எதிர்வரும் 2023ஆம் ஆண்டின் முதல் பெயர்ச்சியாக புதன் கிரகம், வக்ர பெயர்ச்சியாக தனுசு ராசிக்கு செல்கிறார். புதனின் வக்ர சஞ்சாரத்தால் சிலருக்கு நன்மைகள் என்றால், சிலருக்கு நேரம் மோசமாகும்.
பலருக்கு மத்திம பலன்கள் இருக்கும். 2023, ஜனவரி 00:58 மணிக்கு இந்த பெயர்ச்சி நடைபெறும்.
புதனின் வக்ர பெயர்ச்சி, யாருக்கு எதுபோன்ற பலன்களைத் தரும் என தெரிந்துக் கொள்ளுங்கள்,
துலாம்: புதன் ஒன்பதாம் மற்றும் பன்னிரண்டாம் வீட்டிற்கு அதிபதி ஆவார். துலாம் ராசிக்காரர்களுக்கு, வேலை தொடர்பான திட்டங்கள் தீட்டுவதும், அதற்காக பயணிப்பதும் நல்ல அனுபவத்தைப் பெற உதவும். தொழில் செய்பவர்களுக்கு நல்ல வருமானம் இருக்கும். காதல் உறவுகள் கைக்கொடுக்கும். வக்ரமாக பெயர்ச்சி ஆகும் புதன் பகவான், உங்களுக்கு நல்ல ஆரோக்கியத்தை கொடுப்பார்.
விருச்சிகம் : விருச்சிக ராசிக்காரர்களுக்கு உங்கள் ராசிக்கு எட்டாம் மற்றும் பதினொன்றாம் வீட்டிற்கு அதிபதியான புதன் இரண்டாம் வீட்டில் இருக்கிறார்.
இது, பணியிடத்தில் இலக்குகளை அடைவதில் தாமதங்களை ஏற்படுத்தும். இது மன அழுத்தத்தை ஏற்படுத்தலாம். நல்ல லாபத்தைப் பெறவும், தொழிலில் வளர்ச்சியைப் பெறவும் இது சிறந்த நேரமாக இருக்காது.
சில சவால்களை சந்திக்க நேரிடலாம். வாழ்க்கைத் துணையுடனான உறவில் சிறிது கவனம் செலுத்த வேண்டியிருக்கும்.
தனுசு : தனுசு ராசிக்காரர்களுக்கு உங்கள் ராசிக்கு ஏழாவது மற்றும் பத்தாம் வீட்டிற்கு அதிபதியான புதன் முதல் வீட்டில் இருக்கிறார்.
இது உங்களுக்கு திருப்தியையும், மனநிறைவையும் கொடுக்கும். நீண்ட பயணங்களை மேற்கொள்ள வேண்டியிருக்கும். வாழ்க்கையில் நிறைய கற்றுக்கொள்ள உதவும் காலம் இது. வாழ்க்கைத் துணையுடன் நெருக்கமான மற்றும் இனிமையான அன்பைப் பராமரிக்கும் காலம் இது.
மகரம் : மகர ராசிக்காரர்களுக்கு, புதன் ஆறு மற்றும் ஒன்பதாம் வீட்டிற்கு அதிபதியாகி பன்னிரண்டாம் வீட்டில் இருக்கிறார்.
தனுசு ராசியில் வக்ர கதியில் சஞ்சரிக்கும் புதன், உங்களுக்கு திருப்திகரமாக இருக்காது. காதல் துணையுடனான உறவில் நல்லிணக்கம் காணப்படாமல் போகலாம். இது அதிக மன அழுத்தத்தை ஏற்படுத்தும், இது ஆரோக்கியத்தை நேரடியாக பாதிக்கும்.
கும்பம் : கும்ப ராசிக்காரர்களுக்கு ஐந்தாம் மற்றும் எட்டாம் வீட்டிற்கு அதிபதியான புதன் உங்கள் ராசியைப் பொருத்தவரை பதினொன்றாம் வீட்டில் அமர்கிறார்.
வேலையில் விரும்பிய மரியாதை மற்றும் அங்கீகாரத்தைப் பெற புதனின் சஞ்சாரம் உதவும். மேலதிகாரிகளின் அபிமானமும் கிடைக்கும். திருமண வாழ்க்கையின் அடிப்படையில் உங்கள் துணையுடன் நல்ல உறவைப் பெறுவீர்கள்.
மீனம் : மீனத்தின் நான்காம் மற்றும் ஏழாவது வீடுகளை ஆட்சி செய்யும் புதன், உங்கள் ராசியைப் பொறுத்தவரை பத்தாம் வீட்டில் இருக்கிறார்.
தொழில் ரீதியாக, நீங்கள் வளர்த்துக்கொள்ளும் திறமையால் வெளிநாடு செல்லும் வாய்ப்புகள் கிடைக்கும். இது நீங்கள் வளர நிறைய வாய்ப்புகளை உருவாக்க மற்றும் கண்டறிய உதவும்.
தனுசு ராசியில் புதன் சஞ்சாரத்தின் போது பண வரவு நன்றாக இருக்கும், காதல் உறவைப் பொறுத்தவரை, உங்கள் வாழ்க்கைத் துணையுடன் நல்லிணக்கத்தையும் சமநிலையையும் அடையும் நிலையில் நீங்கள் இருப்பீர்கள்.
