நள்ளிரவு முதல் எரிபொருள் விலை உயர்வு..!!!

இன்று (1) நள்ளிரவு முதல் அமுலாகும் வகையில் எரிபொருட்களின் விலையை திருத்தியமைத்துள்ளதாக இலங்கை பெட்ரோலியக் கூட்டுத்தாபனம் தெரிவித்துள்ளது.

இதற்கமைய, மண்ணெண்ணெய் தவிர ஏனைய எரிபொருட்களின் விலை உயர்த்தப்பட்டுள்ளது.

திருத்தப்பட்ட புதிய எரிபொருள் விலை விபரங்கள் வருமாறு:

லங்கா டீசல் லீற்றர் ஒன்றின் விலை ரூபா 5 இனால் அதிகரிக்கப்பட்டு, அதன் புதிய விலை ரூபா 397ஆக நிர்ணயிக்கப்பட்டுள்ளது (முந்தைய விலை: ரூபா 392).

லங்கா சுப்பர் டீசல்  லீற்றர் ஒன்றின் விலை ரூபா 15 இனால் அதிகரிக்கப்பட்டு, அதன் புதிய விலை ரூபா 543 ஆக உயர்த்தப்பட்டுள்ளது (முந்தைய விலை: ரூபா 528).

பெட்ரோல் 92 ஒக்டேன் லீற்றர் ஒன்றின் விலை ரூபா 10 இனால் அதிகரிக்கப்பட்டு, அதன் புதிய விலை ரூபா 424 ஆகப் பதிவாகியுள்ளது (முந்தைய விலை: ரூபா 414.00).

பெட்ரோல் 95 ஒக்டேன் லீற்றர் ஒன்றின் விலை ரூபா 15 இனால் அதிகரிக்கப்பட்டு, அதன் புதிய விலை ரூபா 490 ஆக நிர்ணயிக்கப்பட்டுள்ளது (முந்தைய விலை: ரூபா 475).

எவ்வாறாயினும், மண்ணெண்ணெய் விலையில் எவ்வித மாற்றமும் செய்யப்படவில்லை. அதன்படி, லீற்றர் ஒன்று தொடர்ந்து ரூபா 285 என்ற நிலையிலேயே விற்பனை செய்யப்படும் என இலங்கை பெட்ரோலியக் கூட்டுத்தாபனம் தெரிவித்துள்ளது.