையாளர்களுக்கு கடத்திவிட்டீர்கள்'' என்று பதிவிட்டுள்ளார்.

அதே போன்று ‘விக்ரம்’ திரைப்படத்திற்கு டூடுல் வெளியிட்டு கமல்ஹாசனை கெளரவப்படுத்தியுள்ளது அமுல் இந்தியா நிறுவனம்.

இந்தியாவின் முன்னணி உணவுப் பொருள் உற்பத்தி நிறுவனங்களில் ஒன்றான அமுல் நிறுவனம் 'விக்ரம்' படத்தில் கமல்ஹாசன் மேற்கொண்ட கெட்டப்பை அப்படியே அமுல் சின்னமான அமுல் பேபிக்கு கொடுத்து விளம்பரம் செய்துள்ளது. நடப்பு நிகழ்வுகளை வைத்து காட்ர்டூன் வரைந்து விளம்பரமாக வெளியிடுவதை வாடிக்கையாக கொண்டுள்ளது. அதன் ஒரு பகுதியாக இது வெளியிடப்பட்டுள்ளது.
இந்தியன் 2 மீண்டும் தொடங்குமா?

இந்தியன் 2 மீண்டும் தொடங்குமா?


விக்ரம் படத்தின் வெற்றிக்கு பின்னர் கமல்ஹாசன் நடிக்கும் அடுத்த படம் பற்றிய எதிர்பார்ப்பு ஏற்பட்டுள்ளது. லைகா நிறுவனத்தின் தயாரிப்பில் இந்தியன்-2 படம் முடிவடையும் தருவாயில் படப்பிடிப்பு தளத்தில் விபத்து ஏற்பட்டது. அதைத்தொடர்ந்து கொரோனா பொது முடக்கம் காரணமாக படப்பிடிப்பையும் தொடர முடியாத சூழல் உருவானது.

பொது முடக்கத்திற்கு பின் கமல்ஹாசன் விக்ரம் படத்தில் நடிக்க போனார். இயக்குநர் ஷங்கர் தெலுங்கு படம் ஒன்றை இயக்க ஒப்பந்தமானார். இந்தியன்-2 படத்தை முடித்து கொடுக்காமல் ஷங்கர் வேறு படங்களை இயக்க கூடாது என்று லைகா நிறுவனம் நீதிமன்றத்தில் வழக்கு தொடர்ந்தது. பிரச்சினையை நீதிமன்றத்துக்கு வெளியில் இருதரப்பும் பேசி சுமுகமான முடிவுக்கு வருமாறு நீதிமன்றம் அறிவுறுத்தியது.

இதன் காரணமாக கமல்ஹாசன், ஷங்கர், லைகா சுபாஷ்கரன் இடையே சுமுகமான சூழல் நீடித்து வந்தது. இந்த நிலையில் தான் படத்தின் வெற்றி விழாவில் கலந்து கொள்வதற்காக லைகா நிறுவனர் சுபாஸ்கரன் சென்னை வந்திருந்தார். அப்போது கமல்ஹாசன் - லைகா நிறுவனத்திற்கு இடையிலான சிக்கல்கள், அதனை முடிவுக்கு கொண்டுவருவதற்கான பேச்சுவார்த்தை உதயநிதி ஸ்டாலின் ஏற்பாட்டில் நடந்திருக்கிறது.

பேச்சுவார்த்தை முடிவில் இந்தியன் 2 படத்தை முடித்துத் தரவேண்டும் என்கிற லைகாவின் கோரிக்கை ஏற்றுக்கொள்ளப்பட்டதோடு அதை உடனடியாகச் செய்துதரவும் கமல்ஹாசன் தரப்பில் ஒப்புதல் தரப்பட்டுள்ளது.

அதோடு, முதலில் பல்ராம் நாயுடு அதன்பின் தலைவன் இருக்கிறான் ஆகிய படங்களைக் காரணமாகக் காட்டி சுமார் அறுபது கோடி ரூபாயை லைகா நிறுவனத்திடமிருந்து முன் தொகையாக வாங்கியுள்ளார் கமல்ஹாசன்.

அந்தப் பணத்துக்கு என்ன பதில்? என்கிற கேள்வி வந்தபோது,விக்ரம் படம் தயாரிப்பில் இருக்குபோதே மலையாள இயக்குநர் மகேஷ் நாராயணன் இயக்கத்தில் அவர் நடிக்க இருப்பதாக செய்திகள் வெளியானது. ராஜ்கமல் இண்டர்நேஷனல் நிறுவனம் தயாரிக்கும் என கூறப்பட்ட அந்தபடத்தை முதல்பிரதி அடிப்படையில் தயாரித்து லைகா நிறுவனத்திற்கு தருவதாக கமல்ஹாசன் தரப்பில் தெரிவிக்கப்பட்டுள்ளது. இதனை லைகா தலைவர் சுபாஷ்கரன் ஏற்றுக்கொண்டுள்ளா.ர் இந்த பேச்சுவார்த்தைக்கு பின்னரே டான் படத்தின் வெற்றி விழா நிகழ்வில் இந்தியன்-2 படத்தின் படப்பிடிப்பு தொடங்கி முடிக்கப்படும் என உதயநிதி ஸ்டாலின் அறிவித்தார் என்கின்றனர் திரைத்துறை வட்டாரத்தில்.

Tuesday, June 7, 2022

கமல்ஹாசன் எழுதிய கடிதம்: நெகிழ்ந்த லோகேஷ் கனகராஜ்..!!!

கமல்ஹாசன் எழுதிய கடிதம்: நெகிழ்ந்த லோகேஷ் கனகராஜ்..!!!


'விக்ரம்' பட வெற்றிக்காக நடிகர் கமல்ஹாசன், இயக்குநர் லோகேஷ் கனகராஜை பாராட்டி தன் கைப்பட கடிதம் ஒன்றை எழுதியுள்ளார்.

லோகேஷ் கனகராஜ் இயக்கத்தில் நடிகர் கமல்ஹாசன், விஜய்சேதுபதி உள்ளிட்ட பலர் நடித்து இருக்கக்கூடிய 'விக்ரம்' திரைப்படம் கடந்த வாரம் வெள்ளிக்கிழமை திரையரங்குகளில் வெளியானது. இந்த திரைப்படம் வெளியாகி நான்கு நாட்கள் கடந்துள்ள நிலையில் உலகம் முழுவதும் 100 கோடிக்கும் அதிகமான வசூலையும் இந்தியாவில் மட்டும் 100 கோடி வசூல் பெற்று விமர்சன ரீதியாகவும் வசூல் ரீதியாகவும் வெற்றி அடைந்துள்ளது.

நான்கு வருடங்களுக்கு பிறகு நடிகர் கமல்ஹாசன் திரையில் வருகிறார் அதுவும் வெற்றிப்படம் கொடுத்து உள்ளார். நடிகர் கமல்ஹாசனின் தீவிர ரசிகரான லோகேஷ் கனகராஜ் அவரை வைத்து படத்தை இயக்கி மாபெரும் வெற்றியை கொடுத்திருப்பது கமல்ஹாசனை மிகுந்த மகிழ்ச்சி அடையச் செய்துள்ளது. இதன் பொருட்டு தனது அன்பை வெளிப்படுத்தும் விதமாக நடிகர் கமல்ஹாசன், லோகேஷ் கனகராஜுக்கு கடிதம் ஒன்று எழுதியுள்ளார்.

அதில், 'அன்பு லோகேஷ், உங்கள் பெயருக்கு முன்னால் 'திரு' போடாமல் விட்டது விபத்தல்ல. திரு. கனகராஜ் அவர்களுக்கு உங்கள் பால் உள்ள உரிமையை நான் எடுத்துக்கொண்டேன். இது நமக்குள் தனிப்பட்ட கடிதம் என்பதால். உங்கள் சாதனைக்கான பதவிக்கான மரியாதை பொது வெளியில் எப்போதும் தொடரும். என் ரசிகர்கள் மற்ற ரசிகர்களைவிட வித்தியாசமாக இருப்பது அவசியம் என்ற என் ஆசை, பேராசை என்றனர் என் விமர்சகர்கள். ஆனால், அதையும் தாண்டி என் முன்னணி ரசிகர் முன்னணி திறைமையாளராகவும் இருப்பது நான் ஆசைப்பட்டதைவிடவும் அதிகம்.

உங்களை பாராட்ட வார்த்தைகளே இல்லை என்பதை நான் உட்பட யார் சொன்னாலும் நம்ப வேண்டாம். யூ டியூப்பை திறந்தால் வார்த்தைகளின் களஞ்சியமே தென்படும். உங்கள் வெற்றி தொடர வாழ்த்துக்கள். விழித்திருங்கள், தனித்திருங்கள், பசித்திருங்கள். உங்கள் அன்ன பாத்திரம் எப்போதும் நிறையும். உங்கள் கமல்ஹாசன்' என அதில் தெரிவித்துள்ளார்.

இந்த கடிதத்தை லோகேஷ் கனகராஜ் தனது ட்விட்டர் பக்கத்தில் பகிர்ந்து, 'Life Time Settlement Letter' என்று கூறி, 'இதை படித்ததும், இப்போது எவ்வளவு உணர்ச்சி வயப்பட்டு இருக்கிறேன் என்பதை வார்த்தைகளால் விவரிக்க முடியாது. நன்றி ஆண்டவரே!' என கூறியுள்ளார்.

லோகேஷ் கனகராஜூக்கு கமல் எழுதிய இந்த கடிதத்திற்கு பலரும் தங்களது வாழ்த்துகளை தெரிவித்து வருகின்றனர்.

Monday, June 6, 2022

சிவகார்த்திகேயனுக்கு வில்லனாகும் மிஷ்கின்?

சிவகார்த்திகேயனுக்கு வில்லனாகும் மிஷ்கின்?


நடிகர் சிவகார்த்திகேயனின் அடுத்த படத்தில் இயக்குநர் மிஷ்கின் வில்லனாக நடிக்க உள்ளதாக தகவல் வெளியாகியுள்ளது.

தமிழில் முன்னணி நடிகராக இருப்பவர் நடிகர் சிவகார்த்திகேயன். கொரோனா காலக்கட்டத்திற்கு பின்பு நெல்சன் இயக்கத்தில் ‘டாக்டர்’ மற்றும் அறிமுக இயக்குநர் சிபி சக்ரவர்த்தி இயக்கத்தில் ‘டான்’ என அடுத்தடுத்து இரண்டு வெற்றி படங்களை கொடுத்துள்ளார். இந்த இரண்டு படங்களும் தற்போது 100 கோடி வசூலை செய்து நல்ல வரவேற்பை பெற்றது.

இந்த படங்களை அடுத்து தற்போது சிவகார்த்திகேயன் அனுதீப் இயக்கத்தில் தனது 21 வது படத்தில் நடித்து வருகிறார். இதற்கான படப்பிடிப்பு தற்போது பாண்டிச்சேரியில் நடந்து வருகிறது. இந்த கதையில் சிவகார்த்திகேயன் டூரிஸ்ட் கைடாக நடிக்கிறார் எனவும் சொல்லப்படுகிறது. இந்த திரைப்படம் இந்த வருடம் ஆகஸ்ட் மாதம் வெளியாக இருக்கிறது. இந்த படத்திற்கு அடுத்து தனது 22வது படத்தை சிவகார்த்திகேயன் நடிகர் கமல்ஹாசனின் ராஜ்கமல் ஃபிலிம்ஸ் இண்டர்நேஷனல் தயாரிப்பில் ராஜ்குமார் பெரியசாமி இயக்கத்தில் நடிக்கிறார். இதில் சிவகார்த்திகேயனுக்கு ஜோடி சாய்பல்லவி என அதிகாரப்பூர்வமாக அறிவிக்கப்பட்டுள்ளது. இதற்கடுத்து ‘மண்டேலா’ இயக்குநர் மடோன் அஸ்வினுடன் அடுத்த படத்தில் இணைகிறார்.

இந்த திரைப்படத்தில் தான் சிவகார்த்திகேயனுக்கு வில்லனாக நடிப்பதற்காக இயக்குநர் மிஷ்கினிடம் பேச்சு வார்த்தை நடக்கிறது. நடிகர் மிஷ்கின் தனது சமீபத்திய பேட்டி ஒன்றில் நடிப்பதன் மூலம் வரும் பணத்தை தனது மகளின் திருமணத்திற்காக சேர்த்து வைப்பதாக கூறியிருந்தார். இந்த படத்தில் சிவகார்த்திகேயன் ஜோடியாக கியாரா அத்வானி நடிக்கிறார்.
அடுத்த பட இயக்குநர் இவர்தான் : உறுதி செய்த கமல்..!!!

அடுத்த பட இயக்குநர் இவர்தான் : உறுதி செய்த கமல்..!!!


‘விக்ரம்’ திரைப்படத்திற்கு பிறகு தனது அடுத்த பட இயக்குநரை நடிகர் கமல்ஹாசன் உறுதிப்படுத்தியுள்ளார்.

லோகேஷ் கனகராஜ் இயக்கத்தில் நடிகர் கமல்ஹாசன், பகத் பாசில், விஜய்சேதுபதி உள்ளிட்ட பலர் நடித்திருக்க கூடிய திரைப்படம் ‘விக்ரம்’. கடந்த வாரம் திரையரங்குகளில் நேரடியாக வெளியாகி நல்ல வரவேற்பை பெற்று வருகிறது. விமர்சன ரீதியாகவும் வசூல் ரீதியாகவும் இந்த திரைப்படம் நல்ல வரவேற்பை பெற்று வருகிறது. வெளியாகி மூன்று நாட்களுக்குள்ளேயே இந்தியாவில் 100 கோடி ரூபாய் வசூலையும் உலகளவில் நூறு கோடிக்கும் அதிகமான வசூலையும் இந்த திரைப்படம் பெற்றுள்ளது.

கிட்டத்தட்ட நான்கு வருடங்களுக்கு பிறகு திரையரங்குகளில் வெளியாகி இருக்கும் கமல்ஹாசனுடைய திரைப்படம் என்பதாலும் அது நல்ல வரவேற்பை பெற்று வருகிறது என்பதாலும் ரசிகர்கள் குஷியில் உள்ளனர். மேலும் ‘விக்ரம்’ படத்தின் ஆடியோ வெளியீட்டு விழாவின் போதே மதுரை கதை களத்தில் இயக்குநர் இரஞ்சித்- கமல் கூட்டணி உறுதி செய்யப்பட்டது. மேலும் ‘விக்ரம்’ படத்தின் அடுத்த பாகமாக ‘விக்ரம்3’ இயக்குநர் லோகேஷுடனும் உறுதி செய்தார் கமல்ஹாசன். இதுமட்டுமில்லாமல் ‘இந்தியன்2’ பட வேலைகளும் இருக்கிறது. இதனால், எந்த படம் முதலில் தொடங்க இருக்கிறது என்ற குழப்பம் ரசிகர்களிடையே இருந்தது. இப்போது அதை தெளிவுப்படுத்தும் வகையில் கமல்ஹாசன் பதிலளித்துள்ளார்.

தன்னுடைய அடுத்த படம் ’மாலிக்’, ‘டேக் ஆஃப்’ ஆகிய மலையாள படங்களை இயக்கிய மகேஷ் நாராயணன் இயக்கத்தில் நடிக்க போகிறேன் என சமீபத்தில் விஜய் டிவியில் கலந்து கொண்ட நிகழ்ச்சி ஒன்றில் உறுதிப்படுத்தியுள்ளார். மகேஷ் நாராயணன் ஏற்கனவே கமல்ஹாசனின் ‘விஸ்வரூபம்’ படத்தில் எடிட்டராக பணியாற்றி உள்ளார்.

மேலும் இதன் திரைக்கதையை கமல்ஹாசனே எழுதி இருக்கிறார். 1992ம் ஆண்டு பரதன் இயக்கத்தில் கமல்ஹாசனின் திரைக்கதை, வசனம் மற்றும் தயாரிப்பில் வெளியான ‘தேவர் மகன்’ படத்தின் தொடர்ச்சியாக இது இருக்கும் என கூறப்படுகிறது.

கமல்ஹாசன் தற்போது இதற்கான திரைக்கதை வேலையில் இருக்கிறார்.

Sunday, June 5, 2022

பாலிவுட்டில் எண்ட்ரி கொடுக்கும் அனிருத்..!!!

பாலிவுட்டில் எண்ட்ரி கொடுக்கும் அனிருத்..!!!


அட்லி படம் மூலமாக அனிருத் பாலிவுட்டில் எண்ட்ரி கொடுக்க இருக்கிறார்.

பாலிவுட்டில் இயக்குநர் அட்லி ஷாருக்கானை இயக்கும் படத்திற்கான அதிகாரப்பூர்வ அறிவிப்பு தற்போது வெளியாகியுள்ளது. 'ஜவான்' என இந்த படத்திற்கு தலைப்பிடப்பட்டுள்ளது.

இது குறித்து அட்லி தனது ட்வீட்டில், 'எமோஷனலாகவும் மகிழ்ச்சியாகவும் இருக்கிறது. உங்களை பார்த்து வளர்ந்த நான் இப்போது உங்களையே இயக்குகிறேன். இதை நான் கற்பனை செய்து கூட பார்க்கவில்லை. ஷாருக்கான் சாரும் நானும் 'ஜவான்' படம் பற்றி அறிவிப்பதில் மகிழ்ச்சியாக உள்ளது. அடுத்த வருடம் 2023ல் ஜூன் 2ல் இந்தி, தமிழ், தெலுங்கு, கன்னடம், மலையாளம் என ஐந்து மொழிகளில் பான் இந்தியா படமாக வெளியாக இருக்கிறது' என அறிவித்துள்ளார்.

மேலும், இந்த படத்துக்கு இசையமைக்கும் அனிருத் தனது ட்விட்டர் பக்கத்தில், 'என் கனவு நனவாகி உள்ளது. பாலிவுட் பாட்ஷாவாகிய ஷாருக்கானுக்கு நான் இசையமைக்கிறேன். இதற்காக நான் நன்றியும் பெருமையும் என் சகோதரர் அட்லிக்கு தெரிவித்து கொள்கிறேன்.

இது நிச்சயம் எங்களுக்கு பெருமையான ஒன்று' என 'ஜவான்' பட அறிவிப்பு டீசரையும் வெளியிட்டுள்ளார்.

இடையில் அட்லி- ஷாருக்கான் படம் கைவிடப்பட்டது என தகவல் வந்தது. ஆனால், ‘பீஸ்ட்’ படத்தின் ட்ரைய்லர் வெளியான போது அட்லிக்கு மிக பிடித்த நடிகர் விஜய்யின் ‘பீஸ்ட்’ பட ட்ரைய்லரை அட்லியுடன் சேர்ந்து பார்த்ததாக ஷாருக்கான் தனது ட்விட்டர் பக்கத்தில் பதிவிட்ட ட்வீட் மூலம் அட்லி- ஷாருக்கான் படம் கைவிடப்பட்டது என்ற வதந்திக்கு முற்றுப்புள்ளி வைத்தார்.

அட்லி இயக்கத்தில் ஷாருக்கான் இரண்டு வேடங்களில் நடிக்கிறார் எனவும் இந்த படத்தின் கதாநாயகியான நயன்தாரா விசாரணை அதிகாரி வேடத்தில் நடிக்கிறார் எனவும் கூறப்படுகிறது. மேலும் படப்பிடிப்பு புனே உள்ளிட்ட பகுதிகளில் நடைபெற்று வருகிறது. படத்தில் சுனில் குரோவர், சானியா மல்கோத்ரா உள்ளிட்ட பலர் நடிக்கின்றனர். ஆர்யன் கைது, ‘பதான்’ படப்பிடிப்பு ஆகியவற்றிற்கு பின்பு ஷாருக்கான் இப்போது மீண்டும் அட்லி படப்பிடிப்பில் கலந்து கொண்டு இருக்கிறார்.
விஜய்யுடன் மீண்டும் இணையும் சமந்தா?

விஜய்யுடன் மீண்டும் இணையும் சமந்தா?


லோகேஷ் அடுத்து விஜய்யுடன் இணையும் படத்தில் மீண்டும் சமந்தா நாயகியாக இணைய இருப்பதாக தகவல் வெளியாகியுள்ளது.

லோகேஷ் கனகராஜ் இயக்கத்தில் கமல்ஹாசன், விஜய்சேதுபதி, பகத் பாசில் உள்ளிட்டோர் நடித்திருக்கும் படம் 'விக்ரம்'. திரையரங்குகளில் வெளியாகி படம் ரசிகர்களிடையே நல்ல வரவேற்பைப் பெற்று வருகிறது. இந்நிலையில் லோகேஷின் அடுத்த படம் குறித்தான எதிர்ப்பார்ப்பும் ரசிகர்களிடையே அதிகரித்துள்ளது. 'விக்ரம்' படம் வெளியாவதற்கு முன்பே லோகேஷ் மீண்டும் நடிகர் விஜய்யுடன் இணைகிறார் என்ற பேச்சு இருந்த நிலையில், சமீபத்தில் ஒரு விருது மேடையிலும் அதை லோகேஷ் கனகராஜ் உறுதிப்படுத்தினார்.

நடிகர் விஜய் தற்போது வம்சி இயக்கத்தில் தனது 66வது படத்தில் நடித்து வருகிறார். படத்தின் இரண்டாம் கட்ட படப்பிடிப்பு சமீபத்தில் சென்னையில் முடிவடைந்த நிலையில் மீண்டும் அடுத்த கட்ட படப்பிடிப்பு சென்னையில் சீக்கிரம் தொடங்க உள்ளது. இதற்கடுத்து தான் லோகேஷ் இயக்கத்தில் நடிக்க உள்ளார்.

இந்த படத்தில் தான் சமந்தா கதாநாயகியாக மீண்டும் விஜய்யுடன் நடிக்க உள்ளார். ஏற்கனவே சமந்தா விஜய்யுடன் 'தெறி', 'மெர்சல்' ஆகிய படங்களில் நடித்துள்ளார். இந்த செய்தி உறுதியானால் சமந்தா விஜய்யுடன் இணைந்து நடிக்கும் மூன்றாவது படமாக இது இருக்கும்.

'விக்ரம்' படம் வெளியானதுக்கு பின்பு அடுத்த ஒரு வாரத்தில் தனது அடுத்த படம் குறித்தான அறிவிப்பு வெளியாகும் என லோகேஷ் முன்பு சொல்லி இருந்தார். அதனால், அடுத்த வாரத்தில் இந்த செய்தியும் உறுதிப்படுத்தப்படும் என எதிர்ப்பார்க்கலாம்.
கமலுடன் நடிப்பது என் கனவு - சூர்யா..!!!

கமலுடன் நடிப்பது என் கனவு - சூர்யா..!!!


'விக்ரம்' படத்தில் நடிகர் கமல்ஹாசனுடன் இணைந்து நடித்தது பற்றி நடிகர் சூர்யா ட்வீட் செய்துள்ளார்.

லோகேஷ் கனகராஜ் இயக்கத்தில் கமல்ஹாசன், விஜய்சேதுபதி உள்ளிட்ட பலர் நடித்து இருக்கக்கூடிய 'விக்ரம்' திரைப்படம் நேற்று திரையரங்குகளில் வெளியானது. விமர்சன ரீதியாகவும் வசூல் ரீதியாகவும் ரசிகர்களிடையே நல்ல வரவேற்பை பெற்று வருகிறது. தமிழகத்தில் மட்டும் முதல் நாள் வசூலாக 30 கோடி கடந்துள்ளது. உலகளவில் முதல் நாள் வசூல் 40 கோடியை கடந்துள்ளது . விரைவில் இந்த திரைப்படம் உலகம் முழுவதும் 100 கோடியை எட்டும் என எதிர்பார்க்கப்படுகிறது

விக்ரம் படத்தின் கிளைமாக்ஸ் காட்சியில் 'விக்ரம்3' திரைப்படத்திற்கான கதையின் தொடக்கமாக நடிகர் சூர்யாவின் கதாபாத்திரமான 'ரோலக்ஸ்' கதையும் இடம்பெற்றிருக்கும்.

நடிகர் சூர்யாவிற்கு இந்த படத்தில் நடிக்க கடைசி நேரத்தில்தான் அழைப்பு விடுக்கப்பட்டிருந்தது. இரண்டு நாட்கள் கால்ஷீட்டில் படத்தில் அவருக்கான 4 நிமிட காட்சி படமாக்கப்பட்டுள்ளது. படத்தில் நடிகர் சூர்யாவின் கதாபாத்திரம் ரசிகர்கள் மத்தியில் மிகுந்த வரவேற்பை பெற்று வருகிறது.

இந்த நிலையில் இந்தப் படத்தில் நடிகர் கமல்ஹாசனுடன் இணைந்து நடித்தது பற்றி சூர்யா ட்வீட் செய்துள்ளார். அதில், ' அன்புள்ள கமல்ஹாசன் அண்ணா! நான் எப்படி சொல்வேன்? உங்களுடன் சேர்ந்து நடிப்பதும் உங்களுடன் திரையை பகிர்ந்து கொள்வதும் என்பது என்னுடைய கனவு. அது நனவானது என்பது மிகுந்த மகிழ்ச்சி அளிக்கக்கூடிய விஷயம். இதை உருவாக்கி கொடுத்ததற்கு நன்றி.

படத்தின் வெற்றிக்காக அத்தனை நல்ல விமர்சனங்களையும் பாராட்டுகளையும் லோகேஷ் கனகராஜ் பெறும்பொழுது பார்க்கவே நிறைவாக உள்ளது" என தனது மகிழ்ச்சியை வெளிப்படுத்தியுள்ளார்.

Saturday, May 28, 2022

'பிகில்' மைக்கேல் ராயப்பன் கதை தனிப்படமாக உருவாகிறதா?

'பிகில்' மைக்கேல் ராயப்பன் கதை தனிப்படமாக உருவாகிறதா?


பிகில்' படத்தில் நடிகர் விஜய்யின் மைக்கேல் ராயப்பன் கதாப்பாத்திரத்தின் கதையை தனிப்படமாக உருவாக்குவதாக இயக்குநர் அட்லி தெரிவித்துள்ளார்.

2019ஆம் ஆண்டு அட்லி இயக்கத்தில் நடிகர் விஜய், நயன்தாரா, யோகிபாபு உள்ளிட்ட பலர் நடித்திருந்த படம் 'பிகில்'. இந்த படத்தில் அப்பா மகன் என இரண்டு வேடத்தில் நடிகர் விஜய் நடித்திருப்பார். இதில் அப்பாவாக வரும் விஜய்யின் கதாபாத்திர பெயர் மைக்கேல் ராயப்பன். மகன் கதாப்பாத்திர பெயர் 'பிகில்'.

'தெறி', 'மெர்சல்' படங்களுக்கு பிறகு மூன்றாவது முறையாக இயக்குநர் அட்லீ நடிகர் விஜய்யுடன் இணைந்த 'பிகில்' படம் விமர்சன ரீதியாக பின் தங்கி இருந்தாலும் வசூல் ரீதியாக நல்ல வரவேற்பைப் பெற்றிருந்தது.

இந்தப்படத்தின் ஓடிடி உரிமத்தை அமேசான் ப்ரைம் கைப்பற்றிய நிலையில், படத்தில் இருந்து மைக்கேல் ராயப்பனின் வீடியோ காட்சி ஒன்றை ட்விட்டர் பக்கத்தில் பதிவிட்டு, 'மைக்கேல் ராயப்பனின் முழு கதையை மட்டும் தனி படமாக எடுத்தால் எப்படி இருக்கும்' என ரசிகர்களிடம் கருத்து கேட்டுள்ளது.

இதற்கு, இயக்குநர் அட்லி அந்த வீடியோவை கோட் செய்து 'செஞ்சிட்டா போச்சு' என ட்வீட் செய்துள்ளார். அப்படி மைக்கேல் ராயப்பனின் கதையை மட்டும் தனிப்படமாக எடுத்தால் அந்த படம் நிச்சயம் 'பிகில்' படத்தின் முன்னுரையாக இருக்கும் எனவும், நல்ல வரவேற்பு ரசிகர்களிடம் இருக்கும் எனவும் இணையதளத்தில் ரசிகர்கள் கமெண்ட் செய்து வருகின்றனர்.

இயக்குநர் அட்லி தற்போது பாலிவுட்டில் ஷாருக்கான் வைத்து படம் இயக்க உள்ளார். இதற்கு அடுத்து மீண்டும் நடிகர் விஜயுடன் அட்லி இணைவதற்கு அதிக வாய்ப்புகள் இருக்கும் என எதிர்பார்க்கப்படுகிறது. 'விக்ரம்' படத்திற்கு பிறகு லோகேஷ் கனகராஜ் நடிகர் விஜய்யுடன் அவரது 67வது படத்தில் இணைகிறார் என்பதை சமீபத்தில் லோகேஷ் கனகராஜ் விருது விழா மேடை ஒன்றில் உறுதிப்படுத்தினார். லோகேஷ் படத்தை அடுத்தே அட்லி நடிகர் விஜய்யுடன் இணைவார் என்கிறது சினிமா வட்டாரம்.
தனுஷ் பிறந்தநாளில் 'திருச்சிற்றம்பலம்'?

தனுஷ் பிறந்தநாளில் 'திருச்சிற்றம்பலம்'?


'மாறன்' திரைப்படத்திற்குப் பிறகு நடிகர் தனுஷின் 'திருச்சிற்றம்பலம்' திரைப்படம் அடுத்த மாதம் நேரடியாக திரையரங்குகளில் வெளியாக இருக்கிறது என தகவல் வெளியாகியுள்ளது.

'யாரடி நீ மோகினி' உள்ளிட்ட திரைப்படங்களை இயக்கிய மித்ரன் ஜவஹர் இயக்கத்தில் நடிகர் தனுஷ், நித்யாமேனன், பிரியா பவானி சங்கர், ராஷி கண்ணா உள்ளிட்ட பலரும் நடித்து இருக்கக்கூடிய திரைப்படம் 'திருச்சிற்றம்பலம்'.

அனிருத் இசையமைத்திருக்க கூடிய இந்த படத்தை சன் பிக்சர்ஸ் தயாரித்து இருக்கிறது. கடந்த வருடம் ஆகஸ்ட் மாதம் படப்பிடிப்பு, பூஜையுடன் தொடங்கியது. இப்பொழுது படப்பிடிப்பு முடிந்து படத்தின் போஸ்ட் புரொடக்ஷன் பணிகள் நிறைவடைந்து படம் வெளியீட்டிற்கு தயாராக உள்ளது.

வருகிற ஜூலை மாதம் தனது 39-வது பிறந்தநாளை நடிகர் தனுஷ் கொண்டாட இருக்கும் நிலையில் அவரது பிறந்த நாள் அன்று படத்தை வெளியிட தயாரிப்பு நிறுவனமான சன் பிக்சர்ஸ் திட்டமிட்டிருப்பதாக தகவல்கள் வெளியாகியுள்ளன.

நடிகர் தனுஷ் ஹாலிவுட்டில் நடித்துள்ள படமான 'தி க்ரேமேன்' ஜூலை மாதம் 22ஆம் தேதி நேரடியாக வெளியாக இருக்கிறது. படத்தை இயக்கிய ரூசோ சகோதரர்கள் தனுஷின் மிகப்பெரிய ரசிகர்கள் என்றும் அவருக்காகவே இந்த கதாபாத்திரத்தை உருவாக்கியதாகவும் தெரிவித்திருக்கின்றனர்.

இந்த படம் மட்டுமல்லாது நடிகர் தனுஷ், செல்வராகவன் இயக்கத்தில் 'நானே வருவேன்', தமிழ் தெலுங்கு பைலிங்குவலாக உருவாகி வரும் 'வாத்தி', அருண் மாதேஸ்வரன் இயக்கத்தில் ஒரு படம் மாரி செல்வராஜ் இயக்கத்தில் மீண்டும் ஒரு படம் என அடுத்தடுத்து கைவசம் தனுஷ் படங்கள் வைத்துள்ளார்.
'டாக்டர்' படத்தை தொடர்ந்து 'டான்' படமும் 100 கோடி வசூல்..!!!

'டாக்டர்' படத்தை தொடர்ந்து 'டான்' படமும் 100 கோடி வசூல்..!!!


நடிகர் சிவகார்த்திகேயனின் 'டான்' திரைப்படம் 100 கோடி வசூலை ஈட்டியுள்ளது.

புதுமுக இயக்குநர் சிபிசக்கரவர்த்தி இயக்கத்தில் நடிகர் சிவகார்த்திகேயன், பிரியங்கா மோகன், சமுத்திரகனி உள்ளிட்ட பலர் நடித்த திரைப்படம் 'டான்'. இந்த மாதம் திரையரங்குகளில் நேரடியாக வெளியானது. கல்லூரியில் மாணவர்களுக்கு டானாக இருக்கும் ஒருவன் தனது தந்தை பாசத்தை புரிந்து கொண்டு தனது லட்சியத்தில் எப்படி வெற்றி அடைகிறான் என்ற ஒரு வரி தான்

டான் கதை.

படத்தின் முன்பாதி கலகலப்பாகவும், பின்பாதி சென்டிமென்ட்டாகவும் நகர்கிறது. இது ரசிகர்களிடையே பாராட்டுகளை பெற்று விமர்சன ரீதியாகவும் வசூல் ரீதியாகவும் நல்ல வரவேற்பை பெற்றுள்ளது. இந்த படம் உலகம் முழுவதும் வெளியாகி 100 கோடி ரூபாய் வசூலை ஈட்டியுள்ளது என படக்குழு தற்போது அதிகாரப்பூர்வமாக அறிவித்துள்ளது. இதற்கு முன்பு சிவகார்த்திகேயனின் 'டாக்டர்', திரைப்படம் 100 கோடி வசூல் செய்தது. இதனை அடுத்து அவருடைய அடுத்த படமான 'டானும் 100 கோடி ரூபாய் வசூல் செய்துள்ளது அவரது ரசிகர்களிடையே மகிழ்ச்சியை ஏற்படுத்தியுள்ளது.

இந்த வெற்றியை தந்த ரசிகர்களுக்கு நன்றி தெரிவிக்கும் விதமாக சிவகார்த்திகேயன் தன்னுடைய சமூக வலைதளப் பக்கத்தில், திரையரங்கத்தில் ரசிகர்களின் கொண்டாட்ட வீடியோக்களை பகிர்ந்து நன்றி தெரிவித்துள்ளார்.
விக்ரம்' ஓடிடி ரிலீஸ் எப்போது?

விக்ரம்' ஓடிடி ரிலீஸ் எப்போது?


நடிகர் கமல்ஹாசனின் 'விக்ரம்' திரைப்படத்தின் ஓடிடி ரிலீஸ் எப்போது என்று தகவல் வெளியாகியுள்ளது.

நடிகர் கமல்ஹாசனின் தீவிர ரசிகரான லோகேஷ் கனகராஜ் மாஸ்டர் படத்திற்கு பிறகு கமலை வைத்து இயக்கியுள்ள திரைப்படம் 'விக்ரம்'. இந்த திரைப்படத்தில் நடிகர்கள் விஜய்சேதுபதி, பகத்பாசில், காளிதாஸ் ஜெயராம் உள்ளிட்ட பலர் நடித்துள்ளனர். அனிருத் இசையமைத்து இருக்கிறார். நடிகர் கமல்ஹாசனின் ராஜ்கமல் பிலிம்ஸ் இண்டர்நேஷனல் இந்த படத்தை தயாரித்து இருக்கிறது. இந்த திரைப்படம் அடுத்த மாதம் ஜூன் 3ஆம் தேதி திரையரங்குகளில் தமிழ், தெலுங்கு, மலையாளம், கன்னடம், இந்தி உள்ளிட்ட 5 மொழிகளில் இந்தியா முழுவதும் வெளியாக இருக்கிறது.

இதனையொட்டி படக்குழு தீவிரமான புரமோஷன் பணிகளில் இறங்கியுள்ளது. கடந்த மாதத்தில் இருந்தே இந்திய ரயில் பெட்டிகளில் 'விக்ரம்' படத்தின் போஸ்டர், சென்னையில் பிரமாண்டமான இசை வெளியீடு மற்றும் முன்னோட்ட விழா, கேன்ஸ் திரைப்பட விழாவில் ட்ரைய்லர் வெளியீடு, சென்னையில் பத்திரிகையாளர்கள் சந்திப்பு என படத்தின் பிரமோஷன் களைகட்டியது.

இப்பொழுது மற்ற மொழிகளிலும் படம் வெளியாக இருப்பதால் இன்று கொச்சின், அடுத்து கோலாலம்பூர் மலேசியா என படக்குழு அடுத்தடுத்து மற்ற ஊர்களுக்கும் தீவிர சுற்றுப்பயணம் மேற்கொள்ள திட்டமிட்டுள்ளது. சென்னையில் நடந்த பத்திரிகையாளர்கள் சந்திப்பில் நடிகர் கமல்ஹாசன் பேசும்போது படத்தை ஒரிஜினல் 'விக்ரம்' திரைப்படத்தின் வெளியீட்டு தேதியான மே 29-ஆம் தேதி வெளியிட முடிவு செய்து இருந்தோம்.

ஆனால் கொரோனா மற்றும் வேறு பணிகள் காரணமாக பட வெளியீடு தள்ளிப் போய் ஜூன் 3ஆம் தேதி வெளியாகிறது. கலைஞர் பிறந்த நாளில் படம் வெளியாவது மகிழ்ச்சி என தெரிவித்திருந்தார். இதன் சாட்டிலைட் உரிமத்தை விஜய் டிவி கைப்பற்றியுள்ளது. மேலும் ஓடிடி உரிமமும் டிஸ்னி+ஹாட்ஸ்டாரிடம் உள்ளதாக தகவல் வெளியாகி உள்ளது.

'விக்ரம்' திரைப்படம் படம் வெளியாகி 30 நாட்கள் கழித்து அதாவது ஆகஸ்ட் மாத தொடக்கத்தில் ஓடிடி தளங்களில் வெளியாவதற்கு அதிக வாய்ப்புகள் இருப்பதாக கூறப்படுகிறது. மேலும் திரையரங்குகளில் படம் வெளியான பின்பு இணையதளத்தில் வெளியிடவும் தடை விதிக்கப்பட்டுள்ளது.

Wednesday, May 25, 2022

முருகதாஸின் புதியபட அப்டேட்..!!!

முருகதாஸின் புதியபட அப்டேட்..!!!


தமிழ் தெலுங்கு, இந்திமொழிகளில் திரைப்படங்களை இயக்கியவர் ஏ.ஆர்.முருகதாஸ்.

விஜய் நடிப்பில் துப்பாக்கி, கத்தி, சர்க்கார் படங்களை இயக்கியவர் ரஜினிகாந்த் நடித்த தர்பார் படத்தையும் இயக்கினார். சர்க்கார் படத்தின் கதை பஞ்சாயத்தில் முருகதாஸ் நீதிமன்றம் வரை சென்று சமரசம் செய்து கொள்ள வேண்டிய நிலை ஏற்பட்டது. தமிழில் தொடர்ச்சியாக முன்னணி நடிகர்கள் இவரது இயக்கத்தில் நடிக்க தயக்கம் காட்டியதால் மீண்டும் விஜய் நடிக்கும் படத்தை இயக்க கதை சொன்னார். அவர் சொன்ன கதை விஜய்க்கு திருப்தி இல்லாததால் அந்த படம் தொடரவில்லை.

இந்த நிலையில் சிறிய இடைவெளிக்கு பின் 1947 ஆகஸ்ட் 16 என்ற தலைப்பில் ஒரு படத்தை தயாரிக்கிறார். வரலாற்று பின்னணி கொண்ட கதையில் உருவாகி வரும் இந்தப்படத்தில் கவுதம் கார்த்திக், குக் வித் கோமாளி புகழ் உள்பட பலர் நடிக்கின்றனர். புதுமுகம் ரேவதி நாயகியாக நடிக்க, முருகதாஸிடம் நீண்ட காலமாக இணை இயக்குநராக இருந்த என்.எஸ்.பொன்குமார் இந்த படத்தை இயக்குகிறார்.

இந்திய சுதந்திர போராட்டம் உச்சக்கட்டத்தை எட்டிய போது, ஒரு கிராமத்தில் ஒரு துணிச்சலான வீரன் பிரிட்டிஷ் படைகளுடன் போரிடும் கதையைச் சொல்கிறது.

படம் பற்றி முருகதாஸ் கூறுகையில், “ '1947- ஆகஸ்ட் 16’ இதயத்தை தொடும் ஒரு நேர்மையான கதை. மனதை அசைத்து பார்க்கும் அற்புதமான படைப்பு. இந்த கதையை உருவாக்க வேண்டிய கட்டாயத்தை கதையே ஏற்படுத்தியுள்ளது. இந்த படத்தை நீங்கள் ஒருமுறை பார்த்தால் என்றென்றும் அது உங்கள் மனதில் நிலைத்து இருக்கும்” என்று கூறியுள்ளார்.

இயக்குனர் பொன்குமார் கூறுகையில், “இது சுதந்திரப் போராட்டக் கதையல்ல, 'சுதந்திரம் என்றால் என்ன' என்பதை புரிந்து கொள்ளும் அப்பாவி கிராம மக்கள் கூட்டம் பற்றிய கதை. அவர்களில் ஒருவர் தான் கதாநாயகன், எப்பொழுதும் ஆக்ரோஷமும் கோபமும் கொண்டவர், ஏங்கும் இதயம் கொண்ட கதாநாயகி, தங்கள் பிரச்சனைகளைப் பற்றி ஏளனமாகச் சிரிப்பவர்கள், மற்றும் காதலிக்கும் வயதான தம்பதிகள் இந்த கதையின் கதாபாத்திரங்கள் இந்தக் கதாப்பாத்திரங்களைச் சுற்றிச் சுழலும் என்றார்.

இந்த படத்தின் முதல் பார்வை போஸ்டரை சிவகார்த்திகேயன் இன்று வெளியிட்டுள்ளார்.

Sunday, May 15, 2022

கமல் நடித்துள்ள விக்ரம் திரைப்படத்தின் டிரைலர் வெளியீடு..!!!

கமல் நடித்துள்ள விக்ரம் திரைப்படத்தின் டிரைலர் வெளியீடு..!!!


மிகவும் எதிர்பார்ப்புக்கு மத்தியில் கமல் நடித்துள்ள விக்ரம் திரைப்படத்தின் டிரைலர் இன்று வெளியாகியுள்ளது.

நடிகர் கமல்ஹாசன் நடிப்பில் லோகேஷ் கனகராஜ் இயக்கியுள்ள திரைப்படம் விக்ரம். இந்தத் திரைப்படத்தில் நடிகர் கமல்ஹாசனுடன் நடிகர்கள் விஜய் சேதுபதி, ஃபஹத் ஃபாசில் உள்ளிட்டோர் நடித்துள்ளனர். மேலும் படத்தில் நடிகர் சூர்யா சிறப்புத் தோற்றத்தில் நடித்துள்ளதாகவும் தகவல்கள் வெளியாகியுள்ளன.

கமல் படத்திற்கு முதல்முறையாக அனிருத் இசையமைத்துள்ளார். படத்தில் கமல்ஹாசன் எழுதி பாடிய 'பத்தல... பத்தல...' எனும் பாடல் மே 11ஆம் தேதி வெளியாகி ரசிகர்களிடையே நல்ல வரவேற்பை பெற்றுள்ளது. படம் ஜூன் 13ஆம் தேதி வெளியாகிறது.

இந்த நிலையில் படத்தின் மற்ற பாடல்கள் மற்றும் டிரைலர் இன்று வெளியாகும் என்று படக்குழு அறிவித்திருந்தது. அதன்படி விக்ரம் படத்தின் டிரைலர் தற்போது வெளியாகியுள்ளது. இதனை கமல் ரசிகர்கள் இணையதளங்களில் கொண்டாடி வருகின்றனர்.


Saturday, May 7, 2022

நடிகர் சிவகார்த்திகேயனின் ‘டான்’ திரைப்பட டிரைலர் வெளியீடு..!!!

நடிகர் சிவகார்த்திகேயனின் ‘டான்’ திரைப்பட டிரைலர் வெளியீடு..!!!

நடிகர் சிவகார்த்திகேயன் நடித்துள்ள டான் திரைப்படத்தின் டிரைலரை படக்குழுவினர் இன்று வெள்ளிக்கிழமை வெளியிட்டனர்.

அறிமுக இயக்குநரான சிபி சக்கரவர்த்தி இயக்கியுள்ள டான் படத்தில் சிவகார்த்திகேயன், பிரியங்கா மோகன், எஸ்ஜே சூர்யா, சமுத்திரகனி உள்ளிட்டோர் நடித்துள்ளனர். இந்தப் படத்தை சிவகார்த்திகேயன் புரொடக்ஷன்ஸ் மற்றும் லைகா நிறுவனம் இணைந்து படத்தைத் தயாரித்துள்ளன. அனிருத் இசையமைத்துள்ளார்.

சிவகார்த்திகேயன், அனிருத் காம்போவில் இதுவரை வெளியாகியுள்ள பாடல்கள் அனைத்தும் வழக்கம்போல் ஹிட் அடித்துள்ளன. படம் மே 13-ம் தேதி வெளியாகவுள்ளதால், படத்துக்கான விளம்பரப் பணிகளில் படக் குழு தீவிரம் காட்டி வருகிறது.

இந்நிலையில் இன்று சென்னையில் நடைபெற்ற பட வெளியீட்டுக்கு முந்தைய நிகழ்ச்சியில் படத்தின் டிரைலரை படக்குழுவினர் வெளியிட்டனர்.

டாக்டர் திரைப்படத்திற்குப் பிறகு நடிகர்கள் சிவகார்த்திகேயன், பிரியங்கா மோகன் இணைந்து நடித்துள்ள இந்தத் திரைப்படத்திற்கு ரசிகர்களிடையே எதிர்பார்ப்பு அதிகரித்துள்ளது.


Friday, May 6, 2022

‘காலத்துக்கும் நீ வேணும்’ : வெந்து தணிந்தது காடு திரைப்பட பாடல் வெளியீடு..!!!

‘காலத்துக்கும் நீ வேணும்’ : வெந்து தணிந்தது காடு திரைப்பட பாடல் வெளியீடு..!!!


வெந்து தணிந்தது காடு திரைப்படத்தின் காலத்துக்கும் நீ வேணும் எனும் பாடல் இன்று வெள்ளிக்கிழமை வெளியானது.

நடிகர் சிலம்பரசன் நடிப்பில் உருவாகியுள்ள வெந்து தணிந்தது காடு திரைப்படத்தின் படப்பிடிப்பு நிறைவடைந்ததைத் தொடர்ந்து புதிய போஸ்டரை படக்குழு வெளியிட்டுள்ளது.

இயக்குநர் கெளதம் வாசுதேவ் மேனன் உடன் நடிகர் சிலம்பரசன் மூன்றாவது முறையாக இணைந்துள்ள திரைப்படம் வெந்து தணிந்தது காடு. 'விண்ணைத் தாண்டி வருவாயா', 'அச்சம் என்பது மடமையடா' படங்களுக்கு பிறகு மூன்றாவது முறையாக சிம்பு, இசையமைப்பாளர் ஏ.ஆர்.ரஹ்மான், இயக்குநர் கௌதம் மேனன் கூட்டணி இணைந்துள்ளதால் படத்தின் மீதான எதிர்பார்ப்பு அதிகிரித்துள்ளது.

இந்தப் படத்தில் சிம்புவுக்கு ஜோடியாக சித்தி இத்னானி நடிக்க, நடிகை ராதிகா சிம்புவுக்கு அம்மாவாக நடித்துள்ளார்.

இந்தத் திரைப்படத்தின் படப்பிடிப்பு சமீபத்தில் நிறைவடைந்த நிலையில் தற்போது முதல் பாடலை படக்குழுவினர் வெள்ளிக்கிழமை வெளியிட்டனர். காலத்துக்கும் நீ வேணும் எனும் இந்தப் பாடலை பாடலாசிரியர் தாமரை எழுதியுள்ளார். நடிகர் சிலம்பரசன் மற்றும் ரக்‌ஷிதா சுரேஷ் உள்ளிட்டோர் பாடலைப் பாடியுள்ளனர்.


கடமையை செய் திரைப்பட டிரைலர் வெளியீடு..!!!

கடமையை செய் திரைப்பட டிரைலர் வெளியீடு..!!!


நடிகர்கள் எஸ்.ஜே.சூர்யா, யாசிகா ஆனந்த் நடித்துள்ள கடமையை செய் திரைப்படத்தின் டிரைலர் இன்று வெள்ளிக்கிழமை வெளியிடப்பட்டது.

மாநாடு திரைப்படத்தின் வெற்றிக்குப் பிறகு நடிகர் எஸ்.ஜே.சூர்யா பல்வேறு திரைப்படங்களில் ஒப்பந்தமாகி நடித்துவருகிறார்.

இந்நிலையில் இயக்குநர் வெங்கட் ராகவன் இயக்கத்தில் எஸ்.ஜே.சூர்யா கடமையை செய் திரைப்படத்தில் நடித்துவருகிறார். இந்தப் படத்தில் அவருக்கு ஜோடியாக பிக்பாஸ் யாசிகா ஆனந்த் நடித்துள்ளார். இவர்களுடன் மொட்டை ராஜேந்திரன், சேஷு, வின்செட் அசோகன் உள்ளிட்ட பலர் நடித்துள்ளனர்.

இந்நிலையில் இந்தத் திரைப்படத்தின் டிரைலரை நடிகர் சிலம்பரசன் இன்று வெள்ளிக்கிழமை வெளியிட்டார்.


Sunday, May 1, 2022

விக்னேஷ் சிவன் படத்தில் வில்லனாகும் விஜய்சேதுபதி?

விக்னேஷ் சிவன் படத்தில் வில்லனாகும் விஜய்சேதுபதி?


விக்னேஷ் சிவன் அடுத்து அஜித்தை இயக்கும் படத்தில் விஜய்சேதுபதி நடிக்க இருக்கிறாரா என்பது குறித்த தகவல் வெளியாகி உள்ளது.

'காத்துவாக்குல ரெண்டு காதல்' படத்தை அடுத்து விக்னேஷ் சிவன் நடிகர் அஜித்தின் அடுத்த படத்தை இயக்க இருக்கிறார். இதற்கான அறிவிப்பு கடந்த சில வாரங்களுக்கு முன்பு வெளியானது. நடிகர் அஜித்தின் 'விஸ்வாசம்', 'வீரம்', 'வலிமை' ஆகிய படங்களில் விக்னேஷ் சிவன் பல ஹிட் பாடல்களை கொடுத்துள்ளார். அஜித்தை எப்போது இயக்குவீர்கள் என ரசிகர்களின் எதிர்ப்பார்ப்புக்கு ஏற்ப அவரது இயக்கத்தில் அஜித்தின் 62வது படம் பற்றிய அறிவிப்பு வெளியானது. அஜித் இப்போது ஹெச்.வினோத்துடன் 61வது படத்தில் பிஸியாக இருக்கிறார். இதை முடித்த பிறகே விக்னேஷ் சிவனுடனான கதை தொடங்கும்.

இந்த நிலையில் 'காத்துவாக்குல ரெண்டு காதல்' படத்திற்கான சமீபத்திய பேட்டி ஒன்றில் விஜய்சேதுபதியிடம் ''மாஸ்டர்' படத்தில் விஜய்க்கு வில்லனாக நடித்து விட்டீர்கள். அதே போல, அடுத்து விக்னேஷ் சிவன் இயக்கத்தில் அஜித் நடிக்கும் படத்தில் வில்லனாக நடிக்க வாய்ப்பு வந்ததா?' என்ற கேள்வி கேட்கப்பட்டது.

இதற்கு பதிலளித்த விஜய்சேதுபதி, 'விக்னேஷ் சிவனுக்கு என்னை ரொம்ப பிடிக்கும். என் ஹீரோ சார் நீங்கள் என அடிக்கடி சொல்வார். அஜித்துக்கு வில்லனா என்ற கேள்வி அவரிடமும் கேட்கப்பட்டது. ஆனால், அவர் 'என்னுடைய ஹீரோவை எப்போதும் வில்லனாக பார்க்க விரும்பவில்லை' என கூறிவிட்டார். அதனால் நான் அஜித்தின் 62வது படத்தில் வில்லன் இல்லை' என பதில் அளித்துள்ளார் விஜய்சேதுபதி.

அஜித்தின் 62வது படத்தில் நயன்தாரா நாயகியாக நடிப்பார் எனவும் கூறப்படுகிறது.