வியட்நாமின் வரலாறு பரந்த மற்றும் மாறுபட்ட தாக்கங்களின் வரலாறுபதிவு .
இந்த நாட்டின் வரலாற்றின் பக்கங்களிலிருந்து வெளிவருவது வியட்நாமிய முட்டை காபி – இருண்ட வறுத்த காபியில் முட்டையின் மஞ்சள் கருவைச் சேர்ப்பதன் மூலம் தயாரிக்கப்படும் ஒரு பாரம்பரிய பானம்.
நினைத்துப்பார்க்க முடியாத கலவையாகத் தோன்றுகிறது அல்லவா? ஆனால், உண்மையில் அதன் தனித்துவமான மற்றும் சுவையான காபி அதிக புரத சத்துடன் வருகிறது.
சமீபத்தில் இதுபற்றி செஃப் சரண்ஷ் கோயிலா இன்ஸ்டாகிராமில் பதிவிட்டிருந்தார். அதில் அவருடைய வியட்நாம் நினைவுகளை நினைவுகூறி, முட்டை காபியை எவ்வாறு செய்வது என்பதையும் பகிர்ந்துகொண்டார்.
தேவையான பொருட்கள்
- டார்க் வறுத்த காபி – 2 டேபிள்ஸ்பூன்
- வெந்நீர் – சிறிதளவு
- முட்டையின் மஞ்சள் கருக்கள் (பேஸ்சுரைஸ் செய்யப்பட்ட முட்டைகள் பரிந்துரைக்கப்படுகின்றன) – 2
- கண்டென்ஸ் பால் – 2 டேபிள்ஸ்பூன்
- வெண்ணிலா எசென்ஸ் – 8-10 சொட்டுகள்
காபி வடிகட்டியைச் சூடான நீரில் நிரப்பி 10 நிமிடங்கள் ஒதுக்கி வைக்கவும்.
அடுத்து, ஒரு கண்ணாடி அல்லது மக் எடுத்து சூடான நீர் நிரம்பிய கிண்ணத்தில் வைக்கவும். மற்றொரு கிண்ணத்தில், முட்டையின் மஞ்சள் கரு மற்றும் கண்டென்ஸ் பால் சேர்க்கவும்.
அதனோடு வெண்ணிலா எசென்ஸ் சேர்த்து, 10 நிமிடங்கள் நன்கு அடித்துக்கொள்ளவும். முட்டை நுரை போதுமான அளவு நுரையாக இருக்கிறதா என்று சோதிக்க, ஒரு கிளாஸ் தண்ணீரில் அதனை ஒரு துளி சேர்க்கவும். இப்போது முட்டை நுரை மிதக்க வேண்டும்.
மற்றொரு கிளாஸில், முதலில் காபியை ஊற்றவும், பின்னர் முட்டை நுரை மற்றும் ஒரு சில காபி துளிகள் இட்டு ரெசிபியை அலங்கரிக்கவும். அவ்வளவுதான் சுவையான முட்டை காபி தயார்.