வேத ஜோதிடத்தின் படி, நவகிரகங்கள் ராசியை அவ்வப்போது மாற்றும். அப்படி ராசியை கிரகங்கள் மாற்றும் போது சில சமயங்களில் கிரகங்களின் சேர்க்கைகள் நிகழ்வதுண்டு. இந்த கிரக சேர்க்கைகளால் யோகங்கள் உருவாகும்.
இப்படி உருவாகும் யோகங்கள் சில சமயங்களில் சுப யோகங்களாகவோ அல்லது அசுப யோகங்களாகவோ இருக்கலாம். அதனால் சில ராசிக்காரர்களுக்கு நன்றாகவோ அல்லது மோசமாகவோ இருக்க வாய்ப்புள்ளது.
இந்நிலையில் மீன ராசியில் குரு, புதன் மற்றும் சூரியன் ஆகிய மூன்று கிரகங்களும் ஒன்றாக பயணிக்கின்றன. இதனால் மீன ராசியில் திரிகிரக யோகம் உருவாகியுள்ளது. இந்த யோகமானது மார்ச் 31 வரை நீடித்திருப்பதால், இதற்கு இடைப்பட்ட காலகட்டமானது சில ராசிக்காரர்களுக்கு மிகவும் அதிர்ஷ்டமானதாகவும், நல்ல பண வரவு கிடைக்கக்கூடிய காலமாகவும் இருக்கும்.
விருச்சிகம்
விருச்சிக ராசியின் 5 ஆவது வீட்டில் திரிகிரக யோகம் உருவாகியுள்ளது. இதனால் இந்த ராசிக்காரர்கள் இக்காலகட்டத்தில் திடீர் பண வரவைப் பெறுவார்கள். தொழிலில் நல்ல வெற்றியும், முன்னேற்றமும் ஏற்படும். காதல் வாழ்க்கை மகிழ்ச்சி நிறைந்து இனிமையாக இருக்கும். மாணவர்கள் இக்காலத்தில் படிப்பில் சிறந்து விளங்குவார்கள். தேர்வுகளில் சிறப்பாக செயல்பட முடியும்.
தனுசு
தனுசு ராசியின் 4 ஆவது வீட்டில் திரிகிரக யோகம் உருவாகியுள்ளது. இதனால் இக்காலத்தில் இந்த ராசிக்காரர்கள் அனைத்துவிதமான சுகங்களையும் பெறுவார்கள். தாயாருடனான உறவு மேம்படும். தாயிடம் இருந்து நன்மைகள் கிடைக்கும். வாகனம் வாங்கும் யோகம் உருவாகும். புதிய சொத்து வாங்குவது பற்றிய யோசனை எழும் மற்றும் அதற்கான வாய்ப்புக்களும் கிடைக்கும். ஏழரை சனியில் இருந்து விடுபட்டிருப்பதால், இதுவரை தடைபட்டு வந்த வேலைகள் அனைத்தும் தடையின்றி வெற்றிகரமாக முடிக்கப்படும்.
மீனம்
மீன ராசியின் முதல் வீட்டில் திரிகிரக யோகம் உருவாகியுள்ளது. இதனால் மீன ராசிக்காரர்களின் ஆளுமையில் நல்ல மாற்றம் ஏற்படும். தன்னம்பிக்கை அதிகரிக்கும். கூட்டு தொழில் செய்ய வேண்டுமென்ற ஆசை இருந்தால், அதை இக்காலத்தில் தொடங்கினால் அற்புதமாக இருப்பதோடு, நல்ல லாபமும் கிடைக்கும். மேலும் இக்காலத்தில் வாழ்க்கைத் துணையின் முழு ஆதரவு கிடைக்கும். திருமணமாகாதவர்களுக்கு நல்ல திருமண வரன் கிடைக்க வாய்ப்புள்ளது. பணிபுரிபவர்கள் இக்காலத்தில் முன்னேற்றத்தைக் காண்பார்கள்.
