சீரற்ற காலநிலையால் உயிரிழந்தவர்களின் எண்ணிக்கை 193 ஆக உயர்வு..!!!


நாடு முழுவதும் டிட்வா புயலால் உயிரிழந்தவர்களின் எண்ணிக்கை 193 ஆக உயர்ந்துள்ளது.

மேலும், 228 பேர் காணாமல் போயுள்ளதாக அனர்த்த முகாமைத்துவ நிலையம் தெரிவித்துள்ளது.

அத்தோடு, பதுளை மாவட்டத்தில் அதிகபட்சமாக 71 பேரும், கண்டியில் அதிகபட்சமாக 52 பேரும், மாத்தளையில் 20 பேரும், குருநாகலில் 15 பேரும் உயிரிழந்துள்ளதாகவும் தெரிவிக்கப்படுகின்றது.

காணாமல் போனவர்களில் அதிகபட்சமாக கண்டி மாவட்டத்தில் 105 பேரும், பதுளையில் 53 பேரும், கேகாலையில் 24 பேரும் காணாமல் போயுள்ளனர்.

அத்தோடு, 25 மாவட்டங்களில் 266,114 குடும்பங்களைச் சேர்ந்த 968,304 பேர் பாதிக்கப்பட்டுள்ளதாகவும் அனர்த்த முகாமைத்துவ நிலையம் உறுதிப்படுத்தியுள்ளது.

1,094 தங்குமிடங்கள் அமைக்கப்பட்டுள்ளதாகவும், 41,005 குடும்பங்கள் மற்றும் 147,931 பேர் தங்க வைக்கப்பட்டுள்ளதாகவும் அனர்த்த முகாமைத்துவ நிலையம் தெரிவித்துள்ளது.

டிட்வா சூறாவளி இப்போது நாட்டை விட்டு வெளியேறி தென்னிந்தியாவை நோக்கி நகர்ந்துள்ளது.

இந்த புயல் நாட்டிலிருந்து வெகு தொலைவில் மையம் கொண்டிருந்தாலும், மறைமுக தாக்கத்தை ஏற்படுத்துவதாக வானிலை ஆய்வாளர்கள் சுட்டிக்காட்டுகின்றனர்.

அதன்படி, இன்றும் இதன் தாக்கத்தால் மேலும் மழை பெய்யும் என்று வளிமண்டலவியல் திணைக்களம் தெரிவித்துள்ளது.
Previous Post Next Post


Put your ad code here