ரயில் சேவை முற்றாக நிறுத்தம்: நாடு முழுவதும் அனைத்துப் பாதைகளிலும் சேவை இடைநிறுத்தம்..!!!

நாடு முழுவதும் நிலவும் தொடர்ச்சியான கடுமையான வானிலை காரணமாக, இன்று (நவம்பர் 28) காலை 6 மணி முதல் அனைத்து ரயில் சேவைகளும் இடைநிறுத்தப்பட்டுள்ளதாக ரயில்வே திணைக்களம் அறிவித்துள்ளது.

​மேலதிக பொது முகாமையாளர் சந்திரசேன பண்டார இது குறித்துத் தெரிவிக்கையில், தொடர்ச்சியான பலத்த மழையால் பல ரயில் பாதைகளில் மண்சரிவு, வெள்ளம் மற்றும் மரங்கள் முறிந்து விழும் அபாயம் அதிகரித்துள்ளதால், பயணிகளின் பாதுகாப்பை உறுதி செய்வதற்காகவே இந்தத் தற்காப்பு நடவடிக்கை எடுக்கப்பட்டுள்ளதாகக் கூறினார்.