மருதனார்மடம் பொதுச் சந்தை கொரோனா வைரஸ் கொத்தணியில் மேலும் 8 பேருக்கு கொவிட் – 19 நோய்த் தொற்று உள்ளமை இன்று (16) புதன்கிழமை உறுதிப்படுத்தப்பட்டுள்ளது.
இந்தத் தகவலை வடக்கு மாகாண சுகாதார சேவைகள் பணிப்பாளர், மருத்துவர் ஆ.கேதீஸ்வரன் தெரிவித்தார்.
சங்கானை பொதுச் சந்தையில் வியாபாரத்தில் ஈடுபடும் 100 வியாபாரிகளிடம் பெறப்பட்ட மாதிரிகளின் அடிப்படையில் முன்னெடுக்கப்பட்ட பரிசோதனையிலேயே 8 பேருக்கு தொற்று உள்ளமை உறுதிப்படுத்தப்பட்டுள்ளது.
இதன்மூலம் மருதனார்மடம் கொரோனா வைரஸ் கொத்தணியின் மூலம் பாதிக்கப்பட்டவர்கள் எண்ணிக்கை 66ஆக அதிகரித்துள்ளது.
இன்று அடையாளம் காணப்பட்டவர்களில் சங்கானை சுகாதார மருத்துவ அதிகாரி பிரிவைச் சேர்ந்த சங்கானையில் 4 பேரும் பண்டத்தரிப்பு, மானிப்பாய், வடலியடைப்பைச் சேர்ந்த ஒருவரும் உடுவிலைச் சேர்ந்த ஒருவரும் அடங்குகின்றனர்.
யாழ்ப்பாணம் பல்கலைக்கழக மருத்துபீட ஆய்வுகூடத்தில் இன்று 100 பேரின் மாதிரிகள் பிசிஆர் பரிசோதனைக்கு உள்படுத்தப்பட்டன. அவற்றில் பேருக்கு தொற்று உள்ளமை உறுதிப்படுத்தப்பட்டுள்ளது.
ஏனைய பேருக்கு தொற்று இல்லை என்று அறிக்கை கிடைத்துள்ளது என்று வடமாகாண சுகாதார சேவைகள் பணிப்பாளர் குறிப்பிட்டார்.