கிளிநொச்சி கண்டாவளை சுண்டிக்குளம் பகுதியில் சுகவீனம் காரணமாக 4 மாத குழந்தை உயிரிழந்துள்ளது.
குறித்த குழந்தையை அடக்கம் செய்ய முடியாமல் இரு நாட்களாக தவித்த சம்பவம் பெரும் சோகத்தை ஏற்படுத்தியுள்ளது.
சுண்டிக்குளம் பகுதியில் சுகவீனம் காரணமாக மாத குழந்தை கிளிநொச்சி வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளது.
இந்நிலையில் குறித்த பெற்றோரின் வீட்டிற்கு செல்லும் வழியிலுள்ள பாலம் உடைந்ததாலும் அதிகரித்த வெள்ளப்பெருக்கினாலும் போக்குவரத்து தடைப்பட்டதால் குழந்தையின் சடலத்தை வீட்டிற்கு கொண்டு செல்ல முடியாது தவித்துள்ளனர்.
இன்றைய தினம் வெள்ளம் குறைவடைந்துள்ள நிலையில் இராணுவத்தின் உதவியுடன் குழந்தையின் சடலம் வீட்டிற்கு கொண்டு செல்லப்பட்டுள்ளது.
இச் சம்பவம் அப்பகுதியில் பெரும் சோகத்தை ஏற்படுத்தியுள்ளது.
Tags:
sri lanka news